Published:Updated:

நானே கேள்வி... நானே பதில்!

எவன் வைப்பான் பழத் தோட்டம்?

நானே கேள்வி... நானே பதில்!

எவன் வைப்பான் பழத் தோட்டம்?

Published:Updated:
##~##

''தமிழர்களின் பெருமையை உண்மையாகவே உணர்ந்த தலைவர்கள் உண்டா?''

 ''நேதாஜியின் இந்திய தேசிய ராணுவத்தில் இருந்தவர்களில் பாதிப் பேர் தமிழர்கள். மேஜர் ஜெனரல் அழகப்பா, கர்னல் சோமசுந்தரம், நாகரத்தினம், எஸ்.ஏ.ஐயர், திவி போன்றோர் ஐ.என்.ஏ. ராணுவத்தில் பிரிகேடியர் அந்தஸ்தில் இருந்தவர்கள். நேதாஜியின் சமையல்காரர் காளி என்பவர் தமிழர்தான். இதனை எல்லாம் உணர்ந்து 'அடுத்த பிறவி என்று ஒன்று இருக்குமானால், நான் தமிழனாகவே பிறக்க விரும்புகிறேன்’ என்றார் நேதாஜி!''

ஒட்டுமொத்த விகடனுக்கும் ஒரே ஷார்ட்கட்!

       - சாய்மீரா, சென்னை-91.

'' 'திராவிடக் கட்சிகளோடு கூட்டணி வைக்க மாட்டோம்’ என்று ராமதாஸ் சொல்வதை நம்பலாமா?''

'' 'என் குடும்பத்தில் உள்ளவர்கள் எவரும் அரசியலுக்கு வர மாட்டார்கள். அப்படி வந்தால், என்னைச் சவுக்கால் அடிக்கலாம்’ என்று அப்போது ராமதாஸ் சொன்னதை நீங்கள் நம்பியிருந்தீர்கள் என்றால், இப்போது இதையும் நீங்கள் நம்பலாம்!''

நானே கேள்வி... நானே பதில்!

- பாலா சரவணன், சென்னை 122.

''புலம் பெயர் வாழ்க்கையின் உச்சபட்சத் துயரம் எது?''

''நிகழ்கால வாழ்க்கை உறுதி இல்லாமல் போவதைப் போல எதிர்காலம் குறித்தும் நிச்சயமின்மை தொடர்வது. ஈழத்துக் கவிஞர் வ.ஐ.ச.ஜெயபாலனின் கவிதை இது...

'யாழ் நகரில் என் பையன்
கொழும்பில் என் பொண்டாட்டி
வன்னியில் என் தந்தை
தள்ளாத வயதினிலே
தமிழ்நாட்டில் என் அம்மா
சுற்றம் ஃப்ராங்பர்ட்டில்
ஒரு சகோதரியோ பிரான்ஸ் நாட்டில்
நானோ வழி தவறி      
அலாஸ்கா வந்துவிட்ட
ஒட்டகம்போல் ஓஸ்லோவில்.
என்ன நம் குடும்பங்கள்
காற்றில் விதிக் குரங்கு கிழித்தெறியும்
பஞ்சுத் தலையணையா?
பாட்டனார் பண்படுத்தி
பழ மரங்கள் நாட்டிவைத்த
தோப்பை அழியவிட்டு
தொலைதேசம் வந்தவன் நான்
என்னுடைய பேரனுக்காய்
எவன் வைப்பான் பழத் தோட்டம்?’ ''

- கபிலன், காரைக்குடி

நானே கேள்வி... நானே பதில்!
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism