Published:Updated:

இன்னும் ஒரு வாரத்துல!

இன்னும் ஒரு வாரத்துல!
பிரீமியம் ஸ்டோரி
News
இன்னும் ஒரு வாரத்துல!

பரிசல் கிருஷ்ணா

ன்னும் ஒரு வாரத்துல ஆட்சியைக் கலைச்சுடுவேன்னு வாராவாரம் சொல்லிட்டிருக்கார் ஒருத்தர். இவர் மட்டும் அல்ல; தமிழ்நாட்ல பல பேர் `இன்னும் ஒரு வாரத்துல அரசியலுக்கு வர்றேன்’, `இன்னும் ஒரு வாரத்துல தமிழ்நாட்டையே சிங்கப்பூரா மாத்துறேன்’னு சிம்பிள் டாஸ்க்குகளை  சிரிக்காமல் சொல்லிக்கொண்டிருக்கிறார்கள். ‘இன்னும் ஒரு வாரத்துல யார் யாரெல்லாம் என்னென்ன பண்ணலாம்’னு ஒரு வாரமா யோசிச்சதுல சிறு மூளையில தோணின சின்னச் சின்ன யோசனைகள்!

இன்னும் ஒரு வாரத்துல!

மோடி

இவர் எப்பவுமே அதிரடி அறிக்கைதான் விடுவார். `இன்னைக்கு நைட்ல இருந்து நோட்டு செல்லாது’ன்னு சொன்னவராச்சே. ஒரு வாரம் டைம் கொடுத்தா, சும்மா விடுவாரா? யார் யார் எந்தெந்த கலர் டிரஸ் போடணும்ங்கிறதுல தொடங்கி, பிரேக்ஃபாஸ்ட், லன்ச், டின்னருக்கெல்லாம் என்னென்ன சாப்பிடணும்ங்கிறது வரை லிஸ்ட் போட்டுக் கொடுத்துடுவார். ‘ஒரு வாரத்துல எங்க ஆட்சி இல்லாத ஸ்டேட்லயெல்லாம் பீதியைக் கிளப்பிட்டு வரேன்’னு லிஸ்டாப் போட்டு அதுல பெஸ்ட்டா எடுத்துப் படுத்துவார்.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
இன்னும் ஒரு வாரத்துல!

மிஷ்கின்

`இன்னும் ஒரு வாரத்துல `துப்பறிவாளன்’ படத்துல என்னென்ன குறியீடுகள்னு வெள்ளை அறிக்கை வெளியிடுவேன்’னு சொல்வார். அறிக்கை விடறேன்னு இவர் அறிக்கை விட்டதுல என்ன குறியீடுன்னு ரசிகர்கள் யோசிச்சுட்டு இருக்கிற கேப்ல அவர் வானுயர புக்‌ஷெல்ஃப்ல ஏணி போட்டு உட்கார்ந்து நோட்ஸ் எடுக்க ஆரம்பிப்பார். ‘இருட்டா இருக்கு. லைட் போடு’னு அசிஸ்டென்ட்கிட்ட சொன்னா, அவங்க ‘சார் கண்ணாடி போடாம இருக்கீங்க’ன்னு சொல்லி கூலர்ஸ் எடுத்துக் கொடுப்பாங்க. ஆமாம், அவருக்கு அப்படித்தான்.  

இன்னும் ஒரு வாரத்துல!

ரஜினிகாந்த்

 ‘நம்ம நண்பர் வேற அரசியல் பேட்டிகளா இறங்கி அடிச்சிட்டு இருக்கிறதால், நம்ம அரசியல் சைடு என்ன சொன்னாலும் ஒருத்தரும் கண்டுக்க மாட்டாங்க’ அப்டிங்கிறதை யோசிக்காமலா இருப்பார்? `2.0’ ஷூட்டிங் ஓவர். என்ன பண்ணலாம்னு யோசிப்பாரு. கொஞ்சநாளா சைலன்ட்டா இருக்கிற விஷயம் இது மட்டும்தான். ‘இன்னும் ஒரு வாரத்தில் ரசிகர்களுக்கு விருந்து’ அப்படின்னு அறிக்கை விடுவார். அவ்ளோதான். ரசிகர்கள் ‘ஏகமேவா த்விதீயம்’னு பாபா மந்திரத்தைச் சொல்ல ஆரம்பிச்சுடுவாங்க. 

இன்னும் ஒரு வாரத்துல!

விஷால்

‘இன்னும் ஒரு வாரத்துல தமிழ்கன், தமிழ் ராக்கஸ் எல்லோரையும் பிடிச்சு உள்ள போடுவேன்’னு போன வாரம் மாதிரியே இந்த வாரமும் அறிக்கை விடுவார். அதுல சோகம் என்னன்னா, அந்த அறிக்கை அவர் லைவ்வா பேசிட்டிருக்கிறப்போ, சேனல்ல வர்றதுக்கு முன்னாடி அதை ராக்கர்ஸோ, கன்னோ ஒளிபரப்பியிருப்பாங்க.

இன்னும் ஒரு வாரத்துல!

ஓ.பி.எஸ்.

தியானம், பிரிவு, தர்ம யுத்தம், இணைப்புனு எல்லாம் பண்ணிட்டார். புதுசா இவர் என்ன பண்ணினா நல்லாருக்கும்னு யோசிச்சா, ஒண்ணே ஒண்ணுதான். மறுபடி ஆரம்பத்துல இருந்து இந்த சர்க்கிளை ஆரம்பிக்கிறதுதான்.  இப்போ அவர் இணைஞ்சிருக்கிறது எடப்பாடிகூடத்தான். ஒரு வாரத்துல இப்போ இருக்கறவர்கிட்ட இருந்து பிரிஞ்சு, இப்போ இணைஞ்சிருக்கிறவர் இணைஞ்சிருந்த டி.டி.வி. அணிகிட்ட இவர் இணைஞ்சு, இப்போ இணைஞ்சிருக்கிறவர்கிட்ட `நானா இணையலை’னு பேட்டி கொடுத்து... படிக்கிறப்பவே இவ்ளோ குழப்பமா இருக்கே, அதை ஹேண்டில் பண்ற அவருக்கு எவ்ளோ கஷ்டமா இருக்கும், பார்த்துக்கோங்க.

இன்னும் ஒரு வாரத்துல!

தமிழிசை சௌந்தர்ராஜன்

`அடுத்த வாரம்முதல் பிரதமரை விமர்சிப்பவர்களைப் பிடிச்சி போலீஸில் கொடுப்பேன்’ என்று சொல்வார். ட்விட்டரில் திட்டும் நான்கு பேர்மீது கேஸ் போடச் சொல்லி கமிஷனர் அலுவலகம் செல்வார். வாங்கிப் பார்த்த சைபர் க்ரைம் போலீஸுக்கு, அந்த நான்குமே ஃபேக் ஐடி என்பதும், அதில் ஒன்று அவருடையதுதான் என்பதும் தெரியும். `இதுல ஓரளவு டீசன்டாதான் திட்டிருக்காங்க மேடம். இன்னும் ஸ்ட்ராங்கா திட்டினா, கேஸ் போட்டுடலாம்” என்று சொல்லித் திருப்பி அனுப்பிவிடுவார்கள்.

இன்னும் ஒரு வாரத்துல!

தீபா - மாதவன்

தீபா: `எல்லோரும் அடுத்த வாரம் என்ன பண்லாம்னு பேசிக்கிறாங்களே... நாம என்ன பண்ணலாம்?’

மாதவன்:  `போன வாரம் என்ன பண்ணினோம்?’

தீபா: `ஒண்ணும் பண்ணல’

மாதவன்: `அதையே இந்த வாரமும் பண்ணுவோம்’

தீபா: !?!?!?!?!