Published:Updated:

வாக்குச்சீட்டு மட்டுமா உங்கள் கையில்?

வாக்குச்சீட்டு மட்டுமா உங்கள் கையில்?
பிரீமியம் ஸ்டோரி
வாக்குச்சீட்டு மட்டுமா உங்கள் கையில்?

வாக்குச்சீட்டு மட்டுமா உங்கள் கையில்?

வாக்குச்சீட்டு மட்டுமா உங்கள் கையில்?

வாக்குச்சீட்டு மட்டுமா உங்கள் கையில்?

Published:Updated:
வாக்குச்சீட்டு மட்டுமா உங்கள் கையில்?
பிரீமியம் ஸ்டோரி
வாக்குச்சீட்டு மட்டுமா உங்கள் கையில்?

ந்தியா சுதந்திரம் பெற்று முதல்முறையாகத் தேர்தல் நடந்தபோது, அதை மிகப்பெரிய திருவிழாவாக மக்கள்

வாக்குச்சீட்டு மட்டுமா உங்கள் கையில்?

கொண்டாடினார்கள். வெள்ளையர்களிடம் தடியடி வாங்கியவர்களையும், சிறை சென்றவர்களையும் தங்கள் பிரதிநிதிகளாக சட்டமன்றத்துக்கும் நாடாளுமன்றத்துக்கும் அனுப்பிவைத்தார்கள். ஆரம்பக்காலங்களில் எல்லா கட்சியினருமே தேசத்தின் தேவைகளை அறிந்து, கட்சியின் கொள்கைகளை, கோட்பாடுகளை வடிவமைத்துத்தான் தங்களின் இயக்கங்களை வளர்த்தார்களே தவிர, வெறுமனே தேர்தலை மட்டுமே மனதில் வைத்து அவர்கள் இயக்கங்களை நடத்தவில்லை.

இதையெல்லாம் இப்போது குறிப்பிடுவதற்கான காரணம், நடைபெற இருக்கின்ற ஆர்.கே.நகர் இடைத்தேர்தல். ‘பணப்பட்டுவாடா நடைபெற்றது’ என்ற காரணத்திற்காக இந்தத் தொகுதியின் இடைத்தேர்தல் கடந்த ஏப்ரலில் ரத்து செய்யப்பட்டது, தமிழக ஜனநாயக வரலாற்றில் அழிக்க முடியாத அவமானம். தவறுகளிலிருந்து கற்றுக்கொள்வதைவிடவும் சரியான ஒன்று இருக்க முடியாது. ஆனால், இப்போதும் நடப்பது என்ன?

12 சோதனைச் சாவடிகள், 1,500 போலீஸார், துப்பாக்கி ஏந்தி ரோந்துப் பணியில் ஈடுபட்டிருக்கும் துணை ராணுவத்தினர் என்று ஆர்.கே.நகரே போர் நடக்கும் பிரதேசம் போலத்தான் காட்சியளிக்கிறது. ஆனால், இவற்றையெல்லாம் தாண்டி வாக்காளர்களுக்குக் கொடுப்பதற்காக வைக்கப்பட்டிருந்த பணமூட்டைகளைத் தேர்தல் அதிகாரிகள் கைப்பற்றியிருக்கிறார்கள். அனுமதியின்றி நுழைந்த ஐம்பதுக்கும் மேற்பட்ட வாகனங்கள் பறிமுதல் செய்யப்பட்டிருக்கின்றன. தேர்தல் அதிகாரியே திடீரென மாற்றப்பட்டிருக்கிறார்.

தேர்தல் முறைகேடுகளையெல்லாம் முற்றிலுமாகத் துடைத்தெறிய வேண்டிய பொறுப்பு, இப்போது ஆர்.கே.நகர் வாக்காளப் பெருமக்களின் கைகளில்தான் இருக்கிறது. ‘எங்கள் பணத்தைத்தானே திருப்பிக் கொடுக்கிறார்கள், இதை வாங்குவதில் என்ன பிரச்னை?’ என்று நினைத்தால் அது தவறு. கொடுக்கப்படும் பணத்துக்கு நாம் விலையாகக் கொடுப்பது வெறும் வாக்குகளை மட்டுமல்ல. நம் மனசாட்சி, ஜனநாயகத்தின் ஆன்மா, எதிர்காலத்துக்கான விலை என்பதை நினைவில்கொள்ள வேண்டும். ‘`ஓட்டுக்கு நோட்டு என்பது தவிட்டுக்குத் தங்கம் போன்றது!’’ என்று பேரறிஞர் அண்ணா சொன்னதை மக்கள் மறக்கக்கூடாது.

ஆர்.கே.நகர் தொகுதிக்கும் தமிழக ஜனநாயகத்துக்கும் ஏற்பட்ட களங்கம் துடைத்தெறியப்பட வேண்டுமானால், பணம் கொடுக்க வருபவர்களைக் காவல்துறையிடமும் தேர்தல் அதிகாரிகளிடமும் மக்கள் பிடித்துக்கொடுக்க வேண்டும். எந்தக் காரணத்திற்காக ஆர்.கே.நகர் இடைத்தேர்தல் தவறான முன்னுதாரணம் ஆக்கப்பட்டதோ, அந்தக் காரணத்தைச் சரிசெய்வதன்மூலம் ஆர்.கே.நகரை மகத்தான முன்னுதாரணமாக மாற்றலாம். போட்டியிடும் வேட்பாளர்கள் உண்மையிலேயே தொகுதியின் பிரச்னைகளைப் புரிந்து, அவற்றைத் தீர்க்கக்கூடியவர்களாக இருக்கிறார்களா என்பதை ஆய்ந்து மக்கள் வாக்களிக்க வேண்டும்.

ஆர்.கே.நகர் வாக்காளப் பெருமக்களே, வாக்குச்சீட்டு மட்டும் உங்கள் கையில் இல்லை, ஜனநாயகத்தின் ஆரோக்கியமும் எதிர்காலமும்கூட உங்கள் கையில்தான் என்பதை நினைவில்கொள்ளுங்கள்.

ஒட்டுமொத்த விகடனுக்கும் ஒரே ஷார்ட்கட்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism