Published:Updated:

கோஷ்டி சேர்த்தால் பதவி கிடைக்காது!

கோஷ்டி சேர்த்தால் பதவி கிடைக்காது!

கோஷ்டி சேர்த்தால் பதவி கிடைக்காது!

கோஷ்டி சேர்த்தால் பதவி கிடைக்காது!

Published:Updated:

"கோஷ்டி சேர்த்தால் பதவி கிடைக்காது!"
கோஷ்டி சேர்த்தால் பதவி கிடைக்காது!
கோஷ்டி சேர்த்தால் பதவி கிடைக்காது!

ஒட்டுமொத்த விகடனுக்கும் ஒரே ஷார்ட்கட்!

கறார் ராகுல்
ப.திருமாவேலன்
கோஷ்டி சேர்த்தால் பதவி கிடைக்காது!
கோஷ்டி சேர்த்தால் பதவி கிடைக்காது!

கசிய ராகுல் என்றே இனி அவரை அழைக்கலாம்!

வருவதும் அறியாமல் போவதும் தெரியாமல் முடிகின்றன ராகுல் காந்தியின் தமிழ்நாட்டு வருகைகள். 'இது என் தனிப்பட்ட பயணங்கள்' என்று சொல்லிச் சொல்லியே, இங்கு காங்கிரஸ் கட்சியை வளர்க்க முனைகிறார் ராகுல். பத்திரிகையாளர்களைப் பார்த்துத்தான் அவர் தயங்குகிறார் என்று காங்கிரஸ் தலைவர்கள் சொல்கிறார்கள். ஆனால், உண்மையில் அந்தத்

தலைவர்களிடம் இருந்து தள்ளி நிற்கவே ராகுல் விரும்புகிறார். கடந்த 2-ம் தேதி, சென்னையை அடுத்த காரப்பாக்கம் தங்கவேலு பொறியியல் கல்லூரி வளாகத்துக்கு முன் அறிவிப்பு இல்லாமல் வருகை தந்தார் ராகுல் காந்தி. தமிழ்நாடு காங்கிரஸ் கமிட்டித் தலைவர் தங்கபாலுவின் கல்லூரி அது. ஆனால், அவருக்கே ராகுலைப் பார்க்க அனுமதி இல்லை. 'நான் வந்திருப்பது இளைஞர் காங்கிரஸ் உறுப்பினர்களைச் சந்திப்பதற்குத்தான். 35 வயதுக்கு மேற்பட்ட காங்கிரஸ் தொண்டர்கள் என்னுடைய கண்ணிலேயே படக் கூடாது' என்பது ராகுலின் உத்தரவு.

சில மாதங்களுக்கு முன் தமிழக இளைஞர் காங்கிரஸ் கட்சியின் நிர்வாகிகள் தேர்தல் நடந்தது. இதன் தமிழகத் தலைவராக ஈரோட்டைச் சேர்ந்த யுவராஜ் தேர்ந்தெடுக்கப்பட்டார். நடிகர் விஜய் தொடங்கி... சில தலைவர்களின் மகன்கள், பேரன்கள் வரை முட்டி மோதிப் பார்த்த பதவி அது. ஆனால், உறுப்பினர் சேர்ப்பு, தேர்தல் போன்றவை ஜனநாயகப்பூர்வமாக நடந்தாக வேண்டும் என்று உத்தரவிட்ட ராகுல், புதிய நிர்வாகிகளுக்காக ஐந்து நாட்கள் சிறப்புப் பயிற்சி முகாம் நடத்தவும் உத்தரவிட்டார்.

ஜவகர்லால் நேரு தலைமைத் தகுதிக்கான பயிற்சி நிறுவனத்தின் பொறுப்பாளர் டாக்டர் ஜெயராமன். கர்நாடகாவைச் சேர்ந்தவர். இந்தப் பயிற்சி நிறுவனத்தைத் தொடங்கி இருப்பது சோனியாவும் ராகுலும். இளைஞர் காங்கிரஸ் பொறுப்பாளர்களாக வருபவர்கள் தங்களை முதலில் தகுதியானவர்களாக மாற்றிக்கொள்ள வேண்டும் என்ற நோக்கத்துடன் இந்த நிறுவனம் தொடங்கப்பட்டுள்ளது. இன்ஃபோசிஸ் போன்ற பிரபல நிறுவனங்களின் ஊழியர்களுக்கு வகுப்புகள் எடுத்து வரும் இந்த ஜெயராமன் அனுப்பிய ஆட்கள், தமிழக இளைஞர் காங்கிரஸ் நிர்வாகிகள் அனைவரையும் பரிசீலித்து, அவர்களில் சுமார் 300 பேரை மட்டும் பயிற்சி முகாமுக்குத் தேர்ந்தெடுத்தனர்.

கோஷ்டி சேர்த்தால் பதவி கிடைக்காது!

காங்கிரஸ் கட்சியின் வரலாறு, சோனியாவின் புகழ், ராகுல் காந்தியின் பண்புகள் குறித்த துதி பாடும் பயிற்சி இல்லை. ஒரு தலைவன் எப்படி உருவாகிறான், கூட்டங்களை நடத்துவது எப்படி, மக்களை ஒருங்கிணைக்க எப்படிச் செயல்பட வேண்டும் என்ற தலைப்புகளில் இடைவெளி விடாமல் வகுப்புகள் நடத்தப்பட்டன. இதில்தான் எதிர்பாராத வகையில் ராகுல் வந்து இறங்கினார்.

பயிற்சி முகாமுக்குள் ராகுல் நுழைந்ததைப் பார்த்ததும் அனைத்து உறுப்பினர்களும் உற்சாகமானார்கள். "எங்களுக்கு இது மறக்க முடியாத நாள். எங்களைப் பார்ப்பதற்காக எத்தனையோ கிலோ மீட்டர் தூரத்தில் இருந்து நீங்கள் வந்திருக்கிறீர்கள். காங்கிரஸை தமிழகத்தில் முதன்மைக் கட்சியாக மாற்றும் உங்களது லட்சியத்தை நாங்கள் நிறைவேற்றிக்காட்டுவோம்" என்று தமிழக இளைஞர் காங்கிரஸ் தலைவர் யுவராஜ் சொல்ல....

"அப்படிப்பட்ட நம்பிக்கை வந்துவிட்டதா? தமிழ்நாட்டில் காங்கிரஸ் கட்சி ஆட்சிக்கு வருமா?" என்ற கேள்வியுடன் தனது பேச்சைத் தொடங்கினார் ராகுல்.

"75 சதவிகிதம் பேருக்கு அப்படி நம்பிக்கை வந்துவிட்டது" என்றார் ஒருவர்.

"மற்றவர்களுக்கு அந்த நம்பிக்கை வராததற்கு என்ன காரணம்?" என்று அடுத்த கேள்வியைப் போட்டார் ராகுல்.

"இங்கு எத்தனையோ கோஷ்டிகள் இருக்கின்றன. அதுதான் காரணம்" என்று துணிச்சலாக ஒரு பதில் வந்தது.

"கோஷ்டிகளைப்பற்றி நீங்கள் கவலைப்பட வேண்டியது இல்லை. கட்சிக்காக உழைக்க வந்தவர்கள் சுயநலம் பார்க்காமல் கட்சி நலத்தை மட்டும்தான் மனதில்கொண்டு செயல்படுவார்கள். அதையும் மீறிச் செயல்படும் கோஷ்டிகளை கட்சித் தலைமை பார்த்துக்கொள்ளும். நீங்கள் காங்கிரஸை முதன்மைக் கட்சியாக மாற்ற மக்களிடம் நல்ல பெயரைச் சம்பாதியுங்கள். உண்மையாகவும் நேர்மையாகவும் உழைத்தால், உங்களை நோக்கிப் பதவிகள் தேடி வரும். கோஷ்டிகள் சேர்த்தால், அது வராது" என்று சொல்லும்போது, ராகுலின் காது கோபத்தால் சிவந்திருக்கிறது.

"தமிழ்நாட்டில் ஒரு மாற்றத்தை ஏற்படுத்த நாங்கள் உண்மையாக உழைக்கத் தயார். நாங்கள் உழைப்பது டெல்லியில் இருக்கும் உங்களுக்கு எப்படித் தெரியும்?" என்ற யதார்த்தமான கேள்வியை ஒருவர் கேட்டபோது, சிரித்த ராகுல், "நான் எங்கு இருந்தாலும் இங்கு என்ன நடக்கிறது என உங்களைப்பற்றிய முழுமையான அறிக்கை எனக்கு வந்துவிடும். எதுவும் எனக்குத் தெரியாது என்று மட்டும் நினைக்காதீர்கள். எல்லாவற்றையும் நான் அறிந்தே இருக்கிறேன். யார் இந்தக் கட்சிக்காக உழைக்கிறார்களோ, அவர்களைத்தான் அடையாளம் காட்டுவேன். இவர் மந்திரி பையன், கட்சித் தலைவரின் பேரன் என்பதற்காக யாரையும் இளைஞர் காங்கிரஸ் வளர்த்துவிடாது. என்னை நம்புங்கள்" என்று சொன்னபோது பலத்த வரவேற்பு.

கோஷ்டி சேர்த்தால் பதவி கிடைக்காது!

சுமார் ஒன்றரை மணி நேரம் துறுதுறுவென மனதில் பட்டவை அனைத்தையும் பட்டென்று போட்டு உடைத்துவிட்டுக் கிளம்பினார் ராகுல். அவர் வந்து போனதே அங்கு இருந்தவர்களுக்கு கனவுக் காட்சி மாதிரி இருந்தது. கடைசியாக அவர் சொன்னதுதான் அனைவரையும் நிஜத்துக்கு இழுத்து வந்தது.

"காங்கிரஸ் கட்சிக்காக நீங்கள் அனைவரும் உழையுங்கள். உழைக்காதவர் யாராக இருந்தாலும் அவர்களது பதவி பறிக்கப்படும்!"

கோஷ்டி சேர்த்தால் பதவி கிடைக்காது!
கோஷ்டி சேர்த்தால் பதவி கிடைக்காது!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism