Published:Updated:

சாதிக்க, செவலை ரெடி!

சாதிக்க, செவலை ரெடி!
பிரீமியம் ஸ்டோரி
சாதிக்க, செவலை ரெடி!

ஸ்ரீராம், படங்கள்: நந்தகுமார், மதன் சுந்தர்

சாதிக்க, செவலை ரெடி!

ஸ்ரீராம், படங்கள்: நந்தகுமார், மதன் சுந்தர்

Published:Updated:
சாதிக்க, செவலை ரெடி!
பிரீமியம் ஸ்டோரி
சாதிக்க, செவலை ரெடி!

வாடிவாசலைத் திறக்கத் தயாராகிவிட்டது தமிழ்நாடு.  சென்ற முறை  மிகநீண்ட சட்டப் போராட்டத்துக்குப் பிறகு கிடைத்த அனுமதி என்பதால் சில இடங்களில் மட்டுமே நடந்தது ஜல்லிகட்டு. இந்த முறை 350-க்கும் அதிகமான இடங்களில் 10 ஆயிரத்துக்கும் அதிகமான காளைகளுடன் ஜல்லிக்கட்டு ரெடி.

``மாடுகளைத் துன்புறுத்துறோம்னு சொல்றாங்க. எங்க வீட்டு பொம்பளைங்ககிட்ட குழந்தையா கொஞ்சுற இந்த மாடுகள் களத்துல மட்டும்தான் சீறும். வீட்டுல அதுங்க சாமி, சாமி’’ என்கிறார் அலங்காநல்லூர் பெரியம்மா.

சாதிக்க, செவலை ரெடி!
சாதிக்க, செவலை ரெடி!

``இத்தனை நாள் வரைக்கும் ஜல்லிக்கட்டு ஒரு விளையாட்டா, காலங்காலமா நடக்குற கலாசாரமா மட்டுமே இருந்துச்சு. இந்த வருஷம் நடக்கப்போற ஜல்லிக்கட்டு தமிழன் போராடி வாங்குன பெருமை. இன்னைக்கு நெஞ்ச நிமித்தி நிக்குறான். என் ஜல்லிக்கட்டு நான் நடத்துவேன்னு.  நல்ல முறைல காளைகள் எல்லாம்  சூப்பரா தயாராகிட்டு இருக்கு. இரண்டு வருஷம் தடை இருந்ததால பல பெயர் செல்லும் மாடுகள் காலாவதி ஆகிடுச்சு. இப்போது செவலை, காரி, கருப்பன்னு பெயர் சொல்லும் சில காளைகள் இருக்கு. அதுமட்டுமில்லாம போன வருஷம் போராட்டம் தந்த நம்பிக்கை இந்த வருஷம் நிறைய காளைகளைப் புதுசா தயார்ப்படுத்த வெச்சிருக்கு. ஜல்லிக்கட்டு நேரம் நெருங்கின உடனே மாட்டுக்கு நடைப்பயிற்சி, நீச்சல் பயிற்சி கொடுப்போம். அதுதான் மாடு காலை நீட்டிப் பாய உதவியா இருக்கும். இதைத்தாண்டி மணல்ல கொம்புகளை முட்டி வீரர்களிடமிருந்து பிடிபடாம இருக்க பயிற்சி கொடுப்போம். சத்தான உணவுகள் கொடுப்போம்’’ என்கிறார் மதுரை ஜல்லிக்கட்டுப் பேரவையின் தலைவர் ராஜசேகரன்.

சாதிக்க, செவலை ரெடி!

ஜல்லிக்கட்டுல கெத்துக்காளைனு யாரைக் கேட்டாலும் சொல்வது செவலைக்காளையைத்தான். அந்தக் காளையைத் தயார்ப்படுத்தும் சுந்தரவள்ளியிடம் பேசினேன்.  ‘`போன வருஷம் ஜல்லிக்கட்டு நடக்குமா நடக்காதான்னே தெரியாம இருந்துச்சு. அனுமதி கிடைச்சதும் கொஞ்ச நாள்தான் டைம் இருந்ததால செவலையைப் பெருசா பழக்க முடியல. அப்படி இருந்துமே செவலை போன ஜல்லிக்கட்டுல மட்டும் 2 பைக்கு, ஒரு ட்ராக்டர், ஃப்ரிட்ஜு, கட்டில்னு நிறைய பரிசுகள் ஜெயிச்சிருக்கு. இந்த வருஷம் எந்தப் பிரச்னையும் இல்லாம சொன்ன தேதில ஜல்லிக்கட்டு நடக்கவிருக்குது. அதுனால காளையை இன்னும் நல்லா பயிற்சி கொடுத்து வைச்சிருக்கோம். இந்த முறை மாடுபிடி வீரர்களைத்தாண்டி கம்பீரமா இன்னும் நிறைய பரிசுகளோட ஜெயிக்கும்’’ என்கிறார் சுந்தரவள்ளி.

சாதிக்க, செவலை ரெடி!

புத்தாண்டின் முதல் கொண்டாட்டமாக ஜல்லிக்கட்டைக் கொண்டாடுவோம்!