Published:Updated:

ஜி.எஸ்.டி - யாருக்கு லாபம்?

ஜி.எஸ்.டி - யாருக்கு லாபம்?
பிரீமியம் ஸ்டோரி
ஜி.எஸ்.டி - யாருக்கு லாபம்?

ஆ.பழனியப்பன், படம்: ஆர்.எம்.முத்துராஜ்

ஜி.எஸ்.டி - யாருக்கு லாபம்?

ஆ.பழனியப்பன், படம்: ஆர்.எம்.முத்துராஜ்

Published:Updated:
ஜி.எஸ்.டி - யாருக்கு லாபம்?
பிரீமியம் ஸ்டோரி
ஜி.எஸ்.டி - யாருக்கு லாபம்?

ந்தியாவில் பல்வேறு வகையான வரிகளை ஒழித்து,  ஒரே வரி முறையைக் கொண்டுவரப்போகிற ஒரு ‘புரட்சிகரமான மசோதா’ என்று ஜி.எஸ்.டி மசோதா மீதான விவாதத்தின்போது நாடாளுமன்றத்தில் குறிப்பிட்டார், மத்திய நிதியமைச்சர் அருண் ஜெட்லி. இந்த வரி மாற்றம், நாட்டில் மிகப்பெரிய அளவுக்குத் தாக்கத்தை ஏற்படுத்தும் என்கிறார்கள் பொருளாதார நிபுணர்கள். ஜி.எஸ்.டி வந்தால், என்ன ஆகும்?
 
வரி விகிதங்கள் நான்கு

ஜி.எஸ்.டி-யில் ஐந்து சதவிகிதம், 12 சதவிகிதம், 18 சதவிகிதம், 28 சதவிகிதம் என நான்குவிதமான வரி விகிதங்கள் உள்ளன. இந்த வரி விகிதங்களின்கீழ் 1,211 பொருள்கள் கொண்டுவரப் பட்டுள்ளன. பெரும்பாலான பொருள்கள் 18 சதவிகிதத்தின் கீழ் வருகின்றன. கறி, மீன், பால், மோர், முட்டை, தயிர், தேன், உப்பு, காய்கறிகள், பிரட், பொட்டு, கல்விச் சேவை மற்றும் சுகாதாரச் சேவை உட்பட பலவற்றுக்கு ஜி.எஸ்.டி-யில் இருந்து விலக்கு அளிக்கப்பட்டுள்ளது.

அரசின் வருவாய் அதிகரிக்கும்

“ஜி.எஸ்.டி கொண்டுவருவதன் மூலம், அரசின் வருவாய் 18 சதவிகிதம் அதிகரிக்கும். இந்த வரியில், மத்திய அரசு 50 சதவிகிதம், மாநில அரசு 50 சதவிகிதம் என சமமாகப் பங்கிட்டுக்கொள்வார்கள். ஆண்டுக்கு ஒரு கோடி ரூபாய் வரை வணிகம் செய்பவர்களுக்கு வரி விலக்கு இருந்து வந்தது. அது, ஜி.எஸ்.டி-யில்  20 லட்சமாகக் குறைக்கப்பட்டுள்ளது. இதனால், வரி கட்ட வேண்டியவர்களின் எண்ணிக்கை அதிகரிக்கிறது. இதன் மூலம், அரசுக்கு வரி வருவாய் கூடும். இதுதவிர கீழ்தட்டு மக்கள், கீழ்நடுத்தட்டு மக்கள் பயன்படுத்துகிற பெரும்பாலான பொருள்களுக்கு தற்போது வரி இல்லை. ஆனால், ஜி.எஸ்.டி-யில், உற்பத்தி செய்யப்படும் அனைத்துப் பொருள்களுக்கும் வரி கட்ட வேண்டும். இதனாலும் அரசுக்கு வருவாய் அதிகரிக்கும்.” என்கிறார் தமிழ்நாடு வணிகவரித் துறை உதவி ஆணையர் மற்றும் துணை வணிகவரி அலுவலர் சங்கத்தின் கௌரவத் தலைவர் சுப.வைத்தியநாதன்.

ஜி.எஸ்.டி - யாருக்கு லாபம்?

அதிகமான பயன்கள் யாருக்கு?

தமிழகத்தில் மொத்தம் 10 லட்சம் முதல் 12 லட்சம் பேர் ஜி.எஸ்.டி-யின் கீழ் வரி செலுத்துபவர்களாக வருவார்கள். பெரிய அளவில் தொழில்செய்பவர்களுக்கும், அதிக அளவில் வரி செலுத்துவோருக்கும் ஜி.எஸ்.டி அதிகப் பலனுள்ளதாக இருக்கும். இந்தப் பிரிவினர், செலவை இதுவரை தங்கள் லாபத்தில் இருந்து செய்தனர். இனிமேல், வரி முழுவதையும் நுகர்வோர் தலையில் சுமத்திவிட்டு அதை இவர்கள் வரியாகச் செலுத்திவிடுவார்கள்.

விலைகள் குறையுமா… குறையாதா?

ஜி.எஸ்.டி வந்துவிட்டால், பொருள்களின் விலை குறையும் என்று சொல்கிறார் தமிழக நிதியமைச்சர் ஜெயக்குமார். இதுபற்றி சென்னைப் பல்கலைக்கழகத்தைச் சேர்ந்த பொருளாதார பேராசிரியர் இராம.சீனுவாசனிடம் கேட்டோம்.

“ஜி.எஸ்.டி வருவதால் சில பொருள்களுக்கு வரி குறையும். ஆட்டோமொபைல், மருந்துகள் ஆகியவற்றின் விலைகள் குறைய வாய்ப்பு உள்ளது. வரி குறைவதால், அந்தப் பொருள்களின் விலை குறைய வேண்டும். ஆனால், விலையைக் குறைத்து விற்பனை செய்வார்களா என்று தெரியவில்லை. லாபத்தை அதிகமாக்கி விற்பார்களேயானால், வரி அமைப்பு மாறியும் நுகர்வேருக்கு எந்தப் பயனும் இருக்காது. எனவே, விலைகள் குறையுமா என்பதைப் பொறுத்திருந்துதான் பார்க்க வேண்டும்” என்றார்.

கள்ளச்சந்தை அதிகரிக்குமா?

ஜி.எஸ்.டி முறை வந்துவிட்டால், கள்ளச்சந்தை அதிகரிக்கும், வரியைத் தவிர்ப்பதற்கான ஆர்வத்தை மக்களிடம் அதிகப்படுத்தும் என்ற எச்சரிக்கை பொருளாதார நிபுணர்களிடம் இருந்து வருகிறது. முன்புபோல, யூனியன் பிரதேசங்களில் வரி நிலைமை இருக்காது. அங்கும், மற்ற மாநிலங்களைப் போலவேதான், வரி இருக்கும். இதனால், மாநில எல்லைகளில் உள்ள தணிக்கைச் சாவடிகளை எடுக்கப்போகிறார்கள். அது, கள்ளச்சந்தை அதிகரிப்பதற்கு வசதியாக இருக்கும் என்கிறார்கள். இதை அரசு எப்படி எதிர்கொள்ளப் போகிறது என்பதுதான் மிகப்பெரிய கேள்வி.