Published:Updated:

வங்கிகளை பாதிக்கும் கடன் சலுகை! - வாராக்கடன் அதிகரிக்குமா..?

வாராக்கடன் அதிகரிக்குமா..?
பிரீமியம் ஸ்டோரி
News
வாராக்கடன் அதிகரிக்குமா..?

கடந்த மார்ச் மாத நிலவரப்படி, பொதுத்துறை மற்றும் தனியார் வங்கிகள் தந்த கடன் மொத்தம் ரூ.104 லட்சம் கோடிக்கு மேல்!

டந்த ஏப்ரல் மாதத் தொடக்கத்தில் கடனைத் திருப்பிச் செலுத்துவதற்கான கால அவகாசம் தரும் சலுகையை (Moratorium) அறிவித்தது நமது மத்திய ரிசர்வ் வங்கி.

வேறு வழியில்லாமல் அறிவிக்கப்பட்ட இந்தச் சலுகை நடவடிக்கையால், இன்றைக்கு வங்கித்துறை பலவிதமான பாதிப்புகளை எதிர்கொள்ள வேண்டிய நிலைக்குத் தள்ளப்பட்டிருக்கிறது. இதனால் ஏற்படும் பிரச்னைகளுக்கு மத்திய அரசாங்கம் என்ன தீர்வு காணப்போகிறது என்பதே இன்றைக்கு மிகப்பெரும் கேள்வியாக இருக்கிறது.

ஆறு மாதம் நீண்ட அவகாசம்..!

நம் நாட்டில் கொரோனோநோய் பரவுவதைத் தடுக்க மார்ச் மாதக் கடைசியில் ஊரடங்கு நடவடிக்கை மேற்கொள்ளப்பட்டது. இதனால் அனைத்துப் பொருளாதார நிகழ்வுகளும் முடிவுக்கு வந்தன. நிறுவனங்களின் செயல்பாடுகள் நிறுத்தப்பட்டதால், பலரும் வேலை இழக்கும் நிலைக்குத் தள்ளப்பட்டனர். பல கோடிப் பேரின் வருமானமும் குறிப்பிடத் தகுந்த அளவுக்குக் குறைந்தது.

வங்கி
வங்கி

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

இந்த நிலையில், வங்கிகளில் வாங்கிய கடனை யாராலும் அசல் மற்றும் வட்டியுடன் திருப்பிச் செலுத்த முடியாது என்பதால், கடனுக்கான வட்டியை மட்டும் செலுத்திவிட்டு, அசலைச் சிறிது காலம் கழித்துச் செலுத்தும் சலுகையை ரிசர்வ் வங்கி அறிவித்தது. முதலில் மார்ச், ஏப்ரல், மே என மூன்று மாதங்களுக்கு மட்டும் இந்தச் சலுகை தரப்பட்டது. `இந்தக் கால அவகாசம் போதாது’ என்று சொல்லப்பட்டதால், பிற்பாடு இது ஜூன், ஜூலை, ஆகஸ்ட் வரை நீட்டிக்கப்பட்டது. ஆனால், பொருளாதாரம் மீண்டும் வளர்ச்சி காணத் தொடங்குவதில் பிரச்னைகள் இருப்பதால், `இந்தக் கால அவகாசத்தை டிசம்பர் வரை நீட்டிக்க வேண்டும்’ எனச் சிலர் கோரிக்கைவைக்கத் தொடங்கியிருக்கிறார்கள். `அப்படி டிசம்பர் வரை நீட்டிக்கப்படும் பட்சத்தில் வங்கித்துறை பல்வேறு பிரச்னைகளை எதிர்கொண்டு, அவற்றைச் சமாளிக்கப் படாதபாடு பட வேண்டியிருக்கும்’ என்று எச்சரிக்கிறார்கள் நிபுணர்கள்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

எந்த வங்கிக்கு எவ்வளவு பாதிப்பு?

கடந்த மார்ச் மாத நிலவரப்படி, பொதுத் துறை மற்றும் தனியார் வங்கிகள் (சிறு வங்கிகளும் சேர்த்து) தந்த கடன் மொத்தம் ரூ.104 லட்சம் கோடிக்கு மேல். வங்கிசாரா நிதி நிறுவனங்கள் அளித்த கடன் சுமார் ரூ.24 லட்சம் கோடி. இவற்றில் ரூ.50 லட்சம் கோடி அளவுக்கு, கடன் அவகாசச் சலுகையால் வங்கிக்கு வர வேண்டிய பணம் நின்றுபோயிருக்கிறது.

வங்கி
வங்கி

பொதுத்துறை வங்கிகள் கடந்த மார்ச் வரை தந்த கடன் சுமார் ரூ.60.12 லட்சம் கோடி. இதில் ரூ.24.62 லட்சம் கோடி கடன், சலுகைக் கால வசதியால் நின்றுபோயிருக்கிறது. தனியார் வங்கிகள் ரூ.36.06 லட்சம் கோடி அளவுக்குக் கடன் தந்திருந்தன. இதில் ரூ.14.42 லட்சம் கோடி நின்றுபோயிருக்கிறது. வங்கிசாரா நிதி நிறுவனங்கள் ரூ.23.54 லட்சம் கோடி கடன் தந்திருந்தன. இதில் ரூ.10.82 லட்சம் கோடி வருவது நின்றுபோயிருக்கிறது. சிறிய வங்கிகள் ரூ.99,919 கோடி கடன் அளித்துள்ள நிலையில், ரூ.66,443 கோடி வங்கிக்கு வருவது நின்றுபோயிருக்கிறது. அதாவது, சிறிய வங்கிகள் அளித்த கடன் தொகையில் 70% அளவுக்கு வங்கிக்கு வர வேண்டிய வருமானம் குறைந்திருக்கிறது.

பொதுத்துறை வங்கிகளைப் பொறுத்தவரை, பேங்க் ஆஃப் பரோடாவின் கடன்தாரர்கள் ஆர்.பி.ஐ அளித்த கடன் சலுகையைப் பெருமளவில் பயன்படுத்தியுள்ளனர். அந்த வங்கியைச் சேர்ந்த கடன்தாரர்களில் ஏறக்குறைய 65% பேர் இந்தச் சலுகையைப் பயன்படுத்தியுள்ளனர். பேங்க் ஆஃப் இந்தியாவின் கடன் வாடிக்கையாளர்களில் 41% பேரும், கனரா மற்றும் பஞ்சாப் நேஷனல் வங்கி வாடிக்கை யாளர்களில் 30% பேரும், பொதுத்துறை வங்கிகளிலேயே மிகவும் குறைவாக எஸ்.பி.ஐ வங்கியில் மட்டும் 23% பேரும் இந்தச் சலுகையைப் பயன் படுத்திக் கொண்டி ருக்கிறார்கள்.

தனியார் வங்கிகளைப் பொறுத்தவரை, 25 சதவிகிதத்திலிருந்து 75% வரை ஒவ்வொரு வங்கிக்கும் ஒவ்வொரு அளவில் வருமானம் வருவது தடைப்பட்டுள்ளது. நுண்கடன் தரும் சிறிய வங்கியான பந்தன் வங்கியின் 90% வாடிக்கையாளர்கள் கடன் சலுகையைப் பயன்படுத்தி, கடனைத் திருப்பிச் செலுத்துவதை ஒத்திவைத்திருக்கின்றனர்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

கிரெடிட் கார்டு லிமிட் குறைப்பு!

இருப்பதிலேயே மிக அதிக வட்டியுள்ள கடன்கள் என்றால் கிரெடிட் கார்டு கடன்கள்தான். இந்தக் கடனை வாங்கியவர் ஆறு மாத காலத்துக்கு அசலைக் கட்டவில்லை எனில், அதற்கு வட்டி விதிக்கப்பட்டு, அதுவும் அசலுடன் இணைக்கப்படும். அப்போது கடனை வாங்கியவர் `இவ்வளவு பணத்தைச் செலுத்த வேண்டுமா...’ என்று மலைத்து நிற்பார். இந்த நிலையில், கிரெடிட் கார்டுதாரர்கள் கிரெடி கார்டு மூலம் மேலும் மேலும் பொருள்களை வாங்குவதற்கான லிமிட் குறைக்கப்பட்டிருக்கிறது. செலுத்த வேண்டிய பணத்தையும், அதிக அளவில் செலுத்துவதுபோல விதிகள் மாற்றியமைக்கப்பட்டுள்ளன. எல்லாவற்றுக்கும் மேலாக, கிரெடிட் கார்டு மூலம் பணம் எடுப்பது தடை செய்யப்பட்டுள்ளது. ஆனால், பொதுத்துறை வங்கிகளைவிட தனியார் வங்கிகளே கிரெடிட் கார்டுகளை அதிகம் விநியோகித்திருப்பதால், அந்த வங்கிகளுக்கே பாதிப்பு அதிகம்.

கிரெடிட் கார்டு
கிரெடிட் கார்டு

வாராக் கடன்களாக மாறுமா?

கடன் தொகையைத் திருப்பிச் செலுத்த அளிக்கப்பட்ட கால அவகாசத்துக்குப் பிறகு, பலரும் கடன் தொகையைச் செலுத்தத் தொடங்கிவிடுவார்களா அல்லது இந்தக் கடனில் குறிப்பிட்ட பகுதி வாராக்கடனாக மாறுமா என்ற கேள்வியும் வங்கித் துறையினரை நடுங்கவைத்திருக்கிறது. `ஆர்.பி.ஐ சலுகையால் தற்போது வராமலிருக்கும் கடன் தொகையில் 5%-10% வரை வாராக்கடனாக மாற வாய்ப்புண்டு’ என்பது இப்போதைய நிலையில் வங்கித் துறையினரின் ஒரு கணிப்பாக இருக்கிறது. ஒரு தனியார் நிறுவனம் செய்த ஆய்வின்படி, `ஏறக்குறைய 20% அளவுக்குக் கடன் பணம் திரும்ப வராமலேயே போக வாய்ப்புண்டு’ என்று சொல்லப்பட்டிருக்கிறது. வங்கிகளின் வாராக்கடன் அதிகரிக்கும்பட்சத்தில், அவற்றைத் தள்ளுபடி (Writeoff) செய்வது தவிர வேறு வழியில்லை. அப்படிச் செய்தால், வங்கியின் மூலதனம் பெருமளவில் குறையும். அந்த நிலைமையைச் சமாளிக்க அரசிடமிருந்து மூலதன உதவியைப் பெற வேண்டும். இல்லாவிட்டால், மக்களிடமிருந்து பணத்தைத் திரட்ட வேண்டும். இப்போதுள்ள நிலையில், இந்த இரண்டுமே சாதாரணமாகச் செய்து முடிக்கக்கூடிய வேலையல்ல என்ற எண்ணமே வங்கித்துறையினரை களைப்படையச் செய்யக்கூடியதாக இருக்கிறது.

உச்ச நீதிமன்றத்துக்கு நன்றி!

வங்கியிலிருந்து வாங்கிய கடனுக்கான அசலை மட்டுமே திருப்பிச் செலுத்த கால அவகாசம் தந்திருக்கிறது ஆர்.பி.ஐ. இந்த அசலுடன் வட்டியையும் திருப்பிச் செலுத்த கால அவகாசம் அளிக்கப்பட வேண்டும் எனக் கோரிக்கை எழுந்தபோது, அதற்கு உச்ச நீதிமன்றம் ஒப்புதல் அளிக்கவில்லை. கடனுக்கான வட்டியையும் திருப்பிச் செலுத்த உச்ச நீதிமன்றம் கால அவகாசம் தந்திருக்கும்பட்சத்தில், வங்கிக்கு வர வேண்டிய பணம் இன்னும் பெருமளவில் குறைந்திருக்கும். `நல்லவேளை அப்படி எதுவும் நடக்கவில்லை. இதற்கு உச்ச நீதிமன்றத்துக்குத்தான் நன்றி சொல்ல வேண்டும்’ என்கிறார்கள் வங்கித் துறையினர்.