விகடன் சாய்ஸ்

வீ ட்டில் நாம் பொக்கிஷமாகப் பொத்திப் பொத்தி வைத்திருக்கும் குப்பைகளின் மிக நீண்ட பட்டியல் இது. ஏன் வைத்திருக்கிறோம், எதற்கு வைத்திருக்கிறோம் எனத் தெரியாமல் குவித்துவைத்திருக்கும் இந்தப் புதையல்களை விட்டெறிந்தால்... வீடு, அழகுடன் சுத்தமாகும்.

. ரோல் போட்டால் படம் எடுக்கும், முன்னோர்கள் பயன்படுத்திய கோனிகா கேமராக்கள்.

. கிழிந்துபோன சுக்கலான உபயோகிக்கவே முடியாத பைக் கவர், கார் கவர், மற்றும் ரெயின் கோட்.

. பல்ப் இல்லாத, பேட்டரி போடாத, உபயோகிக்க முடியாத டார்ச் லைட்கள்.

. ஃப்ளாப்பி டிஸ்க்குகள், சி.டி-க்கள்

. யோகா பண்ணலாம் என முடிவெடுத்தபோது வாங்கிய யோகா மேட்.

. கீறல் விழுந்த நான்ஸ்டிக் பாத்திரங்கள்.

. கீறல் விழுந்து உடைந்துபோன பழைய கூலிங்கிளாஸ்கள்.

. ஒவ்வொரு பர்த்டேவுக்கும் புதிதாக வாங்கும் மெழுகுவத்திகள், கத்திகள், பேன்சி அயிட்டங்கள்.

. அமுங்கிப்போன தலையே வைக்க முடியாத தலையணைகள், உறைகள்.

. முப்பது அப்டேட்கள் வந்துவிட்ட சாஃப்ட்வேர் டி.வி.டி-க்கள்.

`சந்திரமுகி' காலத்து ஓடாத திருட்டு டி.வி.டி-க்கள்.

. கட்டுக்கட்டாக பணம் வைத்து நைந்துபோன பர்ஸ்.

. கிஃப்டாகக் குவிந்து, பரணிலேயே வாழ்ந்து மறைந்த ஓடாத வால் க்ளாக்குகள், டைம் பீஸ்கள்.

. போன ஜென்மத்தில் வாங்கிய மேக்கப் கிட்கள்.

. நோக்கியா கம்பெனியிடமே இல்லாத புராதனமான சார்ஜர்கள்.

. எக்ஸிபிஷன்களில் தேடித் தேடி வாங்கிய விளம்பர புரெளச்சர்கள்.

. எப்போதுமே பயன்படுத்தாத இத்துப்போன வொயர்கள், கேபிள்கள்.

. டாய்லெட்டை அலங்கரிக்கும் உபயோகித்து உடைந்த பக்கெட்டுகள், மக்குகள், டூத்பிரஷ்.

. தீர்ந்துபோன நெயில்பாலீஷ் பாட்டில்.

. இனி எந்த காலத்திலும் எதையும் மார்க் பண்ணாத பெர்மனென்ட் மார்க்கர்.

. ஒருகாலத்தில் சரித்திரங்களைத் தீட்டிய, எழுதாத பேனாக்கள்.

. துருப்பிடித்துப்போன பழைய கவரிங் நகை.

. நான்கு செல்போன்கள் மாற்றிய பிறகும் வைத்திருக்கும் அந்த 1100 செல்போன்கவர்.

பட்டன்கள் கொண்ட வேலைசெய்யாத மொபைல் போன்கள்

. பர்ஸில் நிறைந்திருக்கும் விவரங்கள் அழிந்துபோன ஏ.டி.எம் சீட்டுகள்.

ஜீரோ பேலன்ஸைக் காட்டும் பேங்க் ஸ்டேட்மென்ட்கள்.

. கிழிந்துபோன ஓட்டை ஜட்டிகள்.

. வேலைசெய்யாத பழைய பேட்டரிகள்.

. பிய்ந்து, நைந்து, இத்துப்போன காஸ்ட்லி காலணிகள், ஷூக்கள்.

. பழைய மிக்ஸி, கிரைண்டர், லேப்டாப், டெஸ்க்டாப், வாட்ச் முதலான எலெக்ட்ரிக்கல் அண்ட் எலெக்ட்ரானிக்ஸ் குப்பை.

. எக்ஸ்பயரி முடிந்த மாத்திரை மருந்துகள்.

. யாரோ கிஃப்டாகக் கொடுத்து பரணில் வீசி உடைந்த பீங்கான் கப் செட்டுகள்.

. கரப்பான்பூச்சிகள் வாழும், மூடி இல்லாத கிச்சன் கன்டெய்னர்.

. ஜோடி இல்லாத சிங்கிள் சாக்ஸ்.

. நெட்டுபோன பேட்மின்டன் ராக்கெட்கள், பூப்பந்துகள்.

. எங்கு பார்ச்சேஸ் போனாலும் கடைக்காரர்கள் அள்ளித்தரும் டிஸ்கவுன்ட் மெம்பர்ஷிப் கார்டுகள்.

. உடைந்த, மியூசியத்தில் வைக்கவேண்டிய ஹெல்மெட்.

. வேலை செய்யாத ஹெட்போன்.

. உடைந்துபோன செஸ், கேரம் போர்டு, ஓடாத வீடியோ கேம் கன்சோல்.

. கிழிந்துபோன பழைய பூட்கட் ஜீன்ஸ் பேன்ட்டுகள்.

உபயோகித்து பல ஆண்டுகள் கடந்துவிட்ட ஒல்லிக்குச்சி உடைகள்.

. ஆண்டுதோறும் யார் யாரோ சடங்குக்காகக் கொடுத்த, அச்சடித்த வாழ்த்து அட்டைகள்.

எப்போதோ, எங்கிருந்தோ வந்த உபயோகம் இல்லாத கடிதங்கள்.

எப்போதோ வாங்கிய டி.வி., வாஷிங் மெஷின், மொபைலுக்கான யூஸர் மேனுவல்.

. ஒட்டவே ஒட்டாத அழுக்குப்பிடித்த செல்லோ, பிரவுன் டேப்பு.

. யார் யாரோ தந்துவிட்டுப் போன தேவை இல்லாத விசிட்டிங் கார்டுகள்.

. பேரன்-பேத்திகளுக்கே கல்யாணம் செய்துவிட்டவர்களின் பழைய திருமண பத்திரிகைகள்.

. எழுதவேண்டும் என நினைத்து சேர்த்துவைத்த பழைய டைரிகள்.

குழந்தைகளின் பழைய பாடப்புத்தகங்கள், கைடுகள், இயர் புக்குகள் (தேவையானவர்களுக்குக்கூட கொடுக்கலாம்)

படிக்கவே முடியாத ஓசியில் கிடைத்த கவிதை நூல்கள்

. ஸ்ட்ரெச்சிங் போய்விட்ட ஹேர் பேண்ட்.

. நமக்கு கொஞ்சமும் சம்பந்தம் இல்லாத பழைய டாகுமென்ட்கள்.

. நினைவுச்சின்னமாக வைத்திருக்கும் பழைய டெலிபோன், கனெக்டே ஆகாத டயல்அப் மோடம்.

. .box{margin-bottom:15px;} .box>.icon{text-align:center; position:relative;} .box>.icon>.image{position:relative; z-index:2; margin:auto; width:120px; height:120px; border-radius:50%; -webkit-border-radius:50%; -moz-border-radius:50%; background:#fff; border:1px solid #e0e0e0;} .box>.icon>.image img{width:90px !important; height:90px !important; border-radius:30%; -webkit-border-radius:30%; -moz-border-radius:30%; margin:15px;} .box>.icon:hover>.image{background:#e0e0e0;} .box>.icon>.info{margin-top:-24px; border:1px solid #e0e0e0; padding:15px 0 10px;} .box>.icon>.info>p{margin:10px 5px 0;}

விகடன் சாய்ஸ்

Vikatan Correspondent