Published:Updated:

வருங்காலத் தொழில்நுட்பம்

வருங்காலத் தொழில்நுட்பம்


வருங்காலத் தொழில்நுட்பம்
வருங்காலத் தொழில்நுட்பம்
வருங்காலத் தொழில்நுட்பம்

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
அண்டன் பிரகாஷ்
வருங்காலத் தொழில்நுட்பம்
வருங்காலத் தொழில்நுட்பம்

'அடோபி ஃப்ளாஷ் குறித்துப் பெருமைகொள்ள ஒன்றும் இல்லை. அதை உரு வாக்கி, அடோபிக்கு விற்றுவிட்ட மேக்ரோ மீடியாதான் உண்மையான சாதனையாளன். மேலும், ஆப்பிள், அடோபி, கூகுள் என முட்டி மோதும் புதிய போட்டியாளர்களிடையே, மைக்ரோசாஃப்ட் இல்லாமல்போனது காலத்தின் கட்டாயம்!' - விகடன் டாட்காம் பயனீட்-டாளர் குரு எழுதியிருக்கும் நச்சென்ற பின்னூட்டம் சிந்தனையைத் தூண்டுகிறது.

இணையத் தொழில்நுட்பங்களைப் பொறுத்தவரை கூகுளும் ஆப்பிளும் சுமோ சைஸ் பயில்வான்களாக மோதிக்கொண்டு இருக்க, மைக்ரோசாஃப்ட் தள்ளி நின்று மேலும் கீழும் பார்த்தபடி இருக்கும் நோஞ்சான் குழந்தையாக இருக்கிறது. மைக்ரோசாஃப்ட்டிடம் பணத்துக்குக் குறைச்சல் இல்லை. அவர்களது Office மென்பொருள் மட்டுமே பல பில்லியன்களை ஒவ்வொரு வருடமும் ஈட்டித் தருகிறது. ஆனால், இணையத்தில் வெற்றி பெற, அது மட்டுமே போதுமானது அல்ல. இந்த 10 வருடங்களில் இணையத் துறையை அலசிப்பார்த்தால், இந்தத் துறையில் வெற்றி பெற மூன்று காரணிகள் இருப்பதாகத் தெரிகிறது.

1.வேகம் (Speed): ஐடியாக்களை மிக விரைவாகச் செயலுக்குக் கொண்டுவந்து, மார்க்கெட்டுக்கு எடுத்துச் சென்றாக வேண்டும்.

2. விரைவாக மாறும் தன்மை (Agility): தொடக்க நிலையில் இருந்து வரும் இணையத்தில் சாதிக்க ணீரீவீறீவீtஹ் தேவை.

3. திறந்த மனப்பான்மை (Open Standards): இணையத்தின் மூலக்கூறுகளை மட்டுமே அடிப்படையாகக்கொண்டு உருவாக்கப்படும் சேவைகளே இத் தளத்தில் வெற்றிபெற முடியும்.

மைக்ரோசாஃப்ட் இந்த மூன்று காரணிகளிலும் பின்தங்கி நிற்கிறது. 'அந்தக் காலத் துல மைக்ரோசாஃப்ட்டுனு ஒரு கம்பெனி இருந்துச்சாம்!' என்று தொடங்குகிற கதை

களை அடுத்த தலைமுறைகளுக்கு நாம் சொல்லக்கூடிய சாத்தியக்கூறுகள் அதிகம் தெரிகின்றன.

வருங்காலத் தொழில்நுட்பம்

தகவல் தொழில்நுட்ப உலகில் பிரபல மான கார்ட்னர் (new.gartner.com) வெளி யிடும் ரிப்போர்ட்களுக்குப் பெரும் மரியாதை உண்டு. தொழில்நுட்பத் துறையில் பல்வேறு பணிகளில் ஈடுபடுபவர்களிடம் தொடர்ந்து தகவல் திரட்டுவதும், பொதுமக்கள் மத்தியில் மாறிக்கொண்டு இருக்கும் டிரெண்டுகளைத் தீர்க்கமாகக் கண்காணிப்பதுமே கார்ட்னர் தயாரிக்கும் ரிப்போர்ட்டுகளின் மரியாதைக்கும் நம்பகத்தன்மைக்கும் காரணம்.- இந்த வாரம் வெளியான பயனீட்டாளர்களின் தொழில்நுட்பங்-களில் அடுத்த சில ஆண்டுகளில் வரப்போகும் மாற்றங்களைப்பற்றிய தலையணை சைஸ் ரிப்-போர்ட்-டில் இந்தத் தொடரின் வாசகர்களுக்குத் தேவையான 'தீர்க்கதரிசனங்கள்' பல. பயனீட்டாளர் என்றதும், ஹைடெக் உலகில் உலவி வரும் நபர்கள் என்று நினைத்துவிட வேண்டாம். இணையத்தை இணைக்கும்படி வசதிகொண்ட அலைபேசி வைத்திருக்கும் ஒவ்வொருவரும் தொழில்நுட்பப் பயனீட்டாளரே.

சிலவற்றைப் பார்க்கலாம்:

2012-ன் இறுதிக்குள் இந்தியாவில் இருந்து இயங்கும் நிறுவனங்கள் மேகக்கணினியச் சேவைகளில் 20 சதவிகித மார்க்கெட்டை எட்டியிருக்கும்.

2014வாக்கில் எந்த பிசினஸ் ஐடியாவைச் சொல்ல வேண்டுமானாலும், அது எவ்வளவு தூரம் சுற்றுச்சூழலைக் கெடுக்காமல் இருக்கிறது என் பதையும் சேர்த்துச் சொல்லியாக வேண்டும். சுற்றுச் சூழலைப் பாதிக்கும் தொழில் முனைவுகள், அதை எப்படிச் சமனீடு (carbon remediation) செய்யும் என்பதை விளக்கியாக வேண்டும்.(இந்தியாவில் இது நடைமுறைக்கு வர 2020 ஆகலாம் என்பது எனது கணிப்பு.)

இணைய வர்த்தகம் 250 பில்லியனை 2015-க்கும் முன்னால் தாண்டிவிடும்.

2014வாக்கில் உலக மக்கள்தொகையில் பாதிக்கு மேற்பட்டவர்கள் இணையத்தின் மூலமாகத் தகவல்களைப் பரிமாறுவதோடு ஏதோ ஒரு-வகையில் வர்த்தகமும் செய்வார்கள். வர்த்தகம் என்றால், ஆன்-லைன் பங்குச்சந்தை யாக இருக்க வேண்டும் என்பது இல்லை. தீபாவளி ரிலீஸ் படத்துக்கு டிக்கெட் எடுக்க உங்களது செல்போனைப் பயன்படுத்து-வதும்வர்த்தகமே.

2013 முடிவதற்குள் அலைபேசிகளில் இருந்து இணையத்தில் இணைக்கப்படுவது கணினிகளில் இருந்து இணைக்கப்படுவதைவிட அதிகமாகும்.

இந்தக் கடைசி பாயின்ட்டைச் சொல்ல கார்ட் னர் தேவை இல்லை. நம் அனைவருக்குமே அலை பேசித் தொழில்நுட்பத்தின் தொடர்ந்த இமாலய வளர்ச்சி கண்கூடான ஒன்று. தான்சானியாவில்பணி புரியும் தூத்துக்குடி ஹோஷ்மின் இந்தத் தொடரின் தீவிர வாசகர். சமீபத்தில் ஆன்-லைனில் சேட்டிக் கொண்டு இருந்தபோது, தான்சானியாவில் 40 சதவிகிதத்துக்கும் மேற்பட்ட மக்களிடம்இணைய வசதிகொண்ட அலைபேசிச் சேவை (Internet Adoption) இருக்கிறது என்றார். ('எங்க வீட்டில் வேலை செய்கிற ஆப்பிரிக்கப் பெண்ணிடம், சகல வசதி-களும்-கொண்ட advanced smartphone இருக்குது அண்டன்' என்றார் சற்று மலைப்புடன்). ஆக மொத்தத்தில், பேசுவதற்கான Voice நெட்வொர்க்; தகவலுக்காக இணையம் என்று இருந்ததெல்லாம் மாறிப்போய், Voice, Data, Entertainment என எல்லா சேவைகளையும் இணைந்த convergence உலகை நோக்கி விரைவாக நகர்ந்தபடி இருக்கிறோம்.

வருங்காலத் தொழில்நுட்பம்

பிரைவஸி அச்சுறுத்தல்கள்போன்ற சிலபிரச்னை கள் இருந்தாலும், மக்களுக்கும் வர்த்தக நிறுவனங் களுக்கும் இந்த முன்னேற்றம் மிகப் பெரும் வரமாக இருப்பதை மறுக்க முடியாது. 'என்ன இ-மெயில் வந்துட்டாலும், அந்தக் காலத்தில் நாம இங்க் பேனா பிடிச்சு இன்லேண்டு கவர்ல எழுதுன கடிதம் மாதிரி வருமா?' என்று ஆட்டோகிராஃப் ஏக்கம்வருபவர்கள், விகடன் பொக்கிஷம் மட்டும் படிப்பது நலம். காரணம், இந்தத் தொழில்நுட்பத்தின் தொடக்கக் காலத்தில்தான் நாம் இருக்கிறோம்; 2020-க்குள் வரப்போகும் மாற்றங்கள் மகத்தானவையாக இருக்கப்போவது நிச்சயம்!

இந்த வளர்ச்சியால் அச்சுறுத்தப்படும் நிறுவனம் ஒன்று உண்டு... -அது அரசாங்கம். எல்லா நாட்டு அரசாங்கங்கள் இல்லை. மக்களுக்குத் தகவல் சென் சார் காவலன்களாக விரும்பும் அரசாங்கங்களும், மக்களை எளிதில் இணைத்துவிடும் இணையத் தொழில்நுட்பத்தைப் பயன்படுத்தி, தங்களுக்கு எதி ராக ஒருங்கிணைந்துவிடுவார்களோ எனத் தொடர்ந்து அஞ்சும் அரசாங்கங்களும், இணையத் தின் வளர்ச்சியை வில்லனாகப் பார்க்கின்றன. அவற்றை ஆழமாக அலசலாம்!

வருங்காலத் தொழில்நுட்பம்
வருங்காலத் தொழில்நுட்பம்
- Log Off