Published:Updated:

நோட்டீஸ் போர்டு

நோட்டீஸ் போர்டு

நோட்டீஸ் போர்டு

நோட்டீஸ் போர்டு

Published:Updated:
நோட்டீஸ் போர்டு  
படங்கள்: கே.கார்த்திகேயன், என்.விவேக்
நோட்டீஸ் போர்டு

ஒட்டுமொத்த விகடனுக்கும் ஒரே ஷார்ட்கட்!

நோட்டீஸ் போர்டு
 
.
நோட்டீஸ் போர்டு
.

பிள்ளையை அழைத்த அம்மா!

நோட்டீஸ் போர்டு

போயஸ் கார்டனோ, அ.தி.மு.க. தலைமைக் கழகமோ... உள்ளே ஜெயலலிதா இருந்தால் வெளியே பரிதாபமாக நின்றிருப்பார் ராமகிருஷ்ணப் பிள்ளை. 15 வருடங்களாக இதுதான் வழக்கம். கடந்த வாரத்தில் அவருக்கு திடீர் லாட்டரி. போயஸூக்குள் பிள்ளையை அழைத்தார் அம்மா. 'ஏன் நீங்க இங்கேயே இருக்கீங்க... குடும்பம் இல்லையா? போயி அவங்களைக் கவனிக்க

வேண்டியதுதானே' என்று ஜெ. கேட்க, 'கட்சி கட்சின்னு இருந்ததால் வீட்டோட தகராறு' என்றார் சார். சிறுதாவூர் பங்களாவில் 5,000 சம்பளத்துக்கு வேலை போட்டுக் கொடுத்தார். ஆனால், விடவில்லை ராமகிருஷ்ணன். 'மயிலாப்பூர் சீட் கொடுத்தா, நான் நின்னு ஜெயிப்பேன்மா!' என்று இவர் அளித்த பதிலில், தனது பல் வலியை மறந்து (ஜெ-வுக்கு இரண்டு வாரமாகப் பல் வலி!) சிரித்தார். 20 ஆயிரம் ரூபாய் கருணைத் தொகையாக ராமகிருஷ்ணனுக்குத் தரப்பட்டுள்ளது. அம்மா இருக்கும் இடத்தில் கேட்டுக்கு வெளியே இருக்கலாம் என்று பச்சைக் கொடி காட்டப்பட்டுள்ளது!

தாமரையின் சீற்றம்

கொழும்பில் நடக்க இருக்கும் திரைப்பட விழாவில் சினிமா பிரமுகர்களில் யாரெல்லாம் பங்கேற்கப் போகிறார்கள் என்பது தெரிய வில்லை. ஆனால், அனைத்துப் பிரமுகர்களுக் கும் கவிஞர் தாமரை தனிப்பட்ட முறையில் ஒரு கடிதம் அனுப்பியிருக்கிறார். 'முள்ளிவாய்க்கால் படுகொலையைத்தான் நம்மால் தடுக்க முடியவில்லை. கொலைக் களத்தில் கூத்தடிப்பதையா வது தடுக்கலாம்தானே?' என்ற அவரது வார்த்தைகள் படிப்பவர் மனதைக் கரைக்கிறது!

40 ஆண்டு நட்பு!

நோட்டீஸ் போர்டு

ஆர்.எம்.வீரப்பனின் மகனுக்குத் திருமணம்.நடத்திவைக்கிறார் முதல்வர் கருணாநிதி. அழைப்பிதழில் எம்.ஜி.ஆருடன் கருணாநிதி இருக்கும் பழைய படத்தைத் தேடிப் பிடித்து வெளியிட்டிருக்கிறார்கள். இதைப் பார்த்த கருணாநிதி, ''நீங்கதான் எங்க

ரெண்டு பேரையும் சேர்த்துவைக்கிறீர்கள்'' என்று சந்தோஷம் பொங்க ஆர்.எம்.வீ-யிடம் சொன்னாராம்!

ஸ்டார்ட் கேமரா ஆக்ஷன்!

நோட்டீஸ் போர்டு

செம்மொழி மாநாட்டுக்காக கொள்கை விளக்கப் பாடலை முதல்வர் கருணாநிதி எழுத... ரஹ்மான் இசை அமைக்க... கௌதம் மேனன் இயக்க... பிரமாண்டமான விழாவில் வெளியிடப்பட்டது. இந்தக் காட்சிப்படுத்துதல் அனைவருக்கும் பிடித்தமானதாக இருந்தது. புது மாப்பிள்ளை பொண்ணு ஆரம்பித்து... பள்ளியில் சேரும் மாணவன், சாஃப்ட்வேர் நிறுவனத்தில் சேரும் பெண் ஆகியோர் எப்படி எல்லாம் தமிழைப் பயன் படுத்துகிறார்கள் என்று காட்சிப்படுத்திய கௌதம்,இறுதி யில் கருணாநிதியையும் அதில் நடிக்கவைத்திருந்தார். ''10 படங்களை இயக்கிய எனக்கு இது புது அனுபவம். எல்லாப் பாடகர்களையும் இந்தப் பாடலில் நடிக்கவைத்த நான், கடைசியில் முதல்வருக்கும் 'ஸ்டார்ட் கேமரா ஆக்ஷன்' சொன்னேன்'' என்று பெருமைப்பட்டார்!

விருந்துவைக்க எவ்வளவு செலவு?

நோட்டீஸ் போர்டு

சட்டசபை பட்ஜெட் கூட்டத்தொடர் முடியும்போது, எம்.எல்.ஏ-க்களுக்கு முதல்வர் விருந்துவைப்பது ஆண்டுதோறும் நடக்கும் சம்பிரதாயம். இந்த ஆண்டு அது தாஜ் ஹோட்டலில் அரங்கேறியது. கடந்த ஆண்டு நடத்தப்பட்ட ஒரு வேளை விருந்துக்கு 14 லட்சம் ரூபாய் செலவானதாம். அதற்கு முந்தைய வருடம் 12 லட்சம் ரூபாய் காலி. இந்தத் தடவை எவ்வளவு ஆனது என்று கேட்டால், 'இன்னும் பில் வரலங்க!' என்கிறார்கள்!

நாய் படாதபாடு!

ஸ்பார்க் வந்துவிட்டான். காணாமல்போன தன் நாயைத் தேடிக் கண்டுபிடித்துவிட்டார் சின்னி ஜெயந்த்!

நோட்டீஸ் போர்டு

''வோடஃபோன் விளம்பரத்தில் வரும் பக் வகையைச் சேர்ந்தது என் நாய். 'ஸ்பார்க்'னு பேர். ரஜினியின் நண்பர் கொடுத்த பரிசு. நாயின் கூண்டைச் சரியாக மூடாததால் ஞாயிற்றுக்கிழமை வீட்டில் இருந்து ஸ்பார்க் வெளியே ஓடியிருக்கிறான். உடனடியாக போலீஸில் புகார் கொடுத்துவிட்டு, 'நாயைக் காணவில்லை' என போஸ்டர் அடித்து ஒட்டினேன். துண்டுப் பிரசுரங்களையும் மயிலாப்பூர் பகுதியில் விநியோகித்தேன்.

'வாக்கிங் போகும்போது, உங்கள் நாயை மந்தைவெளியில் பார்த்தேன்' என்று ஒருவர் எனக்கு போன் செய்ய, உடனே போலீஸூடன் அந்த வீட்டுக்குப் போனோம். என்னைப் பார்த்ததும் ஒரே ஜம்ப்பில் என் மீது தாவினான் ஸ்பார்க். நாயைத் தூக்கிச் சென்ற அந்தப் பையனை மன்னித்துவிட்டோம்'' என்றவர், 'இவ்வளவும் ஒரு நாய்க்காகவா?' என்று சிலர் நினைக்கலாம். ஆனால், என் வேதனை நாய் வளர்ப்பவர்களுக்கு மட்டுமே புரியும். நாய் படும்பாடு என்பார்களே... நாயைத் தொலைத்துவிட்டு மீட்க அந்தப் பாடுபட்டேன். என் குழந்தை காணாமல் போய்த் திரும்பி வந்த சந்தோஷத்தில் இருக்கிறேன். இனி யாரும் நாயை வளர்க்கிறேன் என்று சொல்லாதீர்கள். நாயுடன் வாழ்கிறேன் என்று சொல்லுங்கள்!'' என்கிறார் சின்னி நெகிழ்ச்சியாக!

இதைப் படிக்காதீங்க!

'எனக்குப் பிடிக்காததைப் பண்ணுனீங்கன்னா... அந்த அம்மாவைப் பார்க்கப் போயிருவேன்!' என்ற அதிரடிக் குரல் கேட்டு அரண்டுபோனாராம் அப்பா!

'உங்களோட வறட்டுக் கௌரவத்தைத் தள்ளிவெச்சுட்டு இறங்கி வந்தாத்தான், இந்த எலெக்ஷன்ல ஜெயிக்க முடியும்' என்று கார்டனுக்குச் சில விரும்பிகள் அட்வைஸ் மழை பொழிந்துள்ளனர்!

நில விவகாரம் ஒன்றில் நடிகை சொன்னதற்காக பெரியவரின் உதவியாளர் போலீஸூக்குக் கடுமையான நெருக்கடி கொடுத்தாராம். விளைவு... பாதிக்கப்பட்டவர் மீதே வேறு வழியில்லாமல் வழக்குப் போட்டுவிட்டு முழிக்கிறது போலீஸ்!

போலி மருந்து விவகாரத்தில் கைதான ஒருவர் பெரிய பதவியில் இருப்பவருடன் நெருங்கிய தொடர்பில் இருந்தாராம். விசாரிக்கும் போலீஸ் பதுங்க ஆரம்பித்திருக்கிறது!

 

 
நோட்டீஸ் போர்டு
நோட்டீஸ் போர்டு
                            
      
தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism