Published:Updated:

செலவு குறைந்து, சேமிப்பு அதிகரிப்பது பொருளாதாரத்துக்கு நல்லதா? - ரிசர்வ் வங்கியின் எச்சரிக்கை!

வாராக்கடன்
பிரீமியம் ஸ்டோரி
வாராக்கடன்

R B I R E P O R T

செலவு குறைந்து, சேமிப்பு அதிகரிப்பது பொருளாதாரத்துக்கு நல்லதா? - ரிசர்வ் வங்கியின் எச்சரிக்கை!

R B I R E P O R T

Published:Updated:
வாராக்கடன்
பிரீமியம் ஸ்டோரி
வாராக்கடன்

இந்திய நிதிக் கட்டமைப்பின் ஸ்திரத்தன்மை குறிப்பாக, வங்கிகளின் வாராக்கடன் உள்பட ரிசர்வ் வங்கியின் சிறப்பு அறிக்கை கடந்த 11.01.2021 அன்று வெளியிடப்பட்டது. இந்த சிறப்பு அறிக்கையில் சொல்லப்பட்டு இருப்பது என்ன என்று பார்ப்போம்.

கொரோனா பொருளாதார நெருக்கடி...

கோவிட் 19 பெருந்தொற்று, உலகப் பொருளாதாரத்தின் மீது மிகக் கடுமையான தாக்குதலை மேற்கொண்டிருப்பதாகக் குறிப்பிடும் ரிசர்வ் வங்கியின் ஆளுநர், சக்திகாந்த தாஸ், உலகெங்கிலும் உள்ள அரசாங்கங்களும் மத்திய வங்கிகளும் முன்னெப்போதும் இல்லாத அளவில் மீட்பு நடவடிக்கைகளை மேற் கொண்டிருப்பதாகவும் கூறியுள்ளார்.

கொரோனா தடுப்பு மருந்து வெற்றிகரமாகக் கண்டுபிடிக்கப் பட்டிருப்பது, நன்னம்பிக்கைகளை ஏற்படுத்தியுள்ள அதே நிலையில், கொரோனாவின் இரண்டாவது அலை புதிய நிச்சயமற்ற தன்மையை உருவாக்குவதுடன், தட்டுத் தடுமாறி மீண்டுவரும் தற்போதைய பொருளாதார வளர்ச்சியையும் சீர்குலைத்துவிடும் அபாயம் உள்ளது என்று கவலை தெரிவித்துள்ளார்.

குறையும் செலவு, அதிகரிக்கும் சேமிப்பு...

கடந்த நிதியாண்டிலேயே, ஒட்டுமொத்த வங்கிக் கடன் வளர்ச்சி 5.7 சதவிகிதமாக வீழ்ச்சி அடைந்திருந்த நிலையில், நடப்பு நிதியாண்டிலும், வங்கிக் கடன் அளவு மிகக் குறைந்த அளவிலேயே (5%) அதிகரித்துள்ளது. அதே சமயம், வங்கிகளின் டெபாசிட் அளவு இரட்டை இலக்கத்தில் சிறப்பாக உயர்ந்து வருவதை சுட்டிக் காட்டியுள்ள ரிசர்வ் வங்கியின் அறிக்கை, நிலையற்ற எதிர்காலம் குறித்த அச்சத்தால் பொது மக்களின் சேமிப்புப் பழக்கம் அதிகரித்திருக் கலாம் என்று கருத்து தெரிவித்துள்ளது.

நிதிச் சந்தைகளை எச்சரிக்கும் ரிசர்வ் வங்கி...

உலகப் பொருளாதாரம் 2020-ம் ஆண்டில் 4.4% வீழ்ச்சி அடையும் என்ற சர்வதேச நிதி அமைப்பின் (International Monetary Fund) மதிப் பீட்டைக் கோடிட்டுக் காட்டியுள்ள ரிசர்வ் வங்கியின் அறிக்கை, நிதிச் சந்தைகளுக்குள் நுழையும் அதிகப் படியான பணவரத்து, புதிய உச்சங் களுக்கு முக்கிய காரணமாக உள்ளது என்று கருத்தைத் தெரிவித்துள்ளது. பொருளாதாரத்தின் உண்மையான நிலவரத்தைப் பிரதிபலிக்காத நிதிச் சந்தைகள், பொருளாதார வளர்ச்சிக்கு புதிய அபாயங்களை உருவாக்கு கின்றன என்றும் கவலை தெரிவித்துள்ளது.

வாராக்கடன்
வாராக்கடன்

காத்திருக்கும் அபாயம்...

2008-ம் ஆண்டுடன் ஒப்பிடுகையில், இந்த முறை நமது வங்கிகளின் நிதி நிலைமை மேம்பட்டதாகவே அமைந்துள்ளது என்று ரிசர்வ் வங்கியின் அறிக்கை குறிப்பிட்டுள்ளது. அதே சமயம், ரிசர்வ் வங்கியின் சமீபத்திய (வாராக் கடன் குறித்த) ஒழுங்குமுறை தளர்வுகள் முடிவுக்கு வந்தபிறகு, கொரோனா பெருந் தொற்றின் தொடர்ச்சியான பொருளாதார நெருக்கடி, வங்கிகளின் நிதிநிலையைப் பெருமளவு பாதிக்கும் அபாயம் உள்ளதாகவும் சொல்லியிருக்கிறது.

நிதிக் கட்டமைப்பின் முக்கியத்துவம்...

ரிசர்வ் வங்கியின் ஆளுநர் தெரிவித்துள்ளபடி, வாழ்வாதாரத்தை உறுதிப்படுத்தும் வகையிலான பொருளாதார மீட்சி எனும் நமது முக்கிய நோக்கத்தை வெற்றிகரமாக நிறைவேற்ற நிதிக் கட்டமைப்பின் ஸ்திரத்தன்மை மிகவும் அத்தியாவசியமானது என்பதில் சந்தேகமே இல்லை!

நிதிக் கட்டமைப்பின் ஸ்திரத் தன்மையை உறுதிப்படுத்த போதுமான முன்னெச்சரிக்கை நடவடிக்கைகளை முன்னெடுக்க ரிசர்வ் வங்கியின் இந்தச் சிறப்பு அறிக்கை உறுதுணையாக இருக்கும் என்பதில் ஐயமில்லை.