Published:Updated:

ஏ.டி.எம் கட்டணம் அதிகரிக்கிறதா..? - என்ன பாதிப்பு?

ஏ.டி.எம்
பிரீமியம் ஸ்டோரி
ஏ.டி.எம்

ஏ.டி.எம் கட்டணத்தை அதிகரிக்கும்போது, மக்கள் பணம் எடுக்க வங்கிகளுக்குப் படையெடுக்கும் சூழல் உருவாகும்.

ஏ.டி.எம் கட்டணம் அதிகரிக்கிறதா..? - என்ன பாதிப்பு?

ஏ.டி.எம் கட்டணத்தை அதிகரிக்கும்போது, மக்கள் பணம் எடுக்க வங்கிகளுக்குப் படையெடுக்கும் சூழல் உருவாகும்.

Published:Updated:
ஏ.டி.எம்
பிரீமியம் ஸ்டோரி
ஏ.டி.எம்
டந்த 2019, ஜூன் மாதம் நடந்த ஆர்.பி.ஐ நிதி மற்றும் கடன் கொள்கை தொடர்பான கூட்டத்தில், ஏ.டி.எம் இயந்திரத்தில் பணம் எடுப்பதற்கான கட்டணத்தை நிர்ணயிப்பது குறித்த அறிவிப்பு வெளியிடப்பட்டது. இதையொட்டி இந்திய வங்கிகளின் சங்கமான ஐ.பி.ஏ-வின் முதன்மைச் செயல் அதிகாரி வி.ஜி.கண்ணன் தலைமையில் ஆர்.பி.ஐ கமிட்டி ஒன்று அமைக்கப்பட்டது.

பொதுவாக, ஏ.டி.எம்-களில் பணம் எடுக்க மாதத்துக்கு மூன்று முறை அனுமதிக்கப்படுகிறது. அதன் பிறகு பணம் எடுத்தால் ரூ.15, ஏதாவது விவரங்கள் தெரிந்துகொள்ள ரூ.5 வசூலிக்கப்படுகிறது. இவை வங்கிகளுக்கு வங்கி மாறுபடும். இந்த நிலையில், `இந்தக் கட்டணத்தை அதிகரிக்க வேண்டும்; மேலும், ஒரு முறையில் ஏ.டி.எம் மூலம் 5,000 ரூபாய்தான் பணம் எடுக்கும் வகையில் வரம்பு நிர்ணயிக்க வேண்டும். அதற்குமேல் எடுக்கும்பட்சத்தில் கூடுதல் கட்டணம் வசூலிக்க வேண்டும்’ என்று இந்த கமிட்டி பரிந்துரை செய்திருப்பது தெரியவந்திருக்கிறது.

ஏ.டி.எம்
ஏ.டி.எம்

`நம் நாட்டில் டிஜிட்டல் பணப் பரிவர்த்தனையை அதிகரிக்கவே இந்த நடவடிக்கை’ என்று சொல்லப்படுகிறது. ஆனால், நாடு முழுக்க இன்னும் முழுமையாக டிஜிட்டல் பணப் புழக்கம் அதிகரிக்காத நிலையில், ஏ.டி.எம் பரிவர்த்தனைக் கட்டணத்தை அதிகரித்தால் அதிகம் பேர் பாதிக்கப்படுவார்கள். குறிப்பாக, சாதாரண மக்கள் மற்றும் கிராமப்புற மக்கள் மிகவும் பாதிக்கப்படுவார்கள். காரணம், நாட்டில் பெரும்பாலான சில்லறை விற்பனைக் கடைகளில் டிஜிட்டல் பரிவர்த்தனை வரவில்லை. இதற்கு இரண்டு காரணங்கள். ஒன்று, டிஜிட்டல் பணப் பரிவர்த்தனையைக் கொண்டுவருவதன் மூலம் அவர்களுக்கு ஆகும் கூடுதல் செலவு, அடுத்து `வரி வரம்புக்குள் வந்து வரிகட்ட வேண்டுமே...’ என்ற பயம். ‘‘இந்த இரண்டையும் சரிசெய்யாமல் பொதுமக்கள் தலையில் கூடுதல் சுமையைக் கூட்டுவது எந்த வகையில் நியாயம்?’’ என்கிறார்கள் சிலர்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

பத்து லட்சத்துக்குமேல் மக்கள்தொகை உள்ள நகரங்களில் ஏ.டி.எம் கட்டணத்தை 16%, அதற்குக் குறைவான மக்கள்தொகைகொண்ட நகரங்களில் 24% அதிகரிக்கப் பரிந்துரை செய்யப்பட்டிருக்கிறது. `தற்போது நகர மக்கள்தான் அதிகமாக டிஜிட்டல் பரிவர்த்தனையை மேற்கொண்டு வருகிறார்கள். அந்த வகையில், அவர்கள் ஏ.டி.எம் பயன்படுத்துவது குறைவாக இருக்கும். அவர்களுக்கு ஏ.டி.எம் கட்டணத்தை அதிகரித்தாலும் அதிக பாதிப்பு இருக்காது. அதற்கு மாறாக, அவர்களுக்குக் குறைவான கட்டண அதிகரிப்பும், கிராமப்புற மக்களுக்கு ஏ.டி.எம் கட்டணத்தை அதிகமாக உயர்த்துவதும் நியாயமில்லாதது’ என்ற விமர்சனமும் எழுந்திருக்கிறது.

ஏ.டி.எம்
ஏ.டி.எம்

ஒரு வங்கியின் வாடிக்கையாளர் மற்றொரு வங்கியின் ஏ.டி.எம் மையத்தைப் பயன்படுத்தி பணம் எடுக்கும்போது, மூன்றாம் தரப்பு வங்கிக்கு வாடிக்கையாளர் கணக்கு வைத்திருக்கும் வங்கி, சேவைக்கான கட்டணத்தை வழங்குகிறது. `ஏ.டி.எம் கட்டணத்தை அதிகரித்தாலும், முழுமையான பரிவர்த்தனைச் செலவுகளை மூன்றாம் தரப்பு வங்கிகளால் பெற முடியாது’ என இந்த கமிட்டி தெரிவித்திருப்பதாகச் சொல்லப்படுகிறது. `ஏ.டி.எம் மையங்களில் பரிவர்த்தனைகள் அதிகரிக்கும்போது, செலவு நிச்சயம் குறையும். அதற்கு பதில் கட்டணங்களை அதிகரிக்கும் பட்சத்தில் ஏ.டி.எம் பரிவர்த்தனை எண்ணிக்கை குறைந்து, செலவு இன்னும் அதிகரிக்கத்தான் செய்யும்’ என்கிறார்கள் ஆய்வாளர்கள். மேலும், ஏ.டி.எம் கட்டணத்தை அதிகரிக்கும்போது, மக்கள் பணம் எடுக்க வங்கிகளுக்குப் படையெடுக்கும் சூழல் உருவாகும். இதனால், ஏற்கெனவே பணியாளர்கள் பற்றாக்குறையில் இயங்கிக்கொண்டிருக்கும் வங்கிகளுக்குக் கூடுதல் சுமையாக அது அமைய வாய்ப்பிருக்கிறது. இந்தப் பரிந்துரைகள் நடைமுறைக்குக் கொண்டுவரப்படும்பட்சத்தில், ஏ.டி.எம் மையத்தைத் தேவையில்லாமல் அடிக்கடி பயன்படுத்துவதற்கு பதிலாக, டிஜிட்டல் பரிவர்த்தனைகளை அதிகரித்துக்கொள்வது நல்லது.

நாட்டின் மூலைமுடுக்கெல்லாம் டிஜிட்டல் பரிவர்த்தனை பரவும்வரை ஆர்.பி.ஐ இந்தப் பரிந்துரைகளை நடைமுறைப்படுத்தாது என நம்புவோம்!