Published:Updated:

விகடன் வரவேற்பறை

விகடன் வரவேற்பறை

விகடன் வரவேற்பறை

விகடன் வரவேற்பறை

Published:Updated:

விகடன் வரவேற்பறை
விகடன் வரவேற்பறை
விகடன் வரவேற்பறை

ஒட்டுமொத்த விகடனுக்கும் ஒரே ஷார்ட்கட்!

விகடன் வரவேற்பறை

நினைவின் தாழ்வாரங்கள் - கலாப்ரியா


வெளியீடு: சந்தியா பதிப்பகம், ப.எண்: 57, 53--வது தெரு,
9-வது அவென்யூ, அசோக் நகர், சென்னை-83.
பக்கம்: 384 விலை ரூ.225

விகடன் வரவேற்பறை

மிழ்க் கவிதை உலகில் 30 ஆண்டுகளுக்கும் மேலாக இயங்கி வரும் கலாப்ரியாவின் முதல் உரைநடை நூல் இது. சினிமாவும் திராவிட அரசியலும் சேர்ந்து, தமிழகக் கலாசார வரலாற்றை மாற்றி எழுதத் தொடங்கிய காலகட்டத்தில், அந்த மாற்றத்தில் பங்குகொள்ளும் ஓர் இளைஞனின் அகமும் புறமுமான கட்டுரைகள் நிரம்பிய நூல். ஒன்றாகச் சேர்ந்து படிக்கும்போது, ஒரு நாவல் உள்ளுக்குள் கலைத்துப் போடப்பட்டுக்கிடப்பதைக் காண முடியும். பெரும்பாலான கட்டுரைகளில் இடம்பெறுகிற அவரைக் கவர்ந்த சினிமா பாடல்கள் நமக்கும் நினைவுகளைத் திறக்கலாம்!

ஏற்றுக்கொள்ளுதல்


இயக்கம்: ஸ்ரீகண்டன்
வெளியீடு: 41/16, 11-வது டிரஸ்ட் கிராஸ் தெரு,
மந்தைவெளிப்பாக்கம், சென்னை-28.

விகடன் வரவேற்பறை

ன்றைய காலச் சூழலுக்கு எந்த நிகழ்வுகளையும் பாஸிட்டிவ் ஆக ஏற்றுக்கொள்கிற மனநிலை வேண்டும் என்பதை வலியுறுத்துகிறார்கள். சின்னச் சின்ன சுவாரஸ்யங்கள் சேர்த்து, மொத்தக் குறும்படத்தையும் ரசித்துப் பார்க்கக்கூடிய வகையில் படைத்திருக்கிறார்கள். குறும்படத்தில் ரேஷ்மி, அலெக்ஸின் நடிப்பு குறிப்பிட்டுச் சொல்லும்படி உள்ளது!

திட்டம் தீட்டு... கட்டம் கட்டு! http://lifetick.com/index.php

விகடன் வரவேற்பறை

திட்டம் போட்டு லட்சியத்தைக் கட்டம் கட்டச் சொல்லும் -தளம். காய்கறி வாங்குவதில் இருந்து, தொகுதி எம்.எல்.ஏ-வை விலைக்கு வாங்குவது வரை உங்கள் லட்சியம் எதுவாக இருந்தாலும், அதற்குத் தேவைப்படும் காலம், செலவாகும் பணம், செய்ய வேண்டிய வேலைகள் போன்ற தகவல்களை இங்கு பதிவேற்றிவிட வேண்டும். ஒவ்வொரு நாளும் நாம் செய்து முடித்த வேலைகளை அடுக்கினால், லட்சியத்தில் எவ்வளவு தூரம்முன்னேறி இருக்கிறோம் என்பதை கிராஃப் வரைந்து சொல்கிறார்கள். கண்காணிப்புக் காவலன்!

தாலாட்டு new.thalatu.blogspot.com

விகடன் வரவேற்பறை

'இன்றைய தலைமுறையினரிடம் மறைந்து வரும் தாலாட்டுகளை மலரும் நினைவுகளாக இங்கே மறுபதிவு செய்கிறேன். என் தாயார், மாமியார் மற்றும் உறவினர்களின் வழி எனக்கும் கிடைத்த வரம் இந்த அற்புதத் தாலாட்டுகள்' என்று வலைப்பூவின் முகப்பு சொல்கிறது. ஒரு குழந்தை முதலில் கேட்கும் இசை வடிவமான தாலாட்டினைக் கிட்டத்தட்ட தொலைத்துவிட்ட இந்நாளில், 'சங்கு முழங்க என் கண்ணே! சமுத்திரத்தில் மீன் முழங்க, எங்கே முழங்குதுன்னு சாமி ஏணிவெச்சுப் பார்த்தாராம்'; 'எங்கிருந்தான் எங்கிருந்தான், இது நெடுநாள் எங்கிருந்தான், மாசி மறைஞ்சிருந்தான், மழைமேகம் சூழ்ந்திருந்தான், திங்கள் மறைஞ்சிருந்தான் தேவர்கள் கூடயிருந்தான்' என்று தமிழ் கொஞ்சி விளையாடும் பதிவுகள் கருப்பட்டி இனிப்பு!

 

பாணா காத்தாடி

இசை: யுவன்ஷங்கர் ராஜா வெளியீடு: திங்க் மியூஸிக் விலை ரூ.99

விகடன் வரவேற்பறை

ஸாஃப்ட் டிரம், ஃப்ளூட் என மெல்லிசை அதிர்வுகளுடன் முதல் முறையே கவர்கிறது 'தாக்குதே... கண் தாக்குதே' பாடல். இளைஞர்களின் ட்வீட் பீட் வார்த்தைகளை வசீகரத் தமி-ழில் வழங்கி அசத்தியிருக்கிறது வாலி பேனா. யுவன் குரலில் ரெண்டு டீஸ்பூன் எக்ஸ்ட்ரா வசீகரம். 'ஒரு பைத்தியம் பிடிக்குது பெண்ணே பெண்ணே... அதன் வைத்தியம் உன் கண்ணே' பாடல் முழுக்க காதல் ஃபீல் பாடலுக்கான வருடல் வார்த்தைகளைத் தெளிக்கிறார் நா.முத்துக்குமார். வழக்கமாக காதல் சோகப் பாடல்களில் ஸ்கோர் செய்யும் யுவன் மியூஸிக், 'என் நெஞ்சில்' பாடலில் ஏனோ அடக்கி வாசிக்கிறது. அதீத அதிரடி காட்டாத ஸாஃப்ட் குத்துப் பாடலாக ஒலிக்கிறது 'உள்ளார பூந்து பாரு' அயிட்டம் ஸாங். இரண்டு பாடல்களில் மட்டும் யுவன் டச்!

விகடன் வரவேற்பறை
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism