Published:Updated:

3 நிதிகள்!

3 நிதிகள்!

3 நிதிகள்!

3 நிதிகள்!

Published:Updated:
நா.கதிர்வேலன், இரா.சரவணன், ம.கா.செந்தில்குமார்  
3 நிதிகள்!
3 நிதிகள்!

ஒட்டுமொத்த விகடனுக்கும் ஒரே ஷார்ட்கட்!

3 நிதிகள்!
 
.
3 நிதிகள்!
.

தமிழ் சினிமாவின் '3 நிதிகள்'! உதயநிதி ஸ்டாலின், தயாநிதி அழகிரி, அருள்நிதி தமிழரசு. அரசியல் பவர் சென்டர்களாக தாத்தா, அப்பா, பெரியப்பா, சித்தப்பா கோலோச்ச... தமிழ் சினிமாவைக் கையில் எடுத்துக்கொண்டது இந்த இளைய தலைமுறை. நடிப்பு, தயாரிப்பு, விநியோகம் என ஏரியா பிரித்துக் கபடி ஆடிக்கொண்டு இருப்பவர்களின் பெர்சனல் குறிப்புகளில் இருந்து...

உதயநிதி ஸ்டாலின்

3 நிதிகள்!

செல்லப் பெயர்: உதய்.

முதல்வர் தாத்தா: தலைவர்- தாத்தாவை அப்படித்தான் கூப்பிடுவேன். நான் அடிக்கடி கோபாலபுரம் வர்றதில்லைனு தலைவருக்கு வருத்தம். எப்போதாவது போகும்போது, 'என்ன புரொடியூசர் சார் பயங்கர பிஸியோ?'ன்னு கிண்டல் அடிப்பாரு!

அப்பா - அம்மா: அம்மா ரொம்ப ஸ்ட்ரிக்ட். 'புரியுதோ இல்லையோ மனப்பாடம் செய்தாவது மார்க் எடு!'ன்னு சொன்னவங்க. 'புரிஞ்சு படி... புரியலைன்னா தெரிஞ்சவங்ககிட்ட கேட்டுப் படி. மற்றபடி மனப்பாடம் செய்யாதே'ன்னு சொன்ன ஜென்டில்மேன் அப்பா!

நெருங்கிய நண்பன்: மகேஷ். மாமா அன்பில் பொய்யாமொழியின் மகன். 'உனக்கு மகேஷ்தான்டா ஃபர்ஸ்ட் ஒய்ஃப்' என்று வீட்டில் இருப்பவர்கள் கிண்டலடிக்கும் அளவுக்கு அடர்த்தியான நட்பு! விஷால், வெங்கட், விஜய், சூர்யா, தரணி, கே.எஸ்.ரவிக்குமார், தீரஜ், சசி ஆகியோரும் பெஸ்ட் ஃப்ரெண்ட்ஸ்!

காதல்: காதல் மனைவி கிருத்திகா. செல்லமாக 'கிரு'. கல்லூரிக் காதல் என்பதால் இன்னமும் தோழியாகவே ஓர் உணர்வு. அம்மாவின் கண்டிப்பும் அவ்வப்போது அதட்டும்!

வாழ்நாள் பரிசு: மகன் இன்பநிதி. செல்லமா இன்பா. சமீபத்தில் சென்னை சூப்பர் கிங்ஸ் டீம்கூட நின்னு எடுத்த போட்டோவைக் கையில் வெச்சுட்டே திரியிறார் மிஸ்டர் சேட்டை. ஒரு தடவை அவனை விட்டுட்டு நானும் கிருவும் நியூயார்க் போயிருந்தோம். அங்கே அவனோட பிரிவைத் தாங்க முடியாம ரெண்டு பேரும் கைல 'இன்பா'னு பச்சை குத்திக்கிட்டோம்!

இஷ்டம்: அம்மா வைக்கிற வத்தக் குழம்பு, மீன் குழம்பு, திண்டுக்கல் வேணு பிரியாணி, சமீபத்தில் வாங்கியிருக்கும் ஐ-போன்!

கஷ்டம்: நண்பர்கள், உறவினர்கள் சிபாரிசுன்னு நம்மகிட்ட வரும்போது 'முடியாது'ன்னு சொல்ல ரொம்பக் கஷ்டப்படுவேன்!

சினிமா: குருதிப் புனல், அஞ்சாதே, கில்லி, பசங்க, விண்ணைத்தாண்டி வருவாயா, மணிரத்னத்தின் எல்லாப் படங்களும்!

துரை தயாநிதி அழகிரி

செல்லப் பெயர்: குடும்பத்தினருக்கு தயா, மற்றவர்களுக்கு துரை, நெருங்கிய நண்பர்களுக்கு க்ளவ்டி!

முதல்வர் தாத்தா: துரைன்னு கூப்பிடுவாரு. தாத்தாவைப் பார்க்கிறதுன்னாலே பயம்தான்.

3 நிதிகள்!

அப்பா-அம்மா: ஒரே மகன் என்பதால், துரை மீது அழகிரிக்கு அத்தனை பாசம். நான்கு வருடங்களுக்கு முன்பு, ஒரு கார் விபத்தில் துரைக்கு கை முறிவு. 'இனி ஸ்டீயரிங்கைத் தொட்டா நடக்குறதே வேற!' என பாசத்தையும் கோபம் கலந்த துடிப்பாக வெளிப்படுத்தியிருக்கிறார். ஆனாலும், அடுத்த சில மாதங்களிலேயே அப்பாவைப் பின்னால் உட்காரவைத்து மதுரையையே காரில் வலம் வந்தவர். வீட்டில் அம்மா காந்தி அழகிரிதான் துரையின் தூதுவர். அப்பா மூலமாக ஆக வேண்டிய காரியங்களை அம்மா காதில் போட்டுவிட்டு மறந்துவிடுவார் துரை. தீபாவளியன்று அப்பாவும் மகனும் போட்டி போட்டுக்கொண்டு வெங்காய வெடிகளை வெடித்துக் குவிப்பார்கள்!

கனிமொழி: பாசக்கார அத்தை. கனி அத்தை என்று இவர் அழைக்க, 'தம்பி' என்று அவர் மருகுவார்.

காதல்: நவம்பர் மாதம் காதலி அனுஷா சீத்தாராமனுடன் டும்டும்டும். திருமணத்துக்கு முன்னரே மீடியாக்களுக்குப் பயப் படாமல் துணிச்சலாக அனுஷாவை ஐ.பி.எல். கிரிக்கெட் பார்க்க அழைத்து வந்தார் துரை. டி.வி. கேமராமேனை 'அன்பாக'க் கவனித்து அனுஷாவை நீண்ட நேரம் நேரலை ஒளிபரப்பில் நனைய வைத்த பாசக்காரர். அனுஷாவின் பழைய பெயர் கமலா சங்கரி. அதைச் சொல்லிச் சொல்லிக் கலாய்ப்பது துரையின் இப்போதைய பகுதி நேர வேலை!

நெருங்கிய நண்பன்: அது ஒரு பெரிய பட்டாளம். மூத்த சகோதரி கயல்விழியும், அவர் கணவர் வெங்கடேஷ§ம் க்ளோஸ் ஃப்ரெண்ட்ஸ்தான். சினிமாவில் கௌதம் மேனன், சூர்யா, விஜய், கார்த்தி, 'நாடோடிகள்' விஜய்லாம் பெஸ்ட் ஃப்ரெண்ட்ஸ். சமீபத்தில் இந்தப் பட்டியலில் இணைந்திருப்பவர் அஜீத்!

வாழ்நாள் பரிசு: இப்போதைக்கு வேறு என்ன... அனுஷாதான்!

இஷ்டம்: கிரிக்கெட் பைத்தியம் என்றே சொல்லலாம். வாரத்தில் சில மணி நேரங்கள் பேட் பிடித்து சிக்ஸர் பறக்கவிடுவதைத் தவிர்க்க மாட்டார். விதவிதமான கார், செல்போன்கள் மீதும் காதல் உண்டு!

சினிமா: லிஸ்ட் ரொம்பப் பெரிசு. இப்போதைய ஃபேவரைட் 'வாரணம் ஆயிரம்'!

ஐந்து வருடங்கள் கழித்து: 'அட, அஞ்சு வருஷம் எல்லாம் ஜாஸ்திங்க... சினிமா ஒரு பக்கம் இருந்தாலும், துரை அரசியலுக்கு வரணும் என்பதில் குடும்ப உறவுகள் உறுதியா இருக்காங்க. வர்ற சட்டமன்றத் தேர்தலில் மதுரை மண்ணுல தயா கண்டிப்பா களமிறங்குவார்!' என்கிறார்கள் தயாவுக்கு நெருக்கமான நண்பர்கள்.

அப்படிப் போடு!

அருள்நிதி தமிழரசு

3 நிதிகள்!

செல்லப் பெயர்: அருள்தான். வேறு செல்லப் பெயர் இல்லை.

முதல்வர் தாத்தா: சின்ன வயசுல என்னை யாராவது அதட்டினா, 'நம்ம குடும்பத்துலயே ரெண்டே ரெண்டு பேர்தான் அறிவாளி. அது யார் யார்னு சொல்லுங்க?'னு கேப்பேனாம். ஏதேதோ பேர் சொல்லுவாங்க. 'இதுகூடத் தெரியலையா... நானும் கலைஞர் தாத்தாவும்தான்'னு சொல்லிட்டு ஓடிடுவேனாம். அதைக் கேட்டுட்டு கலைஞர் தாத்தா வாய்விட்டுச் சிரிப்பாராம். இப்ப சினிமாவுல நடிக்க அனுமதி வாங்க தாத்தாகிட்ட போய் நின்னப்போ, கொஞ்ச நேரம் என்னை உத்துப் பார்த்துட்டு, 'நல்லது. நடி. நல்ல படங்களில் நடி. கதையைப் பார்த்துக்க'ன்னு தோள்ல தட்டிக் கொடுத்துச் சிரிச்சார். தேங்க்ஸ் தாத்தா!

அப்பா - அம்மா: அப்பா தமிழரசு இரண்டு பெரியப்பாக்கள்போல பப்ளிக் லைஃப் அனுபவம் இல்லாதவர். ஆனா, அப்பவே 'கோபுர வாசலிலே' படத்தை தயாரிச்சவர். அப்பதான் சினிமா ஷூட்டிங் எனக்குப் பழக்கமாச்சு. 'நடிக்கணும்'னு என் ஆசையை அம்மாகிட்ட சொன்னேன். அம்மா, அப்பா பக்கம் கை காண்பிச்சாங்க. அவர், 'எதுக்கு சினிமாலாம்? படிக்கலையா?'ன்னு கேட்டார். நாலு நாள் மூஞ்சி தூக்கி வெச்சுட்டு, சரியா சாப்பிடாம, ஷேவ் பண்ணிக்காமத் திரிஞ்சேன். பையனை அப்படிப் பார்க்க முடியாம, அப்பா மனசைக் கரைச்சு 'சரி' சொல்ல வெச்சுட்டாங்க அம்மா. தாத்தாவும் சரி சொல்ல... ஒரு நாயகன் உதயமாகிறான்!

கனிமொழி: பிரியமான அத்தை. எப்பவும் என் படிப்பு பத்தியே விசாரிப்பாங்க!

நெருங்கிய நண்பன்: உதய் அண்ணன் எனக்கு ரொம்ப க்ளோஸ். எல்லாத்தையும் அவர்கிட்ட ஷேர் பண்ணிக்குவேன். துரை அண்ணன் என்னைவிட 10 மாசம்தான் மூத்தவர். அதனால ரெண்டு பேரும் ஃப்ரெண்ட்ஸ் மாதிரிதான் பழகுவோம்!

காதல்: ஒரு காதல் என்னைக் கடந்திருக்கு. ரொம்ப சீரியஸ் லவ். ஆனா, சக்சஸ் ஆகலை. ரெண்டு பேர் மேலயும் தப்பு இல்லை. என் கல்யாணம் நிச்சயம் அண்ணன்கள் வழியில் காதல் திருமணம்தான்.

3 நிதிகள்!

சினிமா: தேவர் மகன், பருத்தி வீரன்.

இஷ்டம்: அழகிரி பெரியப்பா, ஸ்டாலின் பெரியப்பா ரெண்டு பேருமே எனக்கு அவ்வளவு இஷ்டம். 'டேய் சினிமா விளையாட்டு இல்லை. நல்ல படமா பார்த்துப் பண்ணுப்பா'னு வேறே வேறே வார்த்தைகளில் சொல்லிக்கிட்டே இருப்பாங்க!

கஷ்டம்: தூங்கும்போது எழுப்பினால் ரொம்பக் கோபப்படுவேன். எழுந்திருக்கவே கஷ்டமா இருக்கும்!

படங்கள்: கே.கார்த்திகேயன் வி.செந்தில்குமார்
3 நிதிகள்!
3 நிதிகள்!
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism