பிரீமியம் ஸ்டோரி
பிட்ஸ் பிரேக்

வின்டேஜ் நகரமான ரோம் மாநகரின் மேயராகியுள்ளார், 37 வயதான விர்ஜினியா ரேகி. 3,000 ஆண்டுகால ரோம்  வரலாற்றில் மேயராக ஒரு பெண் தேர்ந்தெடுக்கப்படுவது முதல் முறை. சுயேட்சை வேட்பாளரான விர்ஜினியா, கடந்த வாரம் நடைபெற்ற தேர்தலில் 60 சதவிகித வாக்குகளைப் பெற்று வெற்றி பெற்றிருக்கிறார். `போப் நிர்வாகத்தின் கீழ் இயங்கும் வாடிகன், ரோம் மாநகராட்சிக்கு 2,368 கோடி ரூபாய் வரி பாக்கி வைத்திருக்கிறது. இதை உடனடியாக வசூலித்து, ரோம் நகரின் வளர்ச்சிக்கு செலவிடுவேன்' என முதல் அசைன்மென்ட் டிலேயே அதிரவைத்திருக்கிறார் விர்ஜினியா!

பிட்ஸ் பிரேக்

யக்குநர் ஏஞ்சலீனா ஜோலி இயக்கிவரும் ஐந்தாவது படமான `தே கில்டு மை ஃபாதர்' இந்த ஆண்டு ரிலீஸ். `லாங் உங்' என்கிற கம்போடிய எழுத்தாளரின் புத்தகத்தைத்தான் படமாக மாற்றுகிறார் ஜோலி. கம்போடியாவில் நடைபெற்ற கேமர் ரூஜ் சர்வாதிகார ஆட்சியில் நடைபெற்ற மனிதஉரிமை மீறல்களைப் பற்றி பேசும் படத்தில், தன் முதல் மகன் மடோக்ஸை நடிகனாக அறிமுகப்படுத்துகிறார். வளர்ப்பு மகனான மடோக்ஸை, கம்போடியா நாட்டில் இருந்துதான் ஏஞ்சலீனா தத்தெடுத்தார்!

பிட்ஸ் பிரேக்

` `நீங்கள் எக்ஸுடன் நடிப்பீர்களா... அவருடன் நடிப்பீர்களா?' என, என்னிடம் மீண்டும் மீண்டும் கேட்கிறார்கள். எனக்கு  எக்ஸ், ஒய், இஸட் என்ற எந்தக் கதாநாயகனுடனும் இணைந்து நடிக்க விருப்பம்தான். ஆனால், அந்தக் கதைக்கு அவர் பொருத்தமான ஜோடியாக இருக்க வேண்டும் அவ்வளவுதான். ஷாரூக் கான், ரன்பீர் கபூர், ரன்வீர் கபூர்... என எல்லோருமே என் படத்துக்கான நடிகர்கள். முன்னர் போல எமோஷனல் பெண்ணாக நான் இல்லை' என ஸ்டேட்டஸ் தட்டியிருக்கிறார் தீபிகா படுகோன்!

பிட்ஸ் பிரேக்

`உலக சாம்பியன்ஷிப் போட்டிகளில் தங்கள் வீரர்களுக்கு சரியான முடிவுகள் கிடைக்கவில்லை என்றால், குறிப்பிட்ட நாடுகள் எதிர்ப்பு தெரிவிப்பார்கள். அதற்கு சர்வதேச பாக்ஸிங் அமைப்பும் தோள்கொடுக்கும். ஆனால்  இந்தியாவை, சர்வதேச அமைப்புகள் பாரபட்சமாகத்தான் நடத்துகின்றன. அதைத்தான் இந்த முடிவும் காட்டுகிறது. இருப்பினும், தொடர்ந்து போராடுவேன். பாக்ஸராக நான் சாதிக்கவேண்டியவை நிறைய இருக்கின்றன. ஓய்வுபெறும் எண்ணம் இல்லை' - எனச் சொல்லியிருக்கிறார் மேரி கோம். ஐந்து முறை உலக சாம்பியனான மேரி கோமுக்கு, வைல்டு கார்டு மூலம் ஒலிம்பிக்கிற்குத் தகுதிபெறும் வாய்ப்பு இருந்தும், அதை வழங்க மறுத்திருக்கிறது சர்வதேசக் குத்துச்சண்டை அமைப்பு.

பிட்ஸ் பிரேக்

`இங்கிலீஷ் விங்கிலீஷ்' படத்தை அடுத்து, இயக்குநர் கெளரி ஷிண்டே இயக்கும் படத்தின் பெயர் `டியர் ஸிந்தகி'. `ஆட்டோகிராஃப்' ஸ்டைலில் ஒரு பெண், தன் வாழ்க்கையில் கடந்துவரும் மூன்று ஆண்களைப் பற்றிய படம். அலியா பட் நடித்திருக்கும் இந்தப் படத்தில், ஷாரூக் கான் மிக முக்கியமான ரோலில் நடித்திருக்கிறார். படம் நவம்பர் ரிலீஸ்!

பிட்ஸ் பிரேக்

னைவி ஐஸ்வர்யாவை  இயக்குநராக அறிமுகப்படுத்திய தனுஷ், அடுத்ததாக அவரின் தங்கை செளந்தர்யாவின் இயக்கத்தில் நடிக்க இருக்கிறார். இது `யாரடி நீ மோகினி' ஸ்டைலில் ரொமான்டிக் காமெடிப் படமாக இருக்குமாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு