Published:Updated:

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?
பிரீமியம் ஸ்டோரி
கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

Published:Updated:
கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?
பிரீமியம் ஸ்டோரி
கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

வேலைவாய்ப்பு தருவதாகச் சொல்லி கடலூர் பகுதியில் தொடங்கப்பட்ட சிப்காட் தொழிற்சாலைகள், தற்போது காற்று மாசு, குடிநீர் மாசு ஏற்படுத்தி மக்களை கடும் நெருக்கடிகளுக்கு உள்ளாக்கியிருக் கிறது. இதனால், நூற்றுக்கணக்கானோர் கிராமங்களைவிட்டு வெளியேற வேண்டிய நிலை ஏற்பட்டுள்ளது.

கடலூர் மாவட்டத்தில் வேலைவாய்ப்பை உருவாக்கக்கூடிய அளவில் பெரிய தொழிற் சாலைகள் எதுவும் இல்லாததால், 1982-ம் ஆண்டில் சிப்காட் தொழிற்பேட்டை தொடங்கப்பட்டது. இங்கு மருந்துப் பொருள்கள், பெயின்ட், ரசாயனங்கள், பூச்சி மருந்துகள், பி.வி.சி பைப்புகள் எனப் பல்வேறு பொருள்கள் தயாரிக்கப்படுகின்றன. இந்தத் தொழிற்சாலைகளிலிருந்து வெளியேறும் கழிவுகள் நிலத்தடியிலும் உப்பனாற்றிலும் விடப்படுவதால் நிலத்தடி நீரில் ரசாயனம் கலந்து நீர் பச்சை நிறத்தில் வருவதாகத் தெரிவிக்கின்றனர் மக்கள். தொழிற்பேட்டையைச் சுற்றியுள்ள குடிகாடு, சங்கொலிக் குப்பம், காரைக்காடு, செம்மங்குப்பம் உள்ளிட்ட 30-க்கும் மேற்பட்ட கிராமங்களில் நிலத்தடி நீர் மாசு பட்டுள்ளதால், பயன்படுத்த முடியாத நிலை ஏற்பட்டுள்ளது. கடந்த 2017-ம் ஆண்டு பசுமைத் தீர்ப்பாயம் ‘இந்தப் பகுதி மக்களுக்குத் தரமான குடிநீர் வழங்க வேண்டும்’ என உத்தரவிட்டும் சிப்காட் நிர்வாகம் முறையாக வழங்கவில்லை என்று புகார் கூறுகிறார்கள் கிராம மக்கள்.

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

குடிகாடு கிராமத்தைச் சேர்ந்த காந்திமதி கூறுகையில், “தொழிற்சாலைகளுக்கு அருகில் எங்கள் ஊர் இருக்கிறது என்றுதான் அங்கிருந்து வெளியேறி இங்கு வந்து குடியேறினோம். ஆனால், இந்த ஊரில் சாலை உட்பட எந்த அடிப்படை வசதியும் இல்லை. குடிதண்ணீர் பிரச்னை அதிகமாக இருக்கிறது. ஊராட்சி நிர்வாகம் வழங்கும் தண்ணீரில் ரசாயனம் கலந்து வருகிறது. நல்ல தண்ணீருக்கு என உள்ள தனியான பைப் லைனில் குழிவெட்டித்தான் தண்ணீர் பிடிக்க வேண்டும். அதுவும் இரண்டு அல்லது மூன்று நாளைக்கு ஒரு தடவைதான் வருகிறது. சில சமயங்களில் அந்தத் தண்ணீரிலும் ரசாயன வாடை அடிக்கிறது” என்றார்.

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

குடிகாடு காலனியைச் சேர்ந்த மணிகண்டன், “சிப்காட் தொழிற் பேட்டையைச் சுற்றி சுமார் 30 கிராமங்கள் இருக்கின்றன. ஆயிரக்கணக்கான மக்கள் வசித்து வருகிறார்கள். எங்கள் பகுதி மக்களுக்கு வேலைவாய்ப்பை வழங்குவதற்காகத் தொடங்கப்பட்ட இந்தத் தொழிற்சாலைகளில் உள்ளூர் இளைஞர்களுக்கு எந்த வேலையும் வழங்கவில்லை. வெளியூர்க்காரர்கள் தான் வேலை பார்க்கின்றனர். இங்குள்ள தொழிற்சாலைகள் மாசுக்கட்டுப்பாடு வாரியத்தின் விதிகளை முறையாகக் கடைப்பிடிப்பதாகத் தெரியவில்லை. எனவே, குடிநீர் மாசுபட்டிருப்பதுடன், ஆலைகளி லிருந்து வெளியேறும் நச்சுப் புகை காற்றில் கலந்து எங்கள் பகுதியில் துர்நாற்றம் வீசுகிறது. இதனால் இங்குள்ளவர்களுக்கு முச்சுத் திணறல், ஆஸ்துமா, தோல் நோய், புற்றுநோய் போன்ற நோய்கள் ஏற்பட்டு, கடுமையான பாதிப்புகள் உண்டாகின்றன. விவசாயத்துக்காகப் பயன்படுத்தும் ஆழ்குழாய் கிணற்றுத் தண்ணீர்கூட நிறம் மாறித்தான் வருகிறது. மாவட்ட ஆட்சியர், அதிகாரிகள் என அனைவருக்கும் நாங்கள் பலமுறை புகார் மனுக்கள் கொடுத்தும் எந்த நடவடிக்கையும் இல்லை. இந்த  நிலை தொடர்ந்தால் கிராமங்களைவிட்டு வெளியேறுவதைத் தவிர எங்களுக்கு வேறுவழியில்லை” என்றார் வேதனையுடன்.

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

கடலூர் அனைத்துக் குடியிருப்போர் நலச் சங்கக் கூட்டமைப்பின் பொதுச் செயலாளர் மருதவாணன், “சிப்காட் தொழிற்சாலைகளில் 500 அடி, 1,000 அடி ஆழத்துக்கு விதிமுறைகளை மீறி போர்வெல் போடப்பட்டு தண்ணீர் உறிஞ்சப்படுகிறது. இதனால், கடலூரில் நிலத்தடி நீர் மட்டம் பெரிதும் பாதிக்கப்பட்டுள்ளது. ஆலைக் கழிவுகள் கடலில் விடப்படுவதால் ஐந்து கி.மீட்டர் தூரத்துக்கு மீன்வளம் அழிந்துள்ளது. இதைக் கண்காணிக்க வேண்டிய மாசுக்கட்டுப்பாடு வாரிய அதிகாரிகள், ‘சட்ட திட்டத்துக்கு உட்பட்டே தொழிற்சாலைகள் செயல்படு கின்றன’ என்று அறிக்கை தருகின்றனர். எனவே, இங்குள்ள தொழிற்சாலைகளைச் சுற்றுச்சூழல் கண்காணிப்புக் குழு அமைத்துக் கண்காணிக்க வேண்டும்” என்றார்.

கடலூர் சிப்காட்... கதறும் மக்கள்! - என்ன செய்கிறது மாசுக்கட்டுப்பாடு வாரியம்?

இதுகுறித்து மாவட்ட ஆட்சியர் அன்புச்செல்வனிடம் கேட்டோம். “தொடர்ந்து புகார்கள் வந்துகொண்டிருக்கின்றன. மாசுக்கட்டுப்பாடு அதிகாரி களைக் கேட்டால், ‘சட்டதிட்டங்களுக்கு உட்பட்டே தொழிற்சாலைகள் செயல்படு கின்றன’ என்கிறார்கள். ‘நிலத்தடி நீர் மட்டம் கீழே சென்றதால், கடல் நீர் உள்ளே  வந்துள்ளது’ என்றும் அதிகாரிகள் சொல்கின்றனர். இருப்பினும் இதுதொடர்பாக அதிகாரிகளிடம் விரிவான ஆய்வு நடத்தச் சொல்லியிருக்கிறேன். பாதிப்புகள் உள்ள இடங்களில் அதைச் சரிசெய்யத் திட்டமிட்டிருக்கிறோம். நிலத்தடி நீர் பாதிப்புகளுக்குத் தீர்வு காண உள்ளாட்சி அமைப்புகள், மாசுக்கட்டுப்பாடு வாரிய அதிகாரிகள், தாலுகா அதிகாரிகள் பங்கேற்கும் கூட்டத்துக்கும் ஏற்பாடு செய்து
கொண்டிருக்கிறோம். ரசாயன தொழிற்சாலைகள் அதிகம் இருப்பதால், சூழல் பாதிப்புகள் இருப்பதற்கான வாய்ப்புகள் இருக்கின்றன. நேரடியாகச் சென்று கள ஆய்வுசெய்து, மாசுகட்டுப்பாடு வாரிய விதிமுறைகளைக் கடைப்பிடிக்காத நிறுவனங்கள் மீது நடவடிக்கை எடுப்பேன்” என்றார்.

கடலூர் கிராம மக்களைக் காப்பாற்ற, அரசு போர்க்கால அடிப்படையில் நடவடிக்கை எடுக்க வேண்டும்.

- ஜி. சதாசிவம்,  படங்கள்: எஸ்.தேவராஜன்