Published:Updated:

பேங்கிங் அண்ட் பி.எஸ்.யூ டெப்ட் ஃபண்ட்... யாருக்கு ஏற்றது?

முதலீடு
பிரீமியம் ஸ்டோரி
News
முதலீடு

குறைந்த ரிஸ்க் கொண்ட வங்கி ஃபிக்ஸட் டெபாசிட்டைவிட அதிக வருமானம் வேண்டும் என்பவர்களுக்கு ஏற்றதாக இந்த ஃபண்ட் உள்ளது!

டன் சந்தை சார்ந்த ஃபண்டுகளில் முக்கியமானது பேங்கிங் அண்ட் பி.எஸ்.யூ டெப்ட் ஃபண்ட். இந்த ஃபண்டில் திரட்டப்ப்படும் நிதியானது வங்கி மற்றும் பொதுத்துறை நிறுவனங்களின் கடன் பத்திரங்களில் முதலீடு செய்யப்படுகிறது. இதனால் இந்த ஃபண்டில் ரிஸ்க் அளவு மிகக் குறைவாக இருக்கிறது.

பொதுவாக, பட்டியலிடப்பட்ட வர்த்தக வங்கிகள், பொதுத் துறை நிறுவனங்கள், பொதுத்துறை நிதி அமைப்புகள், முனிசிபல் கார்ப்பரேஷன் போன்றவை வெளியிடும் பல்வேறு கடன் பத்திரங்களில் குறைந்தபட்சம் 80 சதவிகிதத் தொகை முதலீடு செய்யப்படும். அதுவும் அதிக தரக்குறியீடு கொண்ட பாதுகாப்பான கடன் பத்திரங்களில்தான் முதலீடு செய்யப்படுகிறது.

பேங்கிங் அண்ட் பி.எஸ்.யூ டெப்ட் ஃபண்ட்... யாருக்கு ஏற்றது?

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

பொதுவாக, இந்த ஃபண்டில் மஹாரத்னா மற்றும் நவரத்னா நிறுவனங்களின் கடன் பத்திரங்களில் ஃபண்ட் மேனேஜர்கள் முதலீடு செய்வதை வழக்கமாகக்கொண்டிருக்கிறார்கள். AAA குறியீடு கொண்ட பாண்டுகளில் முதலீடு செய்யப்படுகிறது. நபார்டு, சிட்பி போன்ற அரசு சார்ந்த அமைப்புகள் வெளியிடும் கடன் ஃபண்டுகளில் முதலீடு செய்யப்படுவதால், லிக்விடிட்டி அதிகமாக இருக்கிறது.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

குறைந்த ஏற்ற இறக்கம்..!

அதிக தரக்குறியீடு கொண்ட வங்கிகள் மற்றும் பொதுத்துறை நிறுவனங்களின் கடன் பத்திரங்களில் முதலீடு செய்யப்படுவதால், இந்த ஃபண்டின் என்.ஏ.வி மதிப்பு அதிக ஏற்ற இறக்கம் இல்லாமல் இருக்கும். அதேநேரத்தில், இதர டைனமிக் பாண்ட்ஃபண்டுகள், கிரெடிட் ரிஸ்க் ஃபண்டுகள் போன்றவற்றுடன் ஒப்பிடும் போது, பேங்கிங் அண்ட் பி.எஸ்.யூ டெப்ட் ஃபண்ட் ரிஸ்க் குறைவானதாகும்.

முதலீடு
முதலீடு

யாருக்கு ஏற்றது?

இந்த ஃபண்ட் ஓராண்டுக்கு மேல் மூன்றாண்டுகளுக்குள் பணம் தேவைப்படுகிற வர்களுக்கு ஏற்றதாக உள்ளது. இந்த ஃபண்டில் வருமானத்துக்கு உத்தரவாதம் கிடையாது.

வருமானம்

மூன்றாண்டுகளுக்குப் பிறகு, வரிக்குப் பிந்தைய நிலையில் ஃபிக்ஸட் டெபாசிட் முதலீட்டைவிட ஓரிரு சதவிகிதம் கூடுதல் வருமானம் கிடைக்கக்கூடும். கடந்த மூன்றாண்டு காலத்தில் டாப் ஃபண்டுகள் 8% முதல் 10% வரை வருமானம் கொடுத்திருக்கின்றன.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வருமான வரி விலக்கு

இந்த ஃபண்டில் குரோத் ஆப்ஷனைத் தேர்வுசெய்து, மூன்றாண்டுகள் கழித்து வெளியேறும்பட்சத்தில், லாபத்துக்கு நீண்டகால மூலதன ஆதாய வரி செலுத்த வேண்டும். அதாவது, பணவீக்க விகித சரிகட்டலுக்கு (Indexation) பிறகு, 20 சதவிகிதம் வரி மற்றும் ஆரோக்கியம் மற்றும் கல்வித் தீர்வு 4% கட்டினால் போதும்.

பேங்கிங் அண்ட் பி.எஸ்.யூ டெப்ட் ஃபண்ட்... யாருக்கு ஏற்றது?

மூன்றாண்டுக்கு முன் யூனிட்டுகளை விற்கும்பட்சத்தில் குறுகியகால மூலதன ஆதாய வரி செலுத்த வேண்டும். அதாவது, குறுகிய கால மூலதன ஆதாயம் ஒருவரின் வருமானத்துடன் சேர்க்கப்பட்டு, அவர் எந்த வருமான வரிப் பிரிவில் (5%, 10%, 15%, 20%, 25%, 30%) வருகிறாரோ, அதற்கு ஏற்ப வரி விதிக்கப்படும். குறுகியகாலம் முதல் நடுத்தர காலம் வரையில் பணத்தைப் போட்டுவைக்க இந்த வகை ஃபண்ட் ஏற்றதாக இருக்கிறது.

குறைந்த ரிஸ்க் கொண்ட வங்கி ஃபிக்ஸட் டெபாசிட்டைவிட அதிக வருமானம் வேண்டும் என்பவர்களுக்கு ஏற்றதாக இந்த ஃபண்ட் இருக்கிறது. இந்த ஃபண்டில் முதலீடு செய்ய நினைப்பவர்கள் இதிலுள்ள நிறைகுறைகளை நன்கு ஆராய்ந்து முதலீடு செய்யும் முடிவை எடுக்கலாம்.