Published:Updated:

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்
பிரீமியம் ஸ்டோரி
யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

நா.சிபிச்சக்கரவர்த்தி, ஓவியம்: பிரேம் டாவின்ஸி

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

நா.சிபிச்சக்கரவர்த்தி, ஓவியம்: பிரேம் டாவின்ஸி

Published:Updated:
யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்
பிரீமியம் ஸ்டோரி
யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

#படிப்பினை
யார் உதவியும் இல்லாமல் சக்கர நாற்காலியை இயக்கினேன்.  கார் ஓட்டக் கத்துக்கிட்டேன்.  யூடியூப் பார்த்து நீச்சல் பயிற்சி எடுத்தேன். எதிர்பார்ப்புகள் இல்லாமல் நீச்சல் போட்டியில் கலந்துகிட்டு ஜெயிச்சேன். போட்டிகளில் இப்பவும் தொடர்ந்து கலந்துக்கிறேன்

#ஆச்சர்யம்
நமக்குள் இருக்கும் செயல்திறன்தான் எப்பவுமே எனக்கு ஆச்சர்யம். எனக்கு 90 சதவிகித உடம்பு இயங்காதுன்னு சொன்னாங்க. ஆனா, நான் இப்பவும் தினமும் ரெண்டு கிலோமீட்டர் தூரம் நீந்துறேன். இதை யாரும் எனக்குக் கண்டுபிடிச்சுச் சொல்லலை.

#பலம்
என் மேல எனக்கு உள்ள நம்பிக்கை!

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

#இலக்கு
குட்டி இலக்கு வெச்சுப்பேன். அதையும் அப்ப அப்பவே நிறைவேற்றிடுவேன்!

#அந்தஒருநாள்
2009-ம் ஆண்டு ஒருநாள், கார்ல வழக்கத்தைவிட வேகமா போயிட்டிருந்தேன். எதிர்பாராதவிதமா அந்த விபத்து நடந்தது. என் முதுகுத்தண்டில் பலத்த அடி. `கழுத்துக்குக் கீழே எந்த உறுப்பும் இயங்காது’னு சொன்னாங்க. நான் இதை ஏத்துக்கலை. என் உறுப்புகளைச் செயல்பட வைக்கணும்னு தொடர்ந்து போராடித் தோற்றுப்போனேன். ஒன்றரை வருடம் கழிச்சு ‘ஏன் நாம எப்போதும் செயல்படாத உறுப்புகளை நினைச்சே வருத்தப்பட்டுட்டிருக்கோம். செயல்படும் இந்தக் கழுத்தை மட்டும் வெச்சு என்ன செய்ய முடியும்?’னு எனக்குள் யோசிச்ச அந்த நாள்தான் என் வாழ்வையே மாற்றி அமைத்த நாள்.

#வெற்றி
விபத்து, அது உண்டாக்கின இழப்பு, அதுநாள் வரை எனக்குள்ள இருந்த தவிப்பு... எல்லாவற்றையும் மறக்கவைத்தது!

#பிடித்தபுத்தகம்
தன்னம்பிக்கை தரும் புத்தகங்கள் நம்ம சாய்ஸ் இல்லை. அரசியல், அறிவியல், பொது அறிவு புத்தகங்கள்தான் எனக்குப் பிடிக்கும்.

#தவறவிட மாட்டேன்  
எனக்கான நேரத்தை.

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

#மறக்கமுடியாதபரிசு
இந்த வாழ்க்கை!

#ஒருபன்ச்
விழுவதில் இல்லை வெட்கம்; விழுந்து கிடப்பதில்தான்!

#நீச்சல்
உடம்பின் ஸ்டாமினாவை வளர்த்துக்கத்தான் ஸ்விம்மிங் ஆரம்பிச்சேன். ஆனா, இப்ப ஸ்விம்மிங் எனக்கு ஒரு தியானம் மாதிரி...  

#உரிமை
மாற்றுத்திறனாளிகளுக்கான உரிமை கிடைப்பதில்லை. அதுக்குக் காரணம் அரசாங்கமும் சமுதாயமும் மட்டுமல்ல, மாற்றுத் திறனாளிகளும்தான்!

#ஒருசொல்

ஒரு விஷயத்தைச் செய்யாம இருக்க, பல காரணங்கள் தேடுவோம். ஆனா, ஒரு விஷயத்தைச் செய்யணும்னு நினைச்சா ஒரு காரணம் போதும்.

#முயன்றுமுடியாதது
நடக்க முயற்சிபண்ணேன். முடியலை!

யாரோ to ஹீரோ - ஜஸ்டின் விஜய் யேசுதாஸ், நீச்சல் வீரர்

#வலி
என் கழுத்துக்குக் கீழே உணர்வுகள் இல்லை என்பதால், உடல் வலி இல்லை; மனவலி மனசுக்கு வருவது இயல்புதானே!

#பிடித்தஆளுமை
அப்படி யாரும் இல்லை. மனுஷங்க எல்லாருமே ஒவ்வொரு வகையில் இன்ஸ்பிரேஷன்தான்.

#நம்பிக்கைவரி
கப்பல், கரையில் நின்றால் ஆபத்தே இல்லை. ஆனால், அது கரையில் நிற்பதற்காகப் படைக்கப்படவில்லை.

#ஆசை
நிறைய பயணம் செய்யணும்னு ஆசை. அந்தப் பயணமும் நடந்துட்டேதான் இருக்கு.

#கடைசியாசொல்றேன்
எல்லோருமே அவங்க வாழ்க்கையில் அவங்க ஹீரோதாங்க. மத்தவங்களும் நம்மள ஹீரோவா ஏத்துக்க என்ன பண்ணுறோம் என்பதுதான் முக்கியம்.