Published:Updated:

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!
பிரீமியம் ஸ்டோரி
ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

Published:Updated:
ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!
பிரீமியம் ஸ்டோரி
ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!

ஹலோ வாசகர்களே..!

ங்கித் துறை குறித்துக் கடந்த வாரத்தில் வெளியான இரண்டு தகவல்கள், புதிதாக அமையவிருக்கும் அரசு என்னென்ன நடவடிக்கைகளை எடுக்க வேண்டும் என்பதைத் தெளிவாக எடுத்துச்சொல்கிற மாதிரி இருக்கின்றன. முதல் தகவல், ஏ.டி.எம்-களின் எண்ணிக்கை குறைந்துவருவது; இரண்டாவது தகவல், யு.பி.ஐ மூலம் பரிவர்த்தனையாகும் தொகை கணிசமாக உயர்ந்திருப்பது.

ஏ.டி.எம்-களை மூடி, பணத்தட்டுப்பாட்டினை உருவாக்காதீர்கள்!



நாடு முழுக்க ஏ.டி.எம்-களின் எண்ணிக்கை குறைந்துவருவது கவனத்துக்குரியதும் கவலைக்குரியதும் ஆகும். ‘பிரிக்’ நாடுகளிலேயே மிகக் குறைந்த அளவில் ஏ.டி.எம்-களின் எண்ணிக்கை (1 லட்சம் பேருக்கு 22     ஏ.டி.எம்) இருப்பது நம் நாட்டில்தான். ஏ.டி.எம்-களைப் பராமரிக்க ஆகும் செலவு அதிகம் என்று சொல்லி, பல இடங்களில் உள்ள ஏ.டி.எம்-களை மூடிவருகின்றன வங்கிகள். கடந்த 2013-ம் ஆண்டில் 1.10 லட்சம் ஏ.டி.எம் இயந்திரங்கள் புழக்கத்தில்  இருந்தன; 2017-ல் இவை 2.20 லட்சமாக உயர்ந்தன. ஆனால், கடந்த இரு ஆண்டுகளில் புதிய ஏ.டி.எம் இயந்திரங்களின் எண்ணிக்கை அதிகரிக்கப்படவில்லை என்பதுடன், ஏற்கெனவே பயன்பாட்டிலிருந்த ஏ.டி.எம்-களின் எண்ணிக்கையும் குறைக்கப்பட்டுள்ளன.

வங்கிகளுக்குச் சென்று சேமிப்புக் கணக்கில் வரவு வைப்பதும், பணம், எடுப்பதும் பல்வேறு காரணங்களினால் சிரமமான காரியமாக மாறிவரும் நிலையில், ஏ.டி.எம்-களின் எண்ணிக்கையையும் குறைத்தால், பணப்புழக்கம் குறையும். இது ஒருபக்கமிருக்க, யு.பி.ஐ (Unified Payment Interface) மூலம் நடக்கும் பரிவர்த்தனை தொகை கடந்த சில மாதங்களாக அதிகரித்து வருகிறது. கடந்த மார்ச் மாதத்தில் மட்டும் யு.பி.ஐ மூலம் பரிவர்த்தனையான தொகை ரூ.1.33 லட்சம் கோடி. இது டெபிட் மற்றும் கிரெடிட் கார்டுகள் மூலம் பரிவர்த்தனையான  ரூ.1.1 லட்சம் கோடியைவிட அதிகம்.

இது வரவேற்கத்தக்கது என்றாலும், ரொக்கமாகப் பணத்தைச் செலவழிக்கும் பழக்கத்தை மக்களிடமிருந்து முடிந்தவரைக் குறைப்பதுடன், ஆன்லைன் பரிவர்த்தனை செய்யும் பழக்கத்தை அதிகரிக்க மத்திய அரசு கூடுதல் முயற்சிகளை எடுக்க வேண்டும். இதற்கு, யு.பி.ஐ குறித்து மக்களிடம் அதிகமான விழிப்புஉணர்வை உருவாக்க வேண்டும். பொருள்களை வாங்கும்போது அதற்கான பணத்தை டெபிட் கார்டுமூலம் செலுத்தும் நிலையை ஏற்படுத்தவேண்டும். ஏறக்குறைய 20 லட்சம் ஸ்வைப்பிங் மெஷின்களை நாடு முழுக்க நிறுவவேண்டும் என இலக்கு நிர்ணயிக்கப்பட்ட போதிலும், 6.5 லட்சம் ஸ்வைப்பிங் மெஷின்களே இதுவரை புழக்கத்திற்கு வந்திருக்கின்றன. இந்த இயந்திரங்களின் எண்ணிக்கையை அதிகரிக்காமல், ஏ.டி.எம்-களின் எண்ணிக்கையைக் குறைப்பது எப்படிச் சரியாகும்?

அடுத்து அமையவிருக்கும் அரசாங்கம் எந்தக் கட்சியின் தலைமையில் அமைந்தாலும்,  பணப்புழக்கத்தை அதிகரிக்கும் நடவடிக்கைகளை எடுத்தால் மட்டுமே, பொருளாதாரம் மேம்பட வழிபிறக்கும்!

- ஆசிரியர்

ஒட்டுமொத்த விகடனுக்கும் ஒரே ஷார்ட்கட்!