Published:Updated:

கேட்வாக் கேர்ள்ஸ்!

கேட்வாக் கேர்ள்ஸ்!
பிரீமியம் ஸ்டோரி
கேட்வாக் கேர்ள்ஸ்!

கானப்ரியா

கேட்வாக் கேர்ள்ஸ்!

கானப்ரியா

Published:Updated:
கேட்வாக் கேர்ள்ஸ்!
பிரீமியம் ஸ்டோரி
கேட்வாக் கேர்ள்ஸ்!

ஃபேஷன் உலகில் சூப்பர் மாடலாய் கெத்து கேட்வாக் போடும் லேட்டஸ்ட் அழகிகளின் க்யூட் அறிமுகம் இங்கே!

கேட்வாக் கேர்ள்ஸ்!

காரா டெலிவின் : ( CARA DELEVINGNE )

பாடகி, கிடாரிஸ்ட், டிரம்ஸ் ப்ளேயர், ஆடை வடிவமைப்பாளர், கதாசிரியர் எனப் பல திறமைகளைக் கொண்ட சகலகலா வல்லவிதான் காரா டெலிவின். லண்டனில் 1992-ம் ஆண்டு பிறந்த காரா, தனது பத்தாவது வயதிலேயே பர்பெரி (burberry), டோல்ஸ் அண்ட் கப்பானா எனப் பல முன்னணி நிறுவனங்களில் ஸ்டார் மாடலாகிவிட்டார். 2012 மற்றும் 2014-ம் ஆண்டிற்கான `மாடல் ஆஃப் தி இயர்’ விருதைத் தட்டித்தூக்கிய காராதான், கூகுளில் அதிகம் தேடப்பட்ட ஃபேஷன் பொண்ணு. காராவிற்கு பெட் அனிமல்ஸ் என்றால் அம்புட்டு பிரியமாம்.

ஒட்டுமொத்த விகடனுக்கும் ஒரே ஷார்ட்கட்!

கேட்வாக் கேர்ள்ஸ்!

மிராண்டா கெர் : (MIRANDA KERR )

`மிராண்டா பொண்ணு... மிரட்டலான கண்ணு’ என உருகுகிறார்கள் இந்த பியூட்டியின் ரசிகர்கள். மாடலிங் கன்னிகளின் கனவு நிறுவனமான `விக்டோரியா சீக்ரெட்’-ன் முதல் ஆஸ்திரேலியா மாடல் மிராண்டாதான். ஆஸ்திரேலியா, நியூயார்க் என உலகம் முழுக்க டாப் மாடலாய் வலம் வந்து கொண்டிருப்பவர், `கோரா ஆர்கானிக்ஸ்’ எனும் ஆர்கானிக் சருமப் பராமரிப்பு நிறுவனத்தைத் தொடங்கி தொழிலதிபராகவும் கெத்து காட்டுகிறார். உலகின் மிகவும் கவர்ச்சிகரமான பெண்கள் பட்டியலில் நிரந்தர இடம்பிடித்திருப்பவர் மிராண்டா.

கேட்வாக் கேர்ள்ஸ்!

கேண்டிஸ் ஸ்வானபோல் : (Candice Swanepoel)

உலகின் லேட்டஸ்ட் ஹாட்டஸ்ட் சூப்பர் மாடல் கேண்டிஸ் ஸ்வானபோல், தென்னாப்பிரிக்காவைச் சேர்ந்தவர். ஃபெண்டி, டாமி ஹில்ஃபிகர், ரால்ஃப் லாரென் போன்ற முன்னணி நிறுவனங்களுக்கு ஸ்டார் மாடலாகப் பணியாற்றி அனைவருடைய மனதிலும் இடம் பிடித்தவர். அமெரிக்கப் பத்திரிகைகளில் மட்டுமல்லாது, இத்தாலி, பிரிட்டிஷ், ஸ்பானிஷ், ஜெர்மனி, கொரியன், சீனா போன்ற பல்வேறு மொழிப் பத்திரிகைகளின் அட்டைகளையும் அலங்கரித்துக்கொண்டிருக்கும் உலக நாயகி இவர்!

கேட்வாக் கேர்ள்ஸ்!

ஜிஜி ஹடிட் : (Gigi Hadid)

மாடலிங் உலகின் அதிர்ஷ்ட தேவதை ஜிஜி ஹடிட். இரண்டு வயதிலேயே மாடலிங் துறைக்குள் தவழ்ந்து வந்தவர். தற்போது 22 வயதை எட்டியிருக்கும் ஜிஜி, அமெரிக்கா, இங்கிலாந்து, ஸ்பெயின், பிரான்சு உள்ளிட்ட பல நாடுகளின் டாப் பத்திரிகைகளின் முகப்புப் பக்கத்தை நிரப்பிவிட்டார். 2016-ம் ஆண்டின் ‘சர்வதேச மாடல்’ பட்டத்தைத் தட்டிச் சென்றுள்ள இவர். குறும்படங்கள், நிகழ்ச்சித் தொகுப்பாளினி என பிஸியாகச் சுற்றிக் கொண்டிருக்கிறார். 2014-ம் ஆண்டு ஹாஷிமோட்டோ (Hashimoto) எனும் நோயால் பாதிக்கப்பட்டவர், தன்னம்பிக்கையால் அதிலிருந்து விடுபட்டு, `கேட் வாக்’கைத் தொடர்ந்துகொண்டிருக்கிறார். சல்யூட்... ஜிஜிக்கு சல்யூட்!

கேட்வாக் கேர்ள்ஸ்!

நீனா அக்தால் : (Nina Agdal)

டென்மார்க்கிலிருந்து இறக்குமதி செய்யப்பட்ட அழகோவியம் நநீனா அக்தால். முன்னனுபவம் ஏதுமின்றி மாடலிங் துறையில் காலடி எடுத்து வைத்த சில நாள்களிலேயே அமெரிக்காவின் மிகப் பெரிய பத்திரிகையின் ஐம்பதாவது ஆண்டுச் சிறப்பிதழின் முகப்புப் பக்கத்திற்கு போஸ் கொடுக்கும் அளவிற்கு உயர்ந்தார். மிகக் குறுகிய காலத்தில் 2016-ம் ஆண்டின் ‘ஹாட்டஸ்ட் மாடல்’ என்ற பெருமைக்குரிய பட்டதைத் தட்டிச் சென்றார் இந்தப் பொன்னிறச் சிகையழகி. நீனாவுடன் காதல் வயப்பட்டு மயக்கத்தில் இருந்தவர் நம்ம டைட்டானிக் ஹீரோ. ஆமாம், லியானார்டோ டி காப்ரியோவின் முன்னாள் காதல் க்யூட்டி நீனாதான்.

கேட்வாக் கேர்ள்ஸ்!

ஐரினா ஷைக் : (Irina Shayk)

கட்டுக்கோப்பான உடலமைப்பும், ஒளிரும் கண்களும் மாடலிங் உலகின் உச்சத்திற்கு ஐரினாவைக் கொண்டு சென்றது. 1986-ல் பிறந்த இவர், ரஷ்யாவின் ‘ஹாட்டஸ்ட் உமன்’ என்ற பட்டத்துக்குச் சொந்தக்காரர். அதுவே 2014-ம் ஆண்டு வெளிவந்த ‘ஹெர்குலஸ்’ எனும் ஆங்கிலப் படத்தில் `ராக்’ புகழ் டுவைன் ஜான்சனுடன்  நடிக்கும் வாய்ப்பை ஏற்படுத்திக்கொடுத்தது. கால்பந்து சூப்பர் ஸ்டார் கிறிஸ்டியானோ ரொனால்டோவுடன் 5 வருட டீப் காதல் கசந்துபோக 2015-ல் அமெரிக்காவின் ஸ்டைலிஷ் ஹீரோவான ப்ராட்லி கூப்பரைத் திருமணம் செய்துகொண்டார் ஐரினா. லியா என்னும் குழந்தைக்குத் தாயான ஐரினாவின் ரீ-என்ட்ரிக்காக ஃபேஷன் உலகம் வெயிட்டிங்! 

கேட்வாக் கேர்ள்ஸ்!

ஏட்ரியானா லிமா : (Adriana Lima)

பிரேசில் நாட்டைச் சேர்ந்த லிமா, ‘விக்டோரியா சீக்ரெட்’டின் தேவதை என 2017 -ம் ஆண்டு மகுடம் சூட்டப்பட்டார். இறக்கை இல்லா தேவதை இவர். தன் 15வது வயதிலேயே ‘சூப்பர் மாடல் ஆஃப் பிரேசில்’ பட்டத்தைத் தட்டிச்சென்ற லிமா, தற்போது ஃபேஷன் உலகின் சூப்பர் ஸ்டாராக கெத்து காட்டிக்கொண்டிருக்கிறார். ஆஃப்ரோ - பிரேசிலியனான லிமாவிற்கு போர்ச்சுகீஸ், ஆங்கிலம், ஸ்பானிஷ் மற்றும் இத்தாலியன் ஆகிய நான்கு மொழிகளும் அத்துப்படி. தனது தோழிக்குத் துணையாகச் சென்றவர் மாடலிங் உலகில் காலடி எடுத்து வைத்தது எதிர்பாராத நிகழ்வு. 2008-ம் ஆண்டு முதல் இன்று வரை ‘மிகவும் கவர்ச்சிகரமான மாடல்’ என்ற பெயரைத் தன்னிடமே தக்க வைத்திருக்கிறார் லிமா. சூப்பர்மா...

கேட்வாக் கேர்ள்ஸ்!

கேட் அப்டன்: (Kate Upton)

வேர்ல்பூல் (Whirlpool) நிறுவனத்தின் இணை நிறுவனரான ஃபிரெட்ரிக் அப்டனின் கொள்ளுப் பேத்திதான் இந்த கேத்தரின் எலிசபெத் அப்டன். சுருக்கமாக கேட் அப்டன். அமெரிக்காவின் பிரபலமான ‘ஸ்போர்ட்ஸ் இல்லஸ்ட்ரேடட்’ ஸ்விம்சூட் இதழில் 2017-ம் ஆண்டின் முகப்புப் பக்கத்தில் இடம்பெற்ற அந்த ஊர் இடையழகி. ஒரு பக்கம் மாடலிங், மறுபக்கம் படங்கள் என பியூட்டி செம பிஸி. கடவுள் நம்பிக்கை அதிகம் கொண்டவரான இவர், தன்னுடன் எப்போதுமே கடவுள் இருக்க வேண்டுமென சிலுவை சிம்பல் தனது விரலில் வரைந்திருக்கிறார். பக்திப்பொண்ணு!

கேட்வாக் கேர்ள்ஸ்!

டவுட்ஸன் க்ரோஸ் : (Doutzen Kroes)

எட்டு மில்லியன் டாலரை ஒரே ஆண்டில் அள்ளிச் சென்ற அழகி டவுட்ஸன் க்ரோஸ். மாடலிங்குக்கு வந்தது அவரின் காலி பாக்கெட்டை நிரப்புவதற்காகத்தான் என்று புன்னகைக்கிறார். டச்சு மாடலான டவுட்ஸன், `லாரியல் பாரிஸி’ன் அம்பாசிடராகத் தொடர்ந்து பத்து ஆண்டுகள் பணியாற்றியவர். பூனைக் கண்களுக்குச் சொந்தக்காரியான டவுட்சனுக்கு விலங்குகள் என்றால் கொள்ளைப் பிரியம். அவரின் சகோதரியுடன் சைக்கிளிங், ஸ்கேட்டிங் செய்வது பிடித்தமான பொழுதுபோக்கு. `சிறுவயதில் நான் ஒரு டாம் பாய்’ எனச் சொல்லிக்கொள்ளும் இந்த அழகுச் சிலைக்கு ஆம்ஸ்டர்டாமில் மெழுகுச் சிலையும் வைத்து கௌரவப்படுத்தியிருக்கிறார்கள். அட..!

கேட்வாக் கேர்ள்ஸ்!

லியூ வென் : (Liu Wen)

ஃபேஸ்புக், ட்விட்டர், இன்ஸ்டாகிராம் என ஆல் ஏரியாவிலும் அதிக ஃபாலோயர்களைக் கொண்ட கில்லி லியூ. கிழக்காசியாவின் முதல் ‘சூப்பர் மாடல்.’ சீனாவில் பிறந்த லியூ, 2014-ம் ஆண்டு வெளிவந்த வோக் பத்திரிகையில் ஆப்பிள் கைக்கடிகாரத்தை ஏந்தி போஸ் கொடுத்திருந்தார். ஒரே ஆண்டில் உலகின் பிரபலமான ஃபேஷன் ஷோக்களில் 74 முறை ராம்ப் வாக் செய்து உலக சாதனை படைத்தவர். இப்படி மேலும் பல சாதனைகளுக்கு நெருங்கிய சொந்தமான லியூவின் கனவு, சுற்றுலா வழிகாட்டி ஆவதுதானாம். கெட் ரெடி ஃபோக்ஸ்... சீக்கிரம் பாஸ்போர்ட் எடுத்துக்கோங்க!