இதைப் படிக்காதீங்க!

01-04-09 ஸ்பெஷல் 2 . இதைப் படிக்காதீங்க! . ரொம்பவே முரண்டு பிடிக்கும் தலைவரின் மகனிடம், 'உங்களுக்கு என்ன குறை வைத்தோம்? ஏன் கூட்டணி மாறுகிறீர்கள்?' என்று அன்புடன் கேட்டாராம் டெல்லி அன்னை!

. சிறுத்தைத் தலைவர் ஆளும் கூட்டணியை விட்டு விலகாமல் இருப்பதற்கு அறிவுஜீவி நண்பர்தான் காரணம் என, அவர் மீது கோபமாக இருக்கிறார்கள் குட்டிச் சிறுத்தைகள்!

. தென்மண்டலத்தாருக்குக் கப்பம் கட்டாத தளபதியைத் தலைவரே போன் போட்டுக் காய்ச்சியெடுத்துவிட்டாராம். 'ஒழுங்கா அவன் சொல்றதைக் கேளு' என்று வந்த கட்டளையில் ஆடிப் போய்க்கிடக்கிறார் சாமி!

. 'செலவழிக்கிற தைரியம் இருக்கிறவங்களுக்கு மட்டும் தொகுதியைக் கொடுங்க. மத்தவங்களுக்குத் தர வேண்டாம்' என்று மாறி மாறி சில மந்திரிகள் தலைவரிடம் கோரிக்கை வைத்ததன் பின்னணி, தங்கள் பாக்கெட் காலியாகிவிடக் கூடாது என்ற பயம்தான்!

. 'மகன், மகள், பேரன் என மூணு கேபினெட் போஸ்ட்டும் குடும்பத்துக்குள்ளேயே முடிஞ்சுபோச்சு. மத்தவங்களெல்லாம் துணை, இணைதானா?'' என்று இப்போதே கிண்டல்கள் பரவிவிட்டது ஆலயத்தில்!

.

இதைப் படிக்காதீங்க!

Vikatan Correspondent