Published:Updated:

பணத்தால் பணத்துக்காக...

பணத்தால் பணத்துக்காக...
பிரீமியம் ஸ்டோரி
பணத்தால் பணத்துக்காக...

பணத்தால் பணத்துக்காக...

பணத்தால் பணத்துக்காக...

பணத்தால் பணத்துக்காக...

Published:Updated:
பணத்தால் பணத்துக்காக...
பிரீமியம் ஸ்டோரி
பணத்தால் பணத்துக்காக...

‘ஜனநாயகமா, பணநாயகமா?’ என்கிற வாக்கியம் வழக்கமாக எதிர்க்கட்சிகளின் வார்த்தை விளையாட்டாக

பணத்தால் பணத்துக்காக...

மட்டுமே இருக்கும். ஆனால், அது எப்போதாவதுதான் ஆதாரங்களுடன் அம்பலமாகும். எடப்பாடி பழனிசாமி தலைமையிலான தமிழக அரசு மீது அடுத்தடுத்து வரும் பணபேரம் தொடர்பான புகார்கள் அப்படி ஆதாரப்பூர்வமாக அம்பலமாகி பொதுமக்களை அதிர்ச்சியிலும் ஆத்திரத்திலும் ஆழ்த்தி வருகின்றன.

‘அ.தி.மு.க. புரட்சித்தலைவி அம்மா அணி’யைச் சேர்ந்த எம்.எல்.ஏ சரவணன் பேசியதாக தனியார் தொலைக்காட்சி ஒன்று வெளியிட்டிருக்கும் வீடியோ காட்சி, நம் அரசியல் அவலங்களுக்கான சாட்சியாக விளங்குகிறது. ‘விமான நிலையத்தில் இரண்டு கோடி ரூபாய் பேரம், கவர்னர் மாளிகைக்குச் சென்றபோது நான்கு கோடி பேரம், கூவத்தூர் விடுதியில் ஆறு கோடி பேரம்’ என்று பேரத்தொகை உயர்ந்துகொண்டே போனதாக சரவணனின் வார்த்தைகளில் வெளிப்பட்டிருப்பவை எடப்பாடி அணி, ஓ.பன்னீர்செல்வம் அணி என்ற இரண்டு அணிகளின் முகமூடிகளையும் கிழித்திருக்கின்றன. ‘500 கோடிதான் தங்கள் இலக்கு’ என்றும், ‘ஓ.பன்னீர்செல்வம் அணிக்குச் செல்வதன் மூலம் எப்படியும் மத்தியிலோ, மாநிலத்திலோ அமைச்சராகிவிடலாம்’ என்றும் சரவணன் சொல்வதாக அமைந்திருக்கும் காட்சிகள், பன்னீர் அணியும் வெளுத்த பால் அல்ல என்பதைச் சுட்டிக்காட்டுகின்றன.

தங்கள் மீது சுமத்தப்படும் குற்றச்சாட்டை மறுத்து, நேர்மையை நிரூபிக்க வேண்டிய எடப்பாடி பழனிசாமியோ மௌனம் காக்கிறார். இதற்குமுன் ‘கூவத்தூரில் எம்.எல்.ஏ-க்கள் மிரட்டப்பட்டார்கள்; பேரம் பேசப்பட்டது’ என்று குற்றம்சாட்டிவந்த ஓ.பன்னீர்செல்வமோ, கத்தி தங்கள் தலைக்கு மேலும் தொங்குவதால், வாயடைத்து நிற்கிறார்.

இந்தப் பிரச்னை குறித்து தமிழகமே விவாதித்துக்கொண்டிருக்கும் சூழலில் ஆர்.கே.நகர் பணப்பட்டுவாடா குறித்து முதல்வர் எடப்பாடி பழனிசாமி உள்ளிட்ட அமைச்சர்கள் மீது வழக்குப்பதிய தேர்தல் ஆணையம் உத்தரவிட்ட தகவலும், அந்த உத்தரவைக் காவல்துறை கிடப்பில் போட்ட தகவலும், தகவல் அறியும் உரிமைச் சட்டப்படி உயர் நீதிமன்றத்தில் தாக்கல் செய்யப்பட்டுள்ள மனு மூலமாகவே தெரியவந்துள்ளது.

பணப்பட்டுவாடா காரணமாக, மூன்று தொகுதிகளில் இடைத்தேர்தல் ரத்து செய்யப்பட்ட ‘சாதனை’, ஏற்கெனவே தமிழகத்துக்கான தலைக்குனிவு. இப்போது தமிழக முதல்வரே குற்றவாளிக் கூண்டில் ஏற வேண்டிய நிலை ஏற்பட்டிருப்பதும், பணபேரத்தின் மூலமே இந்த ஆட்சியின் அடித்தளம் அமைந்திருப்பதும் உச்சக்கட்ட வெட்கக்கேடு.

இடைத்தேர்தலில் வாக்காளர்களைப் பணம் கொடுத்து விலைக்கு வாங்குவது, பெரும்பான்மையை நிரூபிக்க, மக்களால் தேர்ந்தெடுக்கப்பட்ட பிரதிநிதிகளையே பணம் கொடுத்து விலைக்கு வாங்குவது போன்ற குறுக்குவழிகளும், குயுக்தியான மனநிலையும் எந்த வகையிலும் ஜனநாயகம் என்ற வார்த்தைக்கு அர்த்தம் சேர்க்காது.

மாண்புமிகு தமிழக முதல்வர் எடப்பாடி பழனிசாமி அவர்களே, நீங்கள் சட்டமன்றத்தில் நடைபெற்ற ‘நம்பிக்கை வாக்கெடுப்பில்’ வேண்டுமானால் வெற்றி பெற்றிருக்கலாம். ஆனால், மக்கள் மன்றத்தில் உங்கள் ஆட்சியின் மீதான நம்பகத்தன்மை நாளுக்குநாள் குறைந்துகொண்டே வருகிறது என்பதை உணர்கிறீர்களா?