Published:Updated:

லக்ஷ்மி விலாஸ் வங்கி... சிறு முதலீட்டாளர்கள் என்ன செய்ய வேண்டும்? - எல்.வி.பி கற்றுத் தரும் பாடம்!

லக்ஷ்மி விலாஸ் வங்கி
பிரீமியம் ஸ்டோரி
News
லக்ஷ்மி விலாஸ் வங்கி

எல்.வி.பி வங்கி டி.பி.எஸ் வங்கியுடன் இணைக்கப்பட்டு உள்ளது. இந்த வங்கி மீது விதிக்கப்பட்ட கட்டுப்பாடுகளும் நீக்கப்பட்டுள்ளன!

டந்த 17-ம் தேதி லக்ஷ்மி விலாஸ் வங்கியை டி.பி.எஸ் வங்கியுடன் இணைப்பதற்கான வரைவை ரிசர்வ் வங்கி வெளியிட்டது. இந்த வரைவு உடனடியாக நிறைவேறி, 27-ம் தேதி முதல் இனி லக்ஷ்மி விலாஸ் வங்கியானது டி.பி.எஸ் (டெவலப்மென்ட் பேங்க் ஆஃப் சிங்கப்பூர்) என அழைப்படும் என்று அறிவிக்கப்பட்டுள்ளது. தவிர, இந்த வங்கிக்கு விதிக்கப்பட்டிருந்த நிபந்தனைக் கட்டுப்பாடுகளும் (moratorium) நீக்கப்பட்டுள்ளன.
லக்ஷ்மி விலாஸ் வங்கி... சிறு முதலீட்டாளர்கள் என்ன செய்ய வேண்டும்? - எல்.வி.பி கற்றுத் தரும் பாடம்!

மதிப்பை இழக்கும் பங்கு...

வங்கியின் புரொமோட்டர்கள் மற்றும் நிறுவன முதலீட்டாளர்களிடமிருந்து ரிசர்வ் வங்கிக்கு கருத்துகள் சென்றிருக்கும். இருந்தாலும் ரிசர்வ் வங்கியின் வரைவு அறிக்கையை மத்திய அரசாங்கம் அப்படியே அமல்படுத்தும் பட்சத்தில், அந்த வங்கியின் பங்கில் பணம் போட்டிருக்கும் முதலீட்டாளர்களுக்கு எந்தப் பணமும் கிடைக்காது. காரணம், லக்ஷ்மி விலாஸ் வங்கி பங்குகளுக்கு எந்த மதிப்பும் இல்லாமல் போகும். ஆனால், வங்கியின் டெபாசிட்தாரர்கள் மற்றும் பணியாளர்களுக்கு எந்தப் பாதிப்பும் இருக்காது. என்ன காரணம்?

அதிகரித்த வாராக் கடன்...

கடந்த மூன்று ஆண்டுகளாக வங்கி ஒவ்வொரு காலாண்டிலும் லக்ஷ்மி விலாஸ் வங்கி தொடர்ந்து நஷ்டம் அடைந்து வந்தது. அதற்கு முந்தைய மூன்று ஆண்டுகளில் அதிகம் அளிக்கப்பட்ட கடன்களும் முக்கியமான காரணங்களில் ஒன்றாகும்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இந்த வங்கியின் மொத்த வாராக்கடன் 24.45% அளவுக்கு அதிகரித்திருக்கிறது. இதனால் வாராக்கடனுக்காக எவ்வளவு தொகையை ஒதுக்கீடு செய்தாலும் போதுமானதாக இல்லை. இந்த நிலையில், வங்கியை மீட்க கடந்த சில காலாண்டுகளாக எடுக்கப்பட்ட எந்த நடவடிக்கையும் பயன் அளிக்கவில்லை. வங்கியை மற்ற நிறுவனங்களுடன் இணைக்கும் நடவடிக்கை தோல்வி அடைந்தது.

லக்ஷ்மி விலாஸ் வங்கி... சிறு முதலீட்டாளர்கள் என்ன செய்ய வேண்டும்? - எல்.வி.பி கற்றுத் தரும் பாடம்!

அதே நேரத்தில், புதிய முதலீட்டைத் திரட்டும் நடவடிக்கையும் வெற்றி அடைய வில்லை. ஒருபுறம் வாராக்கடன் அதிகரிப்பு, வங்கியின் நஷ்டம் அதிகரிப்பு போன்ற காரணங்களால் வங்கியின் மீதான பார்வை மாறியது. இதனால் கடந்த சில மாதங்களாகப் பெருமளவிலான டெபாசிட் தொகை வெளியே எடுக்கப்பட்டது. இதனால் வேறு வழியில்லாமல் பணத்தை எடுக்க ரிசர்வ் வங்கி நிபந்தனை விதித்திருக்கிறது.

பங்குகளுக்கு மதிப்பில்லை...

நெகட்டிவ் நெட்வொர்த், நெகட்டிவ் கேப்பிடல் மற்றும் நெகட்டிவ் இ.பி.எஸ் ஆகிய காரணங்களால் லக்ஷ்மி விலாஸ் வங்கிப் பங்குகளுக்கு எந்த மதிப்பும் இல்லை.

கடந்த 2019-ம் ஆண்டு செப்டம்பரிலிருந்து புதிய கடன் எதையும் இந்த வங்கி வழங்கவில்லை. இந்த வங்கியின் வாராக் கடன் 24 சதவிகிதத்துக்கு மேல் உள்ளது என்றாலும், ரிசர்வ் வங்கியின் கடன் சலுகைக் காலம் தற்போது முடிந்திருப்ப தால், அடுத்த சில மாதங்களில் உண்மையான வாராக் கடன் இதைவிட சிறிது அதிகமாகலாம் என்னும் கணிப்பு பலருக்கும் இருக்கிறது. உதாரணத்துக்கு, ரான்பாக்ஸி நிறுவனத்துக்கு வழங்கப்பட்ட கடனில் எந்தவிதமான பிணையும் பெறாமல் தரப்பட்டிருக்கிறது.

டெபாசிட்தாரர்களுக்குப் பாதிப்பில்லை...

டெபாசிட்தாரர்களைக் காப்பாற்றுவதற்கு ரிசர்வ் வங்கி முன்னுரிமை கொடுத்திருக்கிறது. வங்கியின் எந்த டெபாசிட்டுக்கும் பாதிப்பு இல்லை. ரிசர்வ் வங்கியின் கட்டுப்பாடு நீக்கப்பட்ட பிறகு, டெபாசிட்டுகளை முழுமையாக எடுத்துக்கொள்ளலாம்.

டி.பி.எஸ் வங்கி முதலீடு...

வங்கியை மீட்கும் வகையில் டி.பி.எஸ் வங்கி ரூ.2,500 கோடியை முதலீடு செய்ய உள்ளது. இந்த இணைப்பு முழுமையடையும் வரை லக்ஷ்மி விலாஸ் வங்கியின் டெபாசிட் விகிதங்கள் கடைப்பிடிக்கப்படும். வங்கி இணைக்கப்பட்ட பிறகு, அனைத்து வாடிக்கை யாளர்களும் டி.பி.எஸ் வாடிக்கையாளர்களாக மாற்றப்படுவார்கள். அதன்பிறகு, புதிய வட்டி விகிதங்களுக்கு மாற்றப்படும். பணியாளர்களைப் பொறுத்தவரை, லக்ஷ்மி விலாஸ் வங்கியின் பணியாளர்கள் மூன்று ஆண்டுகளுக்கு தற்போதைய சம்பளத்தில் தொடர்வார்கள்.

எல்.வி.பி - சில விவரங்கள் 563 - கிளைகள்970 - ஏ.டி.எம் மையங்கள்20 லட்சம் - டெபாசிட்தாரர்கள்மொத்த டெபாசிட் - ரூ.20,973 கோடி வழங்கப்பட்ட கடன் - ரூ.16,622 கோடி

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

பங்குதாரர்கள் என்ன செய்யலாம்?

ரிஸ்க்கான முதலீடு எனத் தெரிந்துதான் பங்குதாரர்கள் லக்ஷ்மி விலாஸ் வங்கியின் பங்கில் முதலீட்டை செய்திருக்கிறார்கள். அதனால் பங்குகளுக்கு மதிப்பு இல்லை என அறிவித்தால், அதன் மதிப்பு பூஜ்ஜியம்தான். காரணம், வாராக் கடன்களால் அனைத்து முதலீடும் வீணாகிவிட்டது என முதலீட் டாளர்கள் புரிந்துகொண்டு, இனி புதிதாக செய்யும் முதலீடாவது இதுமாதிரி இல்லாமல் இருக்கும்படி செய்ய வேண்டும்.

லக்ஷ்மி விலாஸ் வங்கி... சிறு முதலீட்டாளர்கள் என்ன செய்ய வேண்டும்? - எல்.வி.பி கற்றுத் தரும் பாடம்!

லக்ஷ்மி விலாஸ் வங்கிப் பங்குக்கு மதிப்பு இல்லை எனச் சொல்லப்பட்டாலும், சந்தையில் இன்னும் வர்த்தகமாகி வருகிறது. இந்த வங்கி டி.பி.எஸ் வங்கியுடன் இணைக்கப்பட்டபின், இந்தப் பங்கு வர்த்தகத்தில் இருந்து நீக்கப்படும்.

பரிதவிப்பில் சிறு முதலீட்டாளர்கள்...

இந்தப் பங்கின் விலை கடந்த சில நாள்களில் மட்டும் 50 சதவிகிதத்துக்குமேல் வீழ்ச்சி கண்டிருக்கிறது. டெபாசிட்தாரர்களை ஆர்.பி.ஐ காப்பாற்றி இருக்கும் நிலையில், பங்கு முதலீட்டாளர்களை செபி அமைப்பு காப்பாற்றி இருக்க வேண்டும் என்பது சிறு முதலீட்டாளர் களின் கோரிக்கை ஆகும்.

நிறுவன முதலீட்டாளர்கள் காலத்துக்கேற்ப முதலீட்டை மாற்றி அமைத்து வருகின்றனர். ஆனால், சிறு முதலீட்டாளர்கள் (லக்ஷ்மி விலாஸ் வங்கியில் சிறு முதலீட்டாளர்களின் பங்கு 46.73%) அதைச் செய்வதில்லை. இந்த வங்கியைப் பொறுத்தவரை, பெரும்பாலான வர்கள் சிறு முதலீட்டாளர்கள்தான். பல ஆண்டுக் காலமாக இந்த வங்கி பங்குகளை வைத்திருக்கின்றனர். சிறு முதலீட்டாளர்கள் நஷ்டத்துடன் வெளியேறுவது வருத்தமளிக்கும் விஷயம் என்றாலும் இந்த ஆட்டத்தின் விதி இதுதான் என்னும் எதார்த்தத்தையும் நாம் புரிந்துகொள்ள வேண்டும்.