Published:Updated:

அப்போ மீனவர் இப்போ கிரிக்கெட்டர்!

அப்போ மீனவர் இப்போ கிரிக்கெட்டர்!
பிரீமியம் ஸ்டோரி
அப்போ மீனவர் இப்போ கிரிக்கெட்டர்!

தா.ரமேஷ், படங்கள்: பா.காளிமுத்து

அப்போ மீனவர் இப்போ கிரிக்கெட்டர்!

தா.ரமேஷ், படங்கள்: பா.காளிமுத்து

Published:Updated:
அப்போ மீனவர் இப்போ கிரிக்கெட்டர்!
பிரீமியம் ஸ்டோரி
அப்போ மீனவர் இப்போ கிரிக்கெட்டர்!
அப்போ மீனவர் இப்போ கிரிக்கெட்டர்!

ன்டனி தாஸ்... தமிழ்நாடு கிரிக்கெட்டின் அதிரடி ஆல்ரவுண்டர். 27 வயதான இந்த மீனவ இளைஞர், தமிழ்நாடு பிரிமியர் லீக்கின் ஸ்டார் ப்ளேயர். சேப்பாக்கம் சூப்பர் கில்லீஸ் அணிக்காக விளையாடிவரும் ஆன்டனி, கிரிக்கெட்டரான கதை பல ட்விஸ்ட் அண்ட் டர்ன்ஸ் நிறைந்தது.

‘‘சொந்த ஊர் நாகர்கோவில் பக்கத்துல பள்ளம். மீன்பிடி கிராமம். அப்பா மீனவர். நான் ஏழாவது படிக்கும்போது எங்க அப்பாவுக்குக் கட்டுமரத்துல அடிபட்டது. அவரால ஒரு வருஷத்துக்குமேல மீன் பிடிக்கப் போக முடியாத சூழல். எனக்கு ஐந்து சகோதரிகள். அப்போ யாருக்கும் கல்யாணம் ஆகலை. அவங்களைக் கல்யாணம் பண்ணிக்கொடுக்கணும். குடும்ப நிலைமை ரொம்ப மோசமா இருந்தது. அதனால 12 வயசுலயே கடலுக்கு மீன்பிடிக்கப் போக ஆரம்பிச்சுட்டேன்.

ஸ்கூல் படிக்கும்போது கிரிக்கெட் விளையாட ரொம்பப் பிடிக்கும். கிடைக்கிற நேரத்துல கிராமப் பசங்களோடு கிரிக்கெட் விளையாடினேன். அப்போ பேட் வாங்கவே ரொம்ப கஷ்டம். தென்னை மட்டை, ஒடைஞ்ச கட்டுமரத் துண்டுனு எது கிடைச்சாலும் செதுக்கி பேட் செஞ்சுருவேன். பூவரச மரம், வேப்பமரக் கம்புகள்ல ஸ்டெம்ப் செய்றது, பெயில்ஸ் கட் பண்றது, கத்தாழை முள்ளை உடைச்சு, பௌண்டரி  லைன்ல செருகுறதுனு... எல்லா எக்யூப் மென்ட்டையும் நானே ரெடி பண்ணிடுவேன்.

‘நீ மேட்ச் ஆடினா சான்ஸ் கிடைக்கும். ட்ரை பண்ணு'னு என் ஃப்ரெண்ட்ஸ் சொன்னாங்க. ‘பேக்கிரவுண்ட் இல்லைனா தமிழ்நாடு கிரிக்கெட் டீம்குள்ள நுழைய முடியாது’னு சிலர் டிஸ்கரேஜ் பண்ணாங்க. ஆனா, பெருசா ஏதாவது சாதிக்கணும்னு எனக்குள் ஆசை.

2006-ம் ஆண்டு... எங்க ஏரியாவுல ஊரக விளையாட்டு டென்னிஸ் பால் மேட்ச் நடந்தது. அதுல பெர்ஃபார்ம் பண்ண ஆரம்பிச்சேன். எல்லாரும் நோட் பண்ணாங்க. `தாஸ் நல்லா விளையாடுறான்’னு எங்க ஏரியா முழுக்க செம ஃபேமஸ் ஆகிட்டேன். கன்னியாகுமரி வட்டாரத்துல எங்கே ரப்பர் பால், டென்னிஸ் பால் மேட்ச் நடந்தாலும் நான்தான் கெஸ்ட் ப்ளேயர். என் மேல எனக்கே கான்ஃபிடன்ஸ் வந்தது.

அப்பதான் நாகர்கோவில் சன்னி கிளப்ல ஜாயின்ட் பண்ணேன். என்னைச் செதுக்கியவர் கோச் ஹரிசுப்ரமணியம். 18 வயசுலதான் கிரிக்கெட் பால் மேட்ச் ஆட ஆரம்பிச்சேன். நைட் கடலுக்குப் போவேன். பகல்ல பிராக்டிஸ் பண்ணுவேன். இப்படியே அஞ்சு வருஷம் ஓடுச்சு. ஒருகட்டத்துல, இனி கிரிக்கெட்தான் வாழ்க்கைனு கடல் தொழிலை விட்டுட்டேன்.

அப்போ மீனவர் இப்போ கிரிக்கெட்டர்!

`இந்தியாவுக்காக விளையாடுறதுதான் என் கனவு'னு கோச்கிட்ட சொன்னேன். பயிற்சியை அவர் இன்னும் கடுமையாக்கினார். டிஸ்ட்ரிக்ட் அண்டர் 19 டீம்ல ஆடவெச்சார். அதுல நல்லா பெர்ஃபார்ம் பண்ணேன். ஐந்தாவது டிவிஷன்ல ஆட சான்ஸ் வந்தது. அப்புறம், ஒவ்வொரு டிவிஷனா கடந்து ஃபர்ஸ்ட் டிவிஷன் வந்தேன்.

2013-14 சீஸன் ரஞ்சி ட்ராஃபி டீம்ல ஆட இடம் கிடைத்தது. அடுத்த சீஸன்ல ஒன்டே டீம்ல இடம் கிடைத்தது. எம்.ஆர்.எஃப் பேஸ் ஃபவுண்டேஷன்ல ஐந்து  வருஷம் இருந்தப்பதான், மெக்ராத், டென்னிஸ் லில்லினு பெரிய பெரிய லெஜண்ட்ஸ்கிட்ட பயிற்சி எடுக்குற வாய்ப்பு கிடைத்தது. அவர்களிடம் நிறையக் கத்துகிட்டேன்.

டி20, ஒருநாள் கிரிக்கெட்ல என் பெர்ஃபார்மன்ஸ் பார்த்து, நல்ல ஆல் ரவுண்டர்னு முத்திரை விழுந்தது. டி.என்.பி.எல் தொடருக்கு, `சேப்பாக் சூப்பர் கில்லீஸ் டீம்' என்னை ஏலத்துல எடுத்தாங்க. நத்தத்துல நடந்த காரைக்குடிக்கு எதிரான மேட்ச்ல 9 ரன்கள் மட்டுமே கொடுத்து நாலு விக்கெட் எடுத்து, மேன் ஆஃப் தி மேட்ச் விருது தட்டினேன்.

இப்போ என் கவனம் முழுக்க டி.என்.பி.எல்-லின் பெஸ்ட் ஆல்ரவுண்டரா தேர்வாகிறதுதான்’’ என நம்பிக்கையோடு கைகொடுக்கிறார் ஆன்டனி தாஸ்!