Published:Updated:

மிஸ்டர் இந்தியாவைச் சந்தியுங்கள்!

பி.செ.விஷ்ணு, படம்: ரா.மூகாம்பிகை

மிஸ்டர் இந்தியாவைச் சந்தியுங்கள்!

பி.செ.விஷ்ணு, படம்: ரா.மூகாம்பிகை

Published:Updated:
##~##

ஜினி, கமல் காலத்தில் வில்லன்களின் அடியாட்களாக மஸ்து மஸ்தான 'பாடி பில்டர்’கள் வருவார்களே... அப்படியான ஆணழகர்களின் அணிவகுப்பைக் கடந்த வாரம் சென்னையில் கண்டேன். 53-வது 'மிஸ்டர் இந்தியா’ போட்டியின் போட்டியாளர்கள் அவர்கள். இந்தியாவின் பல்வேறு மாநிலங்களில் இருந்தும் கலந்து கொண்ட 258 போட்டியாளர்களில் பல்வேறு சுற்றுகளுக்குப் பிறகு மகாராஷ்டிராவைச் சேர்ந்த சுபாஷ் காம்கர் 'சாம்பியன் ஆஃப் தி சாம்பியன்ஸ்’ ஆகத் தேர்ந்தெடுக்கப்பட்டார். இவர் தொடர்ச்சியாகத் தட்டிச் செல்லும் நான்காவது மிஸ்டர் இந்தியா பட்டம் இது. பட்டத்தோடு ஒரு புல்லட் பைக்கும் பரிசாகப் பெற்ற காம்கருடன் ஒரு 'ஆரோக்கியமான’ பேட்டி...

''என் அப்பா, என் அப்பாவின் அப்பா, என் அம்மாவின் அப்பா என எல்லோரும் மல்யுத்த வீரர்கள். வீட்டில் எல்லோரும் பயில்வானாக இருக்க, நான் மட்டும்தான் எழும்பும் தோலுமாக இருப்பேன். எல்லோரும் என்னை நோஞ்சான், ஒல்லிப்பிச்சான் என்று கிண்டல் செய்ததால் 14 வயதில் முதல்முறையாக ஜிம்முக்குச் சென்றேன். அப்போது எனக்குள் ஊறிக்கிடந்த பரம்பரை ஆர்வம் 16 வயதுக்குள் 31 போட்டிகளில் என்னை சாம்பியன் ஆக்கியது. அப்படித் தொடங்கியது இந்தப் பயணம்!''

ஒட்டுமொத்த விகடனுக்கும் ஒரே ஷார்ட்கட்!

மிஸ்டர் இந்தியாவைச் சந்தியுங்கள்!

''பாடி பில்டிங்கில் உங்கள் இலக்கு என்ன?''

''உலக அளவில் பாடி பில்டர்கள் ஜெயிக்க வேண்டும் என ஏங்கும் மிஸ்டர் ஒலிம்பியா பட்டத்தை இந்தியர்கள் இதுவரை யாரும் வென்றதில்லை. அதை வெல்ல வேண்டும்!''

''உங்கள் ரோல் மாடல்?''

''ஹாலிவுட் நடிகர் அர்னால்ட். அடுத்த வேளை சாப்பாட்டுக்கு வழியில்லாத வறுமையில் வாடி யவர் தனது பாடி பில்டிங் திறமை மூலமே ஸ்டார் நடிகராகி இன்று அமெரிக்கத் தேர்தல்களில் போட்டியிடும் அளவுக்கு உயர்ந்திருக்கிறார்!''

''உடம்பை இப்படிப் பராமரிப்பதற்கு எவ்வளவு செலவாகும்?''

''அது ஆகும் லட்சங்களில்... அதை வெளியே சொன்னால், இந்த விளையாட்டில் ஈடுபடுவோரின் ஆர்வம் குறைந்துவிடும்!'' என்று சிரிக்கிறார்.