டாக்டர் ஜோதி பார்த்தசாரதி, பிரபல குழந்தை நல மருத்துவர். 'ஒரு மாதக் குழந்தை வளர்ப்புக்கு' என ஆஸ்திரேலியாவில் சிறப்புப் பயிற்சி பெற்றவர். கைக் குழந்தை பராமரிப்புக்கான டிப்ஸ் தருகிறார்.

மூன்று கிலோ எடையுடன் ஆரோக்கியமாகப் பிறக்கும் குழந்தைக்குத் தேவையான போஷாக்கான ஊட்டச் சத்துக்களை வழங்கினால் ஒரு வயதில் அதன் எடை சுமார் 10 கிலோ இருக்க வேண்டும்!

மூளைக் காய்ச்சல், போலியோ, மஞ்சள் காமாலை, நிமோனியா, தட் டம்மை போன்றவற்றுக்கான தடுப்பு ஊசிகளில் சில குழந்தைக்குக் காய்ச்சல் அல்லது வலி உண்டாக்கலாம். அந்தச் சமயங்களில் வேறு ஏதேனும் பக்க விளைவுகள் ஏற்பட்டால், தாமதிக்கா மல் உடனே மருத்துவரை அணுகுங் கள்!

ஆரம்பம் முதலே குழந்தைக்குக் குறிப்பிட்ட மருத்துவரிடமே தொடர்ந்து தடுப்பு ஊசிகளைப் போட்டுக்கொள்ள வேண்டும்.

தடுப்பு ஊசி போடப்படும் காலங் களில் குழந்தைக்கு இருமல், சளி போன் றவை இல்லாமல் பார்த்துகொள்வது அவசியம்.

குழந்தைக்குத் தாய்ப்பால் தரும் தாயும் நலமுடன் இருந்தால்தான் குழந் தையும் நலமுடன் இருக்க முடியும். தாயின் நோய் குழந்தைக்கும் தொற்ற லாம்.

உடல் நலம் சரியில்லாதவர்களைக் குழந் தையிடம் நெருங்கவிடாதீர்கள். அவர்களிடம் இருந்து நோய்த்தொற்று குழந்தைக்கும் பரவும்!

நான்கு மாதத்திலிருந்து குழந்தைக்குத் தாய்ப் பால் தவிர அரிசிக் கஞ்சி, ஜூஸ், நொய்க் கஞ்சி, தண்ணீரில் குழைத்த பிஸ்கட் தரலாம். ஐந்து மாதத்தில் பருப்புச் சாதமும், ஆறு மாதத்தில் கீரைச் சாதமும் தரலாம். ஒரு வயது ஆகும்போது எல்லா உணவுகளையும் குழையப் பிசைந்து ஊட்டலாம்!

நீங்கள் ஏதேனும் வேலையில் ஈடுபட் டிருக்கும்போது குழந்தையை உங்கள் கண் பார்வையிலேயே படுக்க வைத்திருங்கள். உயர மான கட்டில் போன்றவற்றில் படுக்க வைக்காமல், தரையில் படுக்கவைப்பது நல்லது.

ஆரோக்கியமாகவே இருந்தாலும், கச்சித இடைவெளிகளில் குழந்தையை உங்கள் குடும்ப டாக்டரிடம் காண்பிப்பது நல்லது!

தூங்கிக்கொண்டிருக்கும் குழந்தையை 'அடடா, வயித்துக்குத் தர நேரமாச்சே!' என்று மெனக்கெட்டு எழுப்பி, உங்கள் கடமை உணர் வைக் காட்டாதீர்கள். தூங்கும் குழந்தை பசி எடுத்தால் நிச்சயம் விழித்துக்கொண்டு அழும். அப்போது உங்கள் தாய்மையின் சங்கீதம் ஒலிக்கட்டும்!