Published:Updated:

ஆர்.பி.ஐ செக்... வங்கித் தலைவர் பதவிக்கு ஆபத்தா? - யாருக்கெல்லாம் பாதிப்பு..?

உதய் கோட்டக், ஆதித்யா பூரி
பிரீமியம் ஸ்டோரி
உதய் கோட்டக், ஆதித்யா பூரி

வங்கித் தலைவர்களின் பதவிக் காலத்துக்கு எல்லை வகுக்கத் திட்டம் வகுத்திருக்கிறது ஆர்.பி.ஐ!

ஆர்.பி.ஐ செக்... வங்கித் தலைவர் பதவிக்கு ஆபத்தா? - யாருக்கெல்லாம் பாதிப்பு..?

வங்கித் தலைவர்களின் பதவிக் காலத்துக்கு எல்லை வகுக்கத் திட்டம் வகுத்திருக்கிறது ஆர்.பி.ஐ!

Published:Updated:
உதய் கோட்டக், ஆதித்யா பூரி
பிரீமியம் ஸ்டோரி
உதய் கோட்டக், ஆதித்யா பூரி
ற்போதைய நிலையில், பெரும் சிக்கலில் சிக்கியிருக்கும் சில துறைகளில் வங்கித்துறையும் ஒன்று. `இவற்றின் சிக்கல்களைத் தீர்க்க என்ன செய்யலாம்...’

என்று யோசித்த மத்திய ரிசர்வ் வங்கியான ஆர்.பி.ஐ., வங்கித் தலைவர்களின் பதவிக் காலத்துக்கு எல்லை வகுக்கத் திட்டமிட்டிருக்கிறது. இதற்கான வரைவை சில நாள்களுக்கு முன்னர் ரிசர்வ் வங்கி வெளியிட்டதால், வங்கித்துறையில் பரபரப்பு ஏற்பட்டது. ரிசர்வ் வங்கி அப்படி என்ன மாற்றங்களைக் கொண்டுவரப் போகிறது?

Bank
Bank

நிறுவனர்களுக்கு 10 ஆண்டுகள், புரொஃபஷனல்களுக்கு 15 ஆண்டுகள்..!

வங்கியின் நிறுவனராக இருப்பவர்கள் தலைமைப் பொறுப்பில் செயல்பட 10 ஆண்டுகளும், புரொஃபஷனல் தலைவர்களுக்கு அதிகபட்சம் 15 ஆண்டுகளும் கால அளவு நிர்ணயம் செய்ய இருப்பதாக ரிசர்வ் வங்கி தெரிவித்திருக்கிறது.

இதேபோல, முழு நேர இயக்குநர்களுக்கும் கால அளவு நிர்ணயம் செய்யப்பட்டிருக்கிறது. அதாவது, நிறுவனர் ஒருவர் வங்கியில் முழுநேர இயக்குநராகத் தொடர்வதற்கு பத்து ஆண்டுகளும், புரொஃபஷனல் இயக்குநர் என்றால், 15 ஆண்டுகளும் என நிர்ணயம் செய்யப்பட்டிருக்கிறது. மேலும், உயரதிகாரிகளின் அதிகபட்ச வயது 70 என்றும் நிர்ணயம் செய்யப்பட்டிருக்கிறது.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

இந்த வரைவு தொடர்பாக வரும் ஜூலை 15-ம் தேதி வரை கருத்து தெரிவிக்க, ரிசர்வ் வங்கி கால அவகாசம் வழங்கியிருக்கிறது. துறை சார்ந்த வல்லுநர்களின் கருத்துகளுக்குப் பிறகு, அடுத்த ஆண்டு ஏப்ரல் 1-ம் தேதி முதல் இந்தப் புதிய உத்தரவு அமலுக்கு வரும் என எதிர்பார்க்கப்படுகிறது.

உதய் கோட்டக்
உதய் கோட்டக்

மாற்றத்துக்கு என்ன காரணம்?

யெஸ் வங்கியின் சரிவுக்கு முக்கியமான காரணம், அதன் நிறுவனர்களில் ஒருவரான ரானா கபூரின் செயல்பாடுகள். அவரே தொடர்ந்து பல ஆண்டுகள் தலைமைப் பதவியில் இருந்ததால், யெஸ் பேங்க் பல விதமான முறைகேடுகளுக்கு உள்ளாகியிருக்கிறது. தவிர, கடந்த காலத்தில் பேங்க் ஆஃப் ராஜஸ்தான் மற்றும் குளோபல் டிரஸ்ட் வங்கி ஆகியவற்றில் பிரச்னை ஏற்படுவதற்கும் அவற்றின் நிறுவனர்கள்தான் காரணம்.

மேலும், ஐ.சி.ஐ.சி.ஐ வங்கியின் முன்னாள் தலைமைச் செயல் அதிகாரி சாந்தா கோச்சர், தன்னுடைய அதிகாரத்தைப் பயன்படுத்தி வீடியோகான் குழுமத்துக்குக் கடன் வழங்கினார். அதன் மூலம் அவருடைய கணவரின் நிறுவனத்துக்கு மறைமுகப் பலன் கிடைத்திருப்பதாக வழக்கு நடைபெற்று வருகிறது.

2009-ம் ஆண்டு சாந்தா கோச்சர் ஐ.சி.ஐ.சி.ஐ வங்கியின் நிர்வாக இயக்குநராக நியமனம் செய்யப்பட்டார். சர்ச்சை காரணமாக, 2018-ம் ஆண்டு வங்கியிலிருந்து வெளியேறினார். ஒருவேளை, இந்தச் சர்ச்சை வெளியாகவில்லையெனில், மேலும் 10 ஆண்டுகளுக்கு தலைமைப் பொறுப்பில் அவரே இருந்திருப்பார்.

அதிகபட்ச பதவிக் காலம் மற்றும் ஓய்வு வயதை நிர்ணயம் செய்யும்பட்சத்தில் பதவிக் காலம் எப்போது முடிவடையும் என்பது அனைவருக்கும் தெரியும். `இதன் மூலம் வங்கிச் செயல்பாடுகளில் மாற்றத்தைக் கொண்டு வர முடியும்’ என ரிசர்வ் வங்கி கருதுகிறது.

யாருக்கு பாதிப்பு?

ஹெச்.டி.எஃப்.சி வங்கியின் தலைமைச் செயல் அதிகாரி ஆதித்யா பூரி, கடந்த 26 ஆண்டு களாக தலைமைப் பொறுப்பில் இருக்கிறார். ஆனால், வரும் அக்டோபர் மாதத்தில் ஓய்வு பெற இருப்பதாலும், அடுத்த தலைமைச் செயல் அதிகாரியைத் தேடும் பணி ஏற்கெனவே தொடங்கப்பட்டிருப்பதாலும் ரிசர்வ் வங்கியின் இந்த விதியால் ஹெச்.டி.எஃப்.சி வங்கிக்கு பாதிப்பு இல்லை.

ஆதித்யா பூரி
ஆதித்யா பூரி

ஆனால், கோட்டக் மஹிந்திரா வங்கிக்குச் சிக்கல் உருவாக வாய்ப்பிருக்கிறது. இந்த வங்கியின் நிறுவனரான உதய் கோட்டக் கடந்த 17 ஆண்டுகளாக தலைமைப் பொறுப்பில் இருந்துவருகிறார். ஒருவேளை, அடுத்த ஆண்டு ஏப்ரல் மாதம் இந்த விதியை அமல்படுத்தும் பட்சத்தில் 2023-ம் ஆண்டு ஏப்ரல் மாதம் புதிய தலைவரைத் தேர்ந்தெடுக்க வேண்டியிருக்கும்.

ஃபெடரல் வங்கி, ஆர்.பி.எல் உள்ளிட்ட வங்கிகளின் தலைமைச் செயல் அதிகாரிகள் பத்து ஆண்டுகளை நெருங்கினாலும், கோட்டக் மஹிந்திரா வங்கியைத் தவிர மற்ற வங்கிகளுக்கு உடனடியான பாதிப்பு ஏதும் இல்லை.

சி.யூ.பி காமகோடி சொல்வதென்ன?

இது தொடர்பாக சிட்டி யூனியன் வங்கியின் தலைமைச் செயல் அதிகாரி காமகோடியைத் தொடர்புகொண்டோம். அவர் கூறியதாவது...

காமகோடி
காமகோடி

‘‘நீண்டகாலம் தலைமைப் பொறுப்பில் இருந்து சிறப்பாகச் செயல்பட்டவர்களும் இருக்கிறார்கள்; குறுகியகாலத்தில் மோசமாகச் செயல்பட்டவர்களுக்கும் இருக்கிறார்கள். இருந்தாலும், ரிசர்வ் வங்கி பொதுவான விதிமுறையை வகுக்கும்பட்சத்தில் அதை அனைவரும் பின்பற்ற வேண்டியது அவசியம்.

தவிர, இது போன்ற கொள்கை முடிவுகள் அந்தந்தக் காலத்துக்கு ஏற்றவை. 1960-களில் தலைவர் தனியாகவும், நிர்வாக இயக்குநர் தனியாகவும் இருந்தனர். தலைவராக இருப்பவர்கள் தினசரி அலுவல்கள் (Non Executive Chairman) இல்லாதவராக இருப்பதால், வங்கியின் எதிர்காலம் பாதிக்கப்படக்கூடும் எனக் கருதி, 1960-களின் இறுதியில் தலைவர் மற்றும் நிர்வாக இயக்குநர் பொறுப்பு இணைக்கப்பட்டது.

ஆனால், சில ஆண்டுகளுக்கு முன்னர் தலைவர் மற்றும் நிர்வாக இயக்குநர் பொறுப்பு பிரிக்கப்பட்டது. அதனால் கொள்கை முடிவுகள் காலத்துக்கேற்ப மாறிக் கொண்டிருக்கும். விதிமுறைகளுக்கேற்ப நாம் செயல்பட வேண்டும்’’ எனக் கூறினார். சிட்டி யூனியன் வங்கியின் தலைமைப் பொறுப்புக்கு காமகோடி வந்து, ஒன்பது ஆண்டுகள் ஆகிவிட்டன என்பது முக்கியமான விஷயம்.

ரிசர்வ் வங்கியின் இந்தப் புதிய விதிமுறையைக் கொண்டுவருவதன் மூலம் வங்கி நிர்வாகம் இன்னும் சிறப்பாக நடந்து, அதனால் மக்களுக்கு நன்மை கிடைக்குமெனில் எல்லோருக்கும் மகிழ்ச்சியே!