Published:Updated:

வலைபாயுதே

வலைபாயுதே
பிரீமியம் ஸ்டோரி
வலைபாயுதே

சைபர் ஸ்பைடர்

வலைபாயுதே

சைபர் ஸ்பைடர்

Published:Updated:
வலைபாயுதே
பிரீமியம் ஸ்டோரி
வலைபாயுதே

twitter.com/Piramachari

வீட்டுக்கு விருந்தாளிக வந்தானுங்கன்னா நாலு பப்ஸ் வாங்கி வெச்சிடணும். கீழே சிந்தாமத் திங்கக் கூச்சப்பட்டு அப்டியே வச்சிடுவாங்க. அப்புறமா நம்ம தின்னுக்கலாம். # சற்றுமுன்பு கண்டுகொண்டேன்

twitter.comVinithan_Offl

“சைடு ஸ்டேண்ட் எடுத்து விடுங்க’’
“லைட் எரியுது ஆஃப் பண்ணுங்க’’ -
என்று சொல்லும் சாலை சீர்திருத்தவாதிகள்
``ஹெல்மெட் போடலை” என்று
சின்ன சைகைகூடக் காட்டுவதில்லை.

வலைபாயுதே

twitter.com/Thaadikkaran

முன்னெல்லாம் ஒரு விஷயத்தைப் புரிய வைக்குறதுக்குள்ள போதும் போதும்னு ஆயிரும், இப்பெல்லாம் ஒரு வடிவேலு போட்டோ போதும்னு ஆயிருச்சு..!!

twitter.com/Aruns212

‘ஹிட்’ அடித்தும் வீழ்வதெல்லாம் கரப்பான் பூச்சிகளும், தமிழ் சினிமாத் தயாரிப்பாளர்களுமே.

twitter.com/ckcbe

டைம் என்னங்கற கேள்விக்கு
சூரியனைப் பாத்து சொன்னதுக்கும்
வாட்சைப் பாத்து சொன்னதுக்கும்
ஃபோனைப் பாத்து சொன்னதுக்கும்
நடுவுல இருக்கறதுதான் தலைமுறை இடைவெளி

twitter.com/SKtwtz

பதில் தெரியாதவனின் கேள்வியைவிட பதில் தெரிந்தவனின் கேள்வி ஆபத்தானது...

ஒட்டுமொத்த விகடனுக்கும் ஒரே ஷார்ட்கட்!

வலைபாயுதே

twitter.com/yugarajesh2

சிறு நகரங்களில், சிடி விற்ற கடைகள் எல்லாம் ரீசார்ஜ் கடைகளாகவும், பஜ்ஜி விற்ற கடைகள் எல்லாம் பானிபூரிக் கடைகளாகவும் மாறிடுச்சு.

twitter.com/MJ_twets

எத்தனை ஆடைகளை அணிந்து கொண்டாலும் அதை உலகம் மொட்டை மாடி என்றே அழைக்கும்!

twitter.com/gpradeesh

வாழ்க்கைன்றது உளுந்தவடை மாதிரி, நல்ல புஜ்ஜுக்கு புஜ்ஜுக்குனு இருக்கும். நடுவுல டக்குனு மிளகு வந்துரும்

facebook.com/Saravanan Chandran

தமிழ்நாடு தனித்தனியாகப் பிரிந்து கிடக்கிறது. விவசாயிகளின் போராட்டத்திற்கு மீனவர்கள் வர மாட் டார்கள். மீனவர்களின் போராட்டத்திற்கு வணிகர்கள் வர மாட்டார்கள். வணிகர்களின் போராட்டத்திற்கு நெசவாளர்கள் வர மாட்டார்கள். தஞ்சைக் கடைமடையில் ஏற்படும் பாதிப்பு ஒட்டுமொத்தத் தமிழகத்திற்கும்தான் என்பதோ கடலில் நடக்கும் பாதிப்புகள் நிலத்தையும் பதம் பார்க்கும் என்பதையோ அறிந்துகொள்ளத் தயாராக எப்போதும் இருப்பதில்லை. எதுவாக இருந்தாலும் என்டர்டெயின்மென்ட் இருந்தால்தான் எட்டிப்பார்க்கவே தலைப்படுவோம். சிம்பிளாக இப்படிப் புரிந்துகொள்கிறேன். தமிழகம் ஒட்டுமொத்தமாக மாட்டிற்காகக் கூடும். ஒருபோதும் மனிதர்களுக்காகக் கூடாது!

facebook.com/N Naveenkumar

ஒரு பாத்திரம் நிறைய சூடாக புதுக்குழம்பு இருந்தாலும், காலையில் ஆபீஸ் கிளம்பும் அவசரத்தில் பெரும்பாலும் நமக்குக் கிடைப்பதென்னவோ முந்தைய தினத்தின் மிச்சமான பழைய குழம்பு தான். இந்த உள்வீட்டு சதி எனக்குப் புரிய கொஞ்சம் தாமதம் ஆனது. இருந்தாலும் அதன் பின் உஷாராகி சாப்பிடும்போது கேஷுவலாகப் பார்ப்பது போல ‘ஆமா இதுல என்ன இருக்கு?’ என்று ஆரம்பித்து, பல போராட்டங்களை (அவமானங்களை) தாண்டி என் இலக்கை(புதுக்குழம்பை) அடைவது வழக்கமாகிப்போனது. அவமானத்தின் போதெல்லாம் உறுதுணையாக இருந்தது ‘சோறா, சொரணையா? சோறுதான்’ எனும் வடிவேலுவின் தாரக மந்திரமே. இது என் அன்றாட வாழ்க்கையில் அங்கமாக மாறிவிட, சமீபத்திய போராட்டத்தின் போது எப்பொழுதும் போல கேஷுவலாக ‘அந்தக் கொழம்புல கரண்டி போடலயே’ என்று ஆரம்பித்தேன்.. ‘ம்ம்ம்.. எந்தக் கொழம்புல கரெண்டி இருக்கோ அத மட்டும் சாப்டு போதும்’ என்று புதிய யுத்தியைக் கையாண்டார் மனைவியார். #Thuglife

வலைபாயுதே

twitter.com/amuduarattai

பொருள்களில் தொடங்கிய “Use and throw” கலாசாரம், மனிதர்களில் வந்து முடிந்திருக்கிறது.

facebook.com/Nelson Xavier

கொள்கைகளையும் அமைப்பையும் நம்பாமல் அல்லது ஏற்க விரும்பாமல், கட்சிகளையும் தனிநபரின் ஆளுமைகளையும் மட்டும் நேசித்ததன் “இன்னொரு” பக்க விலை என்ன என்பதை இப்போது பார்த்துக் கொண்டிருக்கிறோம்.

வலைபாயுதே

twitter.com/Kozhiyaar

குறட்டை போலத்தான் தவறுகளும்...
செய்பவருக்கு அது தெரிவதேயில்லை!

facebook.com/Anu Vidya

காலம் என்னதான் வேகமாக ஓடினாலும்  ஒரு வருடத்தில் எனக்கு ஒரு வயதுதான் கூடியிருக்கிறது..!

twitter.com/manipmp

ஒவ்வொரு resume க்குப் பின்னாலும் ஒரு resignation letter இருக்கிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism