ஐ... லேடீஸ் லேடீஸ்!

சார்லஸ் . ஐ... லேடீஸ் லேடீஸ்! . அட.. சொல்லிவைத்தது போல விளையாட்டில் சாதிக்கும் அத்தனை பெண்களும் இத்தனை அழகாகவா இருப்பார்கள்! ஸ்போர்ட்ஸ் சேனல்களில் பெண்கள் விளையாடும் போட்டிகளுக்குத்தான் டி.ஆர்.பி. எகிறுகிறதாம். விளையாட்டு முடிந்ததும் வியர்வையைக்கூட துடைக்காமல் செக்ஸி போட்டோ சூட்டுக்கு கிளம்பிவிடுவது இந்த ரியல் ஹீரோயின்களின் ஸ்பெஷல்... தற்போது உலக மைதானத்தைக் கலக்கிக் கொண்டு இருக்கும் டாப் 10 அழகிகள் இங்கே...

ஸ்டெஃபானி ரைஸ்!

.

நீச்சல் சாம்பியன் மைக்கேல் ஃபெல்ப்ஸின் பெண் க்ளோன் என்கிறார்கள் ஸ்டெஃபானியை. கடந்த ஆண்டு பீஜிங் ஒலிம்பிக் போட்டியில் மூன்று தங்கப்பதக் கங்களை வென்ற ஸ்டெஃபானி, சிறு வயதில் வைரஸ் காய்ச்சலால் அவதிப்பட்டுக் குணம் அடைந்தவர். நீச்சல் போட்டியோ, விளம்பரங் களோ ஸ்விம் சூட்டுடனே அலை கிறார் நீச்சல் ஏஞ்சல்!

லாரன் ஜாக்சன்!

. ஆஸ்திரேலிய கூடைப்பந்தாட்ட வீராங்கனை. தொடர்ந்து மூன்று ஒலிம்பிக்கில் ஆஸ்திரேலிய அணி வெள்ளிப் பதக்கம் வெல்லக் காரணமாக இருந்தவர் லாரன். 6 அடி 4 அங்குல உயரம், 85 கிலோ எடையில் இவர் கொடுத்த நிர்வாண போஸ் அதி அசத்தல்!

அனா இவானோவிக்!

. 22 வயதிலேயே அனா இவானோவிக் டென்னிஸில் ஹாட்...ஹாட்டர்...ஹாட்டஸ்ட் ஆகிவிட்டார். குழந்தைச் சிரிப்பும் சிறுத்தைச் சீற்றமுமாக அனா ஃப்ரெஞ்ச் ஓப்பன் பட்டம் வென்றதில்இருந்தே மாடலிங் நிறுவனங்கள் மரியா ஷரபோவாவை மறந்துவிட்டு இவர் பின் க்யூ கட்டத் தொடங்கிவிட்டன. தற்போது 11-வது ரேங்கில் இருக்கும் அனா டென்னிஸ், மாடலிங் தவிர, கிடைக்கும் நேரத்தில் ஸ்பெயின் யுனிவர்சிட்டியில் ஃபைனான்ஸ் படித்து வருகிறார்!

ஜென்னி ஃபின்ச்!

. 'சாஃப்ட்பால் பிளேயர்' என்பதைக் காட்டிலும் 'உலகின் செக்ஸியான பிளேயர்' என்ற பட்டம்தான் ஜென்னி ஃபின்ச்சின் அடையாளம். ஒலிம்பிக்கில் தங்க, வெள்ளிப் பதக்கங்கள் வென்றிருக்கும் ஜென்னி, மூன்று வயதுக் குழந்தைக்குத் தாயாக இருந்தாலும் செக்ஸி ராணியாக வலம் வருவதுதான் ஐஸ்க்ரீம் ஆச்சர்யம்!

அலெக்ஸாண்ட்ரா ஆர்லேண்டோ!

. உலகின் கவர்ச்சிகரமான விளையாட்டான ஜிம்னாஸ்டிக்கின் செக்ஸி இளவரசி, அலெக்ஸாண்ட்ரா ஆர்லேண்டோ. ஒரே காமென்வெல்த் போட்டியில் ஆறு தங்கப்பதக்கங்களை வென்ற அலெக்ஸாண்ட்ராவுக்கு செக்ஸி பிளேயர்கள் மத்தியில் எப்போதும் முதல் வரிசை மரியாதைதான்!

விக்டோரியா பென்டல்டன்!

. இங்கிலாந்தின் விக்டோரியா பென்டல்டன் தொடர்ந்து மூன்று ஆண்டுகளாக சைக்கிள் ரேஸ் சாம்பியன் பட்டத்தைத் தன்வசமே வைத்திருக்கிறார். அதைத் தாண்டி விசேஷமானது, நிர்வாணமாக சைக்கிள் ஓட்டி இவர் ஏற்படுத்திய பரபரப்பு!

டேனிகா பேட்ரிக்!

. ஆண்களின் பேட்டையான கார் ரேஸில் த்ரில்லும் ஜில்லுமாகக் கலக்கிக்கொண்டு இருக்கும் டேனிகா பேட்ரிக் ஒரு புரொஃபஷனல் மாடலும் கூட. ரேஸ் ஓட்டும் நேரம் தவிர, பத்திரிகைகளுக்கு அரை நிர்வாண போஸ் கொடுத்துக்கொண்டு இருக்கும் இவருக்கு அணியில் ஓர் இடம் ரிசர்வ் செய்து காத்திருக்கிறது அமெரிக்க ஃபார்முலா-1 டீம்!

ஹோப் சோலோ!

. அமெரிக்கக் கால்பந்தாட்ட நாயகி. அமெரிக்க அணியின் 'கோல் கீ'யான ஹோப் பெய்ஜிங் ஒலிம்பிக்கில் பிரேசில் அணியினரின் கோல் முயற்சிகள் அத்தனையையும் தடுத்து, அணி தங்கப் பதக்கம் வெல்லக் காரணமாக இருந்தவர். ஆனால், ஆடை விஷயத்தில் அந்தக் கெடுபிடி கிடையாது!

சாரா டெய்லர்!

. இங்கிலாந்து பெண்கள் கிரிக்கெட் அணியின் விக்கெட் கீப்பர் கம் பேட்ஸ்மேனான சாரா டெய்லர், கிட்டத்தட்ட லேடி டோனி. இவரது வெற்றி ராசி மற்றும் திறமை போக கவர்ச்சிக்கான ரசிகர்களும் அதிகம். 2008-ம் ஆண்டு பெண்கள் ஆஷஸ் கிரிக்கெட் போட்டியில் ஆஸ்திரேலியாவைத் தோற்கடிக்க முக்கியக் காரணமாக இருந்தவர் சாரா!

லோரினா!

. நம்பர் 1 கோல்ஃப் பிளேயரான லோரினா தனது ஏழு வயதிலேயே மெக்ஸிகோவின் ஜூனியர் கோல்ஃப் பிரிவில் நேஷனல் சாம்பியன்ஷிப் பட்டம் வென்றவர். இவரது அழகையே பிசினஸ் பண்ண பலர் அலைந்தாலும், இவரே பல பிசினஸ்களை ஆரம்பித்து மெக்ஸிகோவைக் கலக்கி வருகிறார்.

.

ஐ... லேடீஸ் லேடீஸ்!

Vikatan Correspondent