Published:Updated:

மும்பை வென்றது எப்படி?

மும்பை வென்றது எப்படி?
பிரீமியம் ஸ்டோரி
மும்பை வென்றது எப்படி?

தேவ்

மும்பை வென்றது எப்படி?

தேவ்

Published:Updated:
மும்பை வென்றது எப்படி?
பிரீமியம் ஸ்டோரி
மும்பை வென்றது எப்படி?

ஐ.பி.எல்.  வரலாற்றில் ஹாட்ரிக் அடித்திருக்கிறது மும்பை இந்தியன்ஸ். மாறாக இறுதிப்போட்டியை இவ்வளவு மெத்தனத்துடன் ஆட முடியுமா என்பதை உலகுக்குக் காட்டியிருக்கிறது புனே.

ஹைதராபாத்தில் துவங்கி ஹைதராபாத்தில் முடிவடைந்திருக்கிறது ஐ.பி.எல். சீஸன் 10. ஆரம்பம் முதலே இந்த சீஸனில் ஆதிக்கம் செலுத்தியது மும்பை அணிதான். 14 லீக் போட்டிகளில் 10 போட்டிகளில் வென்றது மும்பை. போட்டியின் ஆரம்பகட்டத்தில் தொடர்ந்து தோல்விகளைச் சந்தித்துப் பின் சுதாரித்துக்கொண்ட அணிதான் புனே.

மும்பை வென்றது எப்படி?

இறுதி யுத்தம்!

இரண்டு லீக், தகுதிச்சுற்றுப்போட்டி என மூன்று போட்டிகளிலுமே  புனேவிடம் தோல்வி கண்ட மும்பை அணி, ஏகப்பட்ட வியூகங்களுடன் இறுதிப்போட்டியை எதிர்கொண்டது. டாஸ் வென்றால் முதலில் பேட்டிங் ஆடவேண்டும், முதல் ஆறு  ஓவர்கள் நிதானமாக ஆடவேண்டும், வாஷிங்டன் சுந்தர் ஓவர்களில் ரன் அடிக்கவில்லை என்றாலும் பரவாயில்லை எனப் பல கேம் பிளான்கள்.

ஒட்டுமொத்த விகடனுக்கும் ஒரே ஷார்ட்கட்!

ஆனால் நடந்ததோ வேறு. இரண்டாவது ஓவரிலேயே ஓப்பனிங் பேட்ஸ்மேன் இருவருமே ஆட்டம் இழக்க, புனே கையில் போனது போட்டி. ஆனால் மும்பை அணி ஒரு பக்கம் விக்கெட்டுகளை இழந்துகொண்டே இருந்தாலும் நிதானம் இழக்கவில்லை.

அமைதியாய் இரு... அடித்து ஆடு!

எப்போதெல்லாம் அமைதியாக இருக்கவேண்டும், எப்போதெல்லாம் எதிர் அணியை பதற்றத்துக்குள்ளாக்க வேண்டும் என பொறுமை காத்து ஆடியது மும்பை அணி. எதிர் அணியினர் டென்ஷன் கொடுத்தபோதும் அமைதியைக் கடைபிடித்ததுதான் மும்பை அணிக்குக் கைகொடுத்தது. இரண்டாவது தகுதி ஆட்டத்தில் ஹைதராபாத்தை வென்றபோதும் சரி, இறுதி ஆட்டத்தில் புனே அணியை வீழ்த்தியபோதும் சரி மும்பை அணி கொஞ்சம்கூட பதற்றப்படவில்லை.
 
ஜான்சன் பாடம்!

கடைசி ஓவரை மிட்செல் ஜான்சன் வீசிய விதம் டி20 கிரிக்கெட்டர்கள் அனைவருக்குமே ஒரு பாடம். வெற்றிக்கு 13 ரன்கள் தேவை, கையில் 7 விக்கெட்டுகள் இருக்கின்றன என புனே வெற்றியின் விளம்பில் இருந்தபோது கடைசி ஓவரை வீச வந்தார் ஜான்சன்.  ஒரு வைடு, ஒரு நோ பால் மட்டும் அல்ல, ஒரு பந்துகூட அவர் லைனைத்தாண்டி வீசவில்லை. அந்த நேர்மையான பந்துவீச்சுக்குப் பலன்தான் இறுதி ஓவரில் கிடைத்த அந்த இரண்டு விக்கெட்டுகளும், வெற்றியும்.

எப்படி வீழ்ந்தது புனே?

லீக் போட்டிகளில் இரண்டு முறையும், தகுதிச்சுற்றில் ஒரு முறையும் மும்பை அணியை ஈஸியாக வீழ்த்திய புனே எப்படி இறுதிப்போட்டியில் திணறியது என்பதற்குக் காரணம், அந்த அணி வீரர்களின் ஒழுங்கற்ற ஆட்டம்தான். லீக் போட்டிகளில் பென் ஸ்டோக்ஸ் சில ஆட்டங்களிலும், தோனி சில ஆட்டங்களிலும், ஸ்மித் திடீர் திடீரென ஆடிய சீரற்ற ஆட்டமே அந்த அணியின் பலவீனம்.

மெத்தனம்!

79 ரன்களுக்கு ஏழு விக்கெட் என மும்பை சரிந்ததுமே ஆட்டம் தங்கள் கையில் வந்துவிட்டது, சாம்பியன் கோப்பையை வென்றுவிட்டோம் என்கிற உணர்வில் மிதக்க ஆரம்பித்ததற்கு சாட்சியே அந்த அணியின் கடைசி ஆறு ஓவர்கள். 50 ரன்கள் விட்டுக்கொடுத்ததோடு ஒரே ஒரு விக்கெட்டை மட்டுமே பறித்துக் கடைசிக்கட்டத்தை பெளலிங்கில் கோட்டைவிட்டது புனே அணி.

`ஓவர் மெதப்பு உடம்புக்கு ஆகாது' என்பதே புனே அணியின் தோல்வி சொல்லும் செய்தி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism