Published:Updated:

ஜென் Z - குறும்படம் எடுப்பது இப்படி?

ஜென் Z - குறும்படம் எடுப்பது இப்படி?
பிரீமியம் ஸ்டோரி
ஜென் Z - குறும்படம் எடுப்பது இப்படி?

எம்.காசி விஸ்வநாதன்

ஜென் Z - குறும்படம் எடுப்பது இப்படி?

எம்.காசி விஸ்வநாதன்

Published:Updated:
ஜென் Z - குறும்படம் எடுப்பது இப்படி?
பிரீமியம் ஸ்டோரி
ஜென் Z - குறும்படம் எடுப்பது இப்படி?

குறும்படங்கள் எடுப்பது கஷ்டமான வேலை கிடையாது. செல்போனில்கூட எடுத்துவிடலாம். ஆனால், அதை பெஸ்ட்டாக எடுக்க சில விதிகள் இருக்கின்றன. இதை ஃபாலோ பண்ணலாம்!

ஜென் Z - குறும்படம் எடுப்பது இப்படி?

1. கேமராவை அறிந்துகொள்ளுங்கள்.

எந்த கேமராவில் வேண்டுமானாலும் படம் எடுக்கலாம். ஆனால், அதன் பலம், பலவீனம் என்ன என்பது தெரிய வேண்டும். சமயங்களில் கதைதான் கேமராவைத் தீர்மானிக்கும். இருட்டில் சொதப்பும் கேமராவை வைத்துக்கொண்டு, இரவில் மட்டும் நடக்கும் படத்தை எடுக்க நினைப்பது ரொம்பத் தப்பு.

2. பேக்கப் முக்கியம்

எடுக்கும் காட்சிகளை ஓர் இடத்தில் மட்டும் சேமித்துவைக்காமல், இன்னொரு பிரதி எடுத்து வைத்துக்கொள்வது நல்லது.

3. நல்ல எடிட்டிங் மென்பொருள்

படத்தை நல்ல ஒரு கேமராவில் எடுத்து, அதை சுமாரான ஒரு மென்பொருளில் எடிட் செய்யாதீர்கள். விண்டோஸில் Adobe Premiere Pro, Adobe Aftereffects, Sony Vegas Pro-வும் ஆப்பிளில் Avid, Final cut pro-வும் குறும்படங்கள் எடிட் செய்ய சிறந்த மென்பொருட்கள்.

4. ஆடியோவும் முக்கியம் அமைச்சரே!

ஆடியோவில் எந்தச் சமரசமும் கூடாது. முடிந்தால் சொந்த மைக்கைக் கொண்டு வசனங்களைப் பதிவுசெய்யலாம். இல்லையெனில், அருகில் உள்ள ஸ்டுடியோவில் வசனங்களை டப்பிங் செய்யலாம். அதற்கு இயலாதவர்கள் வசனங்கள் அதிகம் இல்லாதவாறு கதை அமைப்பது நல்லது.

ஜென் Z - குறும்படம் எடுப்பது இப்படி?

5.எழுதுங்க பாஸ்!

உங்கள் கற்பனையில் உதித்த காட்சிகளை எழுத்து வடிவத்துக்குக் கொண்டுவாருங்கள். எழுதாமல் ஷூட்டிங்கில் பார்த்துக்கொள்ளலாம் என இருந்தால், முடிவுகள் சிறப்பாக இருக்காது.

6. நச் நடிகர்கள்

கதைக்கு ஏற்ப நடிகர்களைத் தேர்ந்தெடுப்பது மிக அவசியம். நண்பர்கள்தான் நடிகர்கள் என்றால், அவர்களை மனதில்வைத்து கதை எழுதுவது நல்லது.போலீஸ் என எழுதிவிட்டு, அதற்கு கல்லூரி நண்பனை நடிக்கவைத்தால் எப்படி பாஸ்?

7. என்ன முடியுமோ அது போதும்!

கதையில் தேவை இல்லாத பிரமாண்டம் வேண்டாம். எடுக்க சாத்தியமானதை மட்டும் கதையில் சேருங்கள். அதில் அழகு சேர்க்கப் பாருங்கள். தேவை இல்லாத பிரமாண்டம், செலவை ஏற்படுத்தும்.

8. நோ க்ளிஷே!

காட்சிகளில் புதுமையைச் சேருங்கள். திரைப்படங்களிலும் சீரியல்களிலும் ஏற்கெனவே வந்த க்ளிஷேவான காட்சிகளைத் தவிருங்கள். புதுமை... புதுமை... புதுமை அதுதான் குறும்படத்திற்கு ரொம்ப முக்கியம்.

9. இசை காப்பிக்கு நோ... நோ!

முதல் குறும்படத்துக்கே இசையமைப்பாளர் அமைவது கடினமே. அதற்காக ஏற்கெனவே காப்புரிமைப் பெறப்பட்ட இசையை உங்கள் படத்தில் சேர்க்காதீர்கள்.குறும்படப் போட்டிகளில் உங்கள் படம் தகுதிப்பெறாமல்போக இதுவே காரணம் ஆகலாம்.

10. அவசரப்படாதே!

முதல் குறும்படம் என்றால், பட வேலைகள் நீங்கள் எதிர்பார்த்ததைவிட அதிக நேரம் எடுக்கலாம்.நேரமின்மையின் காரணமாக, காட்சிகளில் சமரசம் கூடாது. முன்னரே நீங்களும் உங்கள் குழுவினரும் அதற்குத் தயாராக இருக்க வேண்டும்.