Published:Updated:

உள்ளாட்சி அவசியம்...அவசரம்!

உள்ளாட்சி அவசியம்...அவசரம்!
பிரீமியம் ஸ்டோரி
உள்ளாட்சி அவசியம்...அவசரம்!

உள்ளாட்சி அவசியம்...அவசரம்!

உள்ளாட்சி அவசியம்...அவசரம்!

உள்ளாட்சி அவசியம்...அவசரம்!

Published:Updated:
உள்ளாட்சி அவசியம்...அவசரம்!
பிரீமியம் ஸ்டோரி
உள்ளாட்சி அவசியம்...அவசரம்!

மிழக உள்ளாட்சித் தேர்தல் மீண்டும் ஒருமுறை தள்ளிப்போடப்பட்டிருக்கிறது. ஜனநாயக விரும்பிகளின் உரிமைக் குரல், எதிர்க்கட்சிகளின் போராட்டக் குரல், நீதிமன்றத்தின் கோபக்குரல் என்று எதையும் லட்சியம் செய்யாமல், தமிழ்நாடு தேர்தல் ஆணையம் மீண்டும் ஒருமுறை தேர்தலைத் தந்திரமாகத் தள்ளிப்போட முயன்று கொண்டிருக்கிறது.

உள்ளாட்சி அவசியம்...அவசரம்!


உயிருக்குப் போராடிய நிலையில் ஜெயலலிதா மருத்துவமனையில் அனுமதிக்கப்பட்டிருந்தபோது, எதிர்க்கட்சிகளுக்கு சில வாரகால அவகாசம்கூடக் கொடுக்காமல் திடுதிப்பென்று உள்ளாட்சித் தேர்தல் அறிவிப்பை வெளியிட்டது தமிழ்நாடு தேர்தல் ஆணையம். அதனால் பல கண்டனங்களையும் சந்தித்தது. ஆனால், ஜெயலலிதா மறைந்து, ஆளும்கட்சிக்குள் குழப்பங்கள் அதிகரித்து, ஒன்றுக்கு மூன்று அணிகளாகப் பிரிந்திருக்கும் வேளையில் இதே தேர்தல் ஆணையம், ‘வாக்காளர் பட்டியல் தயாராகவில்லை’ என்று காரணம் சொல்லி உள்ளாட்சித் தேர்தலை கடந்த மே மாதம் தள்ளிப்போட்டது. ‘நவம்பர் 17-ம் தேதிக்குள் உள்ளாட்சித் தேர்தலை நடத்தியே தீர வேண்டும். அதற்கான அறிவிப்பு செப்டம்பர் 18-ம் தேதிக்குள் வெளியிட வேண்டும்’ என்று சென்னை உயர் நீதிமன்றம் செப்டம்பர் 4-ம் தேதி கடுமையான உத்தரவு பிறப்பித்தது. ஆனால், கடைசி நாள் வரை அமைதி காத்த தமிழ்நாடு தேர்தல் ஆணையம், முறையாகத் தேர்தலை அறிவிக்காமல், கடைசி நேரத்தில், ‘1996-ம் ஆண்டு பிரிக்கப்பட்ட வார்டு பிரிவுகளின்படி தேர்தல் நடத்த வேண்டுமா அல்லது தற்போது பிரிக்கப்பட்டுள்ள வார்டுகளின் அடிப்படையில் தேர்தலை நடத்த வேண்டுமா?’ என்று சந்தேகம் கேட்டு உயர் நீதிமன்றத்தில் வாய்தா வாங்க முயல்கிறது.

`ஜனநாயகம் என்பது சட்டமன்றத்தில் தொடங்கி நாடாளுமன்றத்தில் முடிந்துவிடுவது அல்ல. இந்தியா செழுமையாக இருக்க வேண்டும் என்றால், உள்ளாட்சி அமைப்புகள் வலுவாக இருக்க வேண்டும். மத்தியிலும் மாநில அரசிலும் மட்டும் அதிகாரங்கள் குவியாமல் உள்ளாட்சி அமைப்புகளுக்கும் அது பகிர்ந்தளிக்கப்பட வேண்டும்’ என்பது தேசத்தந்தை காந்தியின் கருத்து. ஆனால், தமிழ்நாடு தேர்தல் ஆணையத்தின் செயல்பாடுகளோ காந்தியின் கனவுகளுக்கும் ஜனநாயகத்துக்கும் ஒருசேரக் குழிதோண்டுகின்றன.

சாலைகளைச் செப்பனிட, சாக்கடைகளைப் பராமரிக்க, கொசு அதிகமானால் மருந்து தெளிக்க, குப்பையை அகற்ற என அடிப்படையான வேலைகளைச் செய்வது பஞ்சாயத்து மற்றும் உள்ளாட்சி அமைப்புகள்தான். பொதுமக்கள் அதிகாரிகளை அணுகி, இதுபோன்ற அன்றாடப் பிரச்னைகளுக்குத் தீர்வு கண்டுவிட முடியாது.

எனவே, இனியும் சாக்குபோக்கு சொல்லிக் காலம் தாழ்த்தாமல் உள்ளாட்சித் தேர்தலை உடனடியாக நடத்த வேண்டும். உள்ளாட்சி வலுப்பெற்றால்தான் மாநிலத்தில் நல்லாட்சி நடக்கிறது என்று அர்த்தம்!

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism