Published:Updated:

ஒரு சிலை... இரண்டு தலை!

ஒரு சிலை... இரண்டு தலை!

ஒரு சிலை... இரண்டு தலை!

ஒரு சிலை... இரண்டு தலை!

Published:Updated:

ஒரு சிலை... இரண்டு தலை!
ஒரு சிலை... இரண்டு தலை!
ஒரு சிலை... இரண்டு தலை!

ஒட்டுமொத்த விகடனுக்கும் ஒரே ஷார்ட்கட்!

ந.வினோத்குமார்
ஒரு சிலை... இரண்டு தலை!

ஸ்ட்ரா டெரஸ்ட்ரியல் ஷோ!' ஜிம்னாஸ்டிக், ரோலர் ஸ்கேட், சிங்கிள் வீல் சைக்கிள்,

சிற்பம், லேசர் எனப் பல கலைகளை நளின நடன அசைவுகள் கோத்து அரங்கேற்றும் திறமைசாலிகளின் கண்காட்சி!

உள் அரங்கு ஒன்றின் அடக்கமான மேடையில் அந்த திறமைசாலிகள் நிகழ்த்திய சாகசங்கள் பிரமிப்புக்கே பிரமிப்பூட்டுபவை! (உபயம்: 'ஓய்வுக்கே ஓய்வு கொடுத்தவர்!')

தரையில் கால் பதித்து ஒருவர் நிற்க, அவரு டைய உள்ளங்கையில் எறி நின்று பேலன்ஸ் செய்து, ஏரோபிக்ஸ் செய்கிறார் அந்த ஆண். அதிலும் ஒவ்வோர் அசைவும் மிக மென்மையான ஸ்லோமோஷன் பாணியில். தொடர்ந்து, கீழே இருப்பவர் படுத்துக்கொண்டு தன் கால்கள் இரண்டையும் மேலே தூக்க, அவருடைய உள்ளங்கால் மேல் பேலன்ஸ் செய்து, கைகளை விரித்து சிலையாக நிற்கிறார் அவர். நீர் மேல் பிம்ப சலசலப்புகூட இல்லாத துல்லியம்!

ஒரு சிலை... இரண்டு தலை!

ரோலர் ஸ்கேட்டிங்கில் வழுக்கிய அந்தத் தம்பதியினர், கிட்டத்தட்ட தங்கள் உயிரையே பணயம்வைத்தனர். அத்தனை சிறிய மேடையில், பரபர வேகத்தில் ரோலர் சக்கரங்களில் அவர்கள் சுற்றிச் சுழன்று அக்ரோபேடிக்ஸ் சாகசம் புரிந்தது... நிச்சயம் மரணக் கிணறு துணிச்சல்!

'ஹூலா ஹூப்'- உடலைச் சுற்றிச் சுழலவிடும் வளையத்தின் பெயர் அது. தலை முதல் கால் வரை ஹூலா ஹூப்களை உடலைத் தொடாமல் சுற்றவிட்டு, அவற்றுக்கு நடுவில் பம்பரமாகச் சுழல்கிறார் அந்தப் பெண். நாக்கு மேலண்ணத்தில் ஒட்டிக்கொள்கிறது பார்வையாளர்களுக்கு.

ஒரு சிலை... இரண்டு தலை!

நிகழ்ச்சியின் உச்சபட்சக் கவர்ச்சி, 'வாழும் சிலை' ஐடியா. ஜெரோம் மூரட் என்ற ஃபிரான்ஸ் தேசத்தவரின் கற்பனை இது. மைம், இல்யூஷன் ஆகியவற்றின் கலவையோடு, உயிர் அற்ற பொருள்களுக்குக் குரல் கொடுக்கும் மாயாவியாகச் செயல்படுகிறார், இந்த 'வென்ட்ரிலோக்விஸ்ட்'. ஒரு சிலை இருக்கிறது. அதன் தலை நன்றாக இல்லை என்கிறது உடல் இல்லாத இன்னொரு தலை. உயிர் வாழும் அந்தச்சிலையை இந்தத் தலை கிண்டலடித்துத் தொந்தரவு செய்துகொண்டே இருக்கிறது. ஒரு பெட்டியில் அந்தத் தலையை அடைத்துவிடுகிறது சிலை. ஆனாலும், விடாது தொந்தரவு செய்கிறது தலை. ஒருகட்டத்தில் அதன் இம்சை பொறுக்க முடியாமல், தன் தலையை எடுத்துவிட்டு 'இம்சைத் தலை'யைப் பொருத்திக்கொள்கிறது சிலை. இரண்டு தலை, ஒரு சிலை என அத்தனையுமாக உருவெடுத்து ஆட்டம் காட்டுவது, ஒரே ஒரு நபர்தான். ஷோ பீஸ் முடிந்ததும் அதிரடிக்கும் கைதட்டல்கள் அரங்கத்தை அதிரச் செய்கின்றன!

ஒரு சிலை... இரண்டு தலை!

நிகழ்ச்சியின் ஒருங்கிணைப்பாளரும் 'ஷோ ஸ்பேஸ்' அமைப்பின் இயக்குநருமான ஹரிஹரன், உலகம் முழுக்கப் பல்வேறு திசைகளில் இருந்து இந்த எக்ஸ்ட்ரா டெரஸ்ட்ரியல் கலைஞர்களை ஒன்றிணைத்ததாகப் பெருமிதப்படுகிறார். "சினிமா, இசைக் கச்சேரி, கிரிக்கெட் தவிர, நம் மக்களுக்கு வேறு வித்தியாசமான பொழுதுபோக்குகளே இல்லை எனலாம். அதனால்தான் இந்த 'எக்ஸ்ட்ரா டெரஸ்ட்ரியல்' கலைஞர்களைப் பெரும் முயற்சி எடுத்து அழைத்து வந்தோம். தமிழகத்திலும் இதுபோன்ற திறமையாளர்கள் இருந்தால், நிச்சயம் வாய்ப்பளிக்கக் காத்திருக்கிறோம். அப்படி யாரேனும் இருந்தால், பயிற்சி அளித்து அவர்களது திறமைகளை மெருகேற்றி ஷோவில் அரங்கேற்றுவோம். யாரேனும் இருந்தால் எங்கள் கதவு தட்டுங்களேன்..." என்று வேண்டுகோள் வைக்கிறார்.

தட்டுங்கள்... திறக்கப்படும்!

ஒரு சிலை... இரண்டு தலை!
ஒரு சிலை... இரண்டு தலை!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism