Published:Updated:

புது நாயகன் உதயமாகிறான்! - அடுத்த ஃபேமிலி அதிரடி!

புது நாயகன் உதயமாகிறான்! - அடுத்த ஃபேமிலி அதிரடி!

புது நாயகன் உதயமாகிறான்! - அடுத்த ஃபேமிலி அதிரடி!
ம.கா.செந்தில்குமார், படங்கள்:சுந்தர்
புது நாயகன் உதயமாகிறான்! - அடுத்த ஃபேமிலி அதிரடி!

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
புது நாயகன் உதயமாகிறான்! - அடுத்த ஃபேமிலி அதிரடி!
புது நாயகன் உதயமாகிறான்!
அடுத்த ஃபேமிலி அதிரடி!
புது நாயகன் உதயமாகிறான்! - அடுத்த ஃபேமிலி அதிரடி!
புது நாயகன் உதயமாகிறான்! - அடுத்த ஃபேமிலி அதிரடி!

திகார அலட்டல், அதட்டல்கள் எதுவும் இல்லாமல் அமைதியாக இருக்கும் ஆழ்வார்பேட்டை இல்லம். வாசலுக்கு வந்து வரவேற்கும் நொடியிலேயே அத்தனை இயல்பாக ஈர்க்கிறார் உதயநிதி ஸ்டாலின். தமிழகத் துணை முதல்வரான தளபதி வீட்டின் தளபதி!

'' சார், 'குருவி' டைம்ல விஜய் ஃபேன், 'பில்லா' வந்தப்ப அஜீத், இப்ப இன்பா 'ஆதவன்' சூர்யா வோட ஃபேன்!'' என்று செல்ல மகனை மடியில் இருத்தி விளையாட்டு காட்டியபடியே கேள்வி களை எதிர்கொள்கிறார் உதயநிதி.

''நீங்களும் இனி ஹீரோவாமே... மிரட்டுறீங்களே?''

''ஆஹா, கொஞ்சம் சாஃப்ட்டா ஆரம்பிப்பீங்கன்னு நினைச்சேன். எடுத்ததுமே மூச்சுத் திணறவைக்கிறீங்களே நண்பா. எனக்கே எனக்குன்னு ஒரு கதை பண்ணியிருக்கேன்னு தரணி சொல்லிட்டே இருக்காரு. ஆனா, இதுவரை நான் அதைக் கேட்கலை. உடனே, 'உதயநிதி ஹீரோ ஆகிறார்'னு எழுதிட்டாங்க. அதைப் பார்த்துட்டு எல்லாரும் திட்டுவாங்கன்னு நினைச்சா, ஆச்சர் யமா 'எங்க படத்துல நடிக்கிறீங்களா'ன்னு நிறையப் பேரு கேட்டாங்க. வெங்கட் பிரபுகூட பேசினார். கொஞ்ச நாள்ல எனக்கே நடிக்கலாம்னு தோணுச்சு. சசிகுமார்கிட்டே பேசினேன். கை யில் இருக்கும் படங்களை முடிச்சுட்டு வர்றேன்னு சொன்னார். மிஷ்கினும் கமல் சார் படத்துக்குப் பிறகு எனக்கு ஒரு கதை பண்றேன்னு சொல்லி இருக்கார். அவங்களுக்காக நான் காத்துட்டு இருந் தப்ப, ரவிக்குமார் சார் என்னை 'ஆதவன்'லயே அமுக்கிட்டார்!''

''அட்றா சக்கை... அப்ப 'ஆதவன்' டபுள் ஹீரோ சப்ஜெக்டா?''

''இந்தக் கிண்டல்தானே வேணாங்குறது. சூர்யாதான் ஹீரோ. 'நம்ம படத்துலயே அறிமுகமாகிடேன்'னு ரவிக்குமார் சார் பிடிவாதமாஇருந் ததால், 'நீங்க எப்படியும் உங்க படங்களில் ஜாலியா ஒரு ஸீன் எட்டிப் பார்ப்பீங்களே, அதில் உங்க பின்னாடியே ஒளிஞ்சு வந்துட்டுப் போயி டுறேன் சார்'னு சொல்லிவெச்சேன். திடீர்னு ஒருநாள் எனக்கு ஷாட் வெச்சுட்டார். சரோஜா தேவியம்மா, சூர்யா, வடிவேலு, நயன்தாரானு எல்லார் முன்னாடியும் நடிக்கணும். படபடப்பா இருந்தது. ஷாட் ஓ.கே. ஆனதும், 'ஹே சூப்பர்யா... இன்னொரு ஹீரோ உருவாகிட்டான்'னு கலாட்டா பண்ணிட்டார் ரவிக்குமார்!''

புது நாயகன் உதயமாகிறான்! - அடுத்த ஃபேமிலி அதிரடி!

''படத்துல பத்து வயசுப் பையனா நடிச்சிருக்காராமே சூர்யா!?''

''அது ஒரு ஃப்ளாஷ்பேக் ஸீன். 'அந்தப் பத்து நிமிஷம் மட்டும் கொஞ்சம் டல்லா இருக்கும்ல'ன்னார் சூர்யா. உடனே டைரக்டர், 'அப்ப அந்த ஃபிளாஷ்பேக் பத்து வயசுப் பையனாகவும் நீயே நடிச்சிடேன்'னார். சூர்யா முதல்ல பதறிமறுத்துட் டார். நாங்களும் அந்த விஷயத்தை மறந்துட்டோம். ஆனா, டைரக்டர் விடாம விஷயம் திரட்டி அந்தக் காட்சிகள் சாத்தியம்னு கண்டுபிடிச்சார். ஆனா, ஷூட்டிங் பெண்ட் நிமிர்த்திருச்சு. படத்துல நிச்சயம் அந்த விஷயம் பெரிய ஹைலைட்!''

''அடுத்து சூர்யா-ஏ.ஆர்.முருகதாஸ் கூட்டணியை அமைச்சுட்டீங்க?''

''ஆமாம். கதை, தலைப்புன்னு எதுவும் முடிவாகலை. ஹாரிஸ் மியூஸிக். பிப்ரவரியில் ஷூட்டிங். அவ்வளவுதான் இப்போதைக்கு எனக்கே தெரியும். தமிழ், தெலுங்கு, மலையாளத்தில் ஒரே நேரத்தில் ரிலீஸ் பண்ணலாம்னு பிளான்.

புது நாயகன் உதயமாகிறான்! - அடுத்த ஃபேமிலி அதிரடி!

ராம்கோபால் வர்மா டைரக்ஷன்ல சூர்யா ஹிந்திக்குப் போறதால் அந்த ரிசல்ட் பார்த்துட்டு, ஹிந்தியிலும் படம் பேசலாம்!''

''கலாநிதி, உதயநிதி, துரை தயாநிதின்னு எல்லாரும் சினிமாவைக் கெட்டியாப் பிடிச்சுக்கிட்டீங்களே?''

''சின்ன வயசுல இருந்தே எங்களுக்கு எல்லாமே சினிமாதான். தாத்தா இன்னமும் கதை வசனம் எழுதிட்டு இருக்கார். அப்பா படம் தயாரிச்சு, சீரியல்லாம் நடிச்சிருக்காங்க. துரை தயாநிதி என் னைவிட பத்து வயசுச் சின்னப் பையனா இருந் தாலும், அதிகமா சினிமாபத்திப் பேசுவார். அதே மாதிரி கலாநிதி அண்ணனைப் பார்க்கும்போதும் சினிமாபத்திதான் பேசிட்டே இருப்பேன். 'அடுத்து என்ன படம் பண்ணப் போற? ஹீரோஸ் எவ்வளவு சம்பளம் வாங்குறாங்க?'ன்னு ஆரம்பிச்சு, நிறையப் பேசுவோம். காலேஜ் முடிச்சு வெளியே வந்தப்போ, கலாநிதி அண்ணனைத்தான் என் ரோல்மாடலா நினைச்சுட்டு வந்தேன். அவர் எனக்கு நிறைய ஹெல்ப் பண்ணியிருக்கார்... பண்ணுவார்!''

''உங்க மனைவி கிருத்திகாவும் சினிமாவுக்கு வந்துட்டாங்க போல?''

''ரவிக்குமார் சார்கிட்ட கிருத்திகா மூணு கதை கள் கொடுத்தாங்க. அவர் 'சூப்பரா இருக்கு'ன்னு சொல்லி உற்சாகப்படுத்திட்டார். அப்படியே வானத்தில் மிதந்துட்டு இருக்காங்க கிருத்திகா. அதுக்கு நடுவில் எய்ட்ஸ் விழிப்பு உணர்வுப் பிரசாரத்துக்காக

புது நாயகன் உதயமாகிறான்! - அடுத்த ஃபேமிலி அதிரடி!

மூணு குறும்படங்கள் பண்ணி இருக்காங்க. 'நீங்க ஹீரோன்னா... நான்தான் அந்தப் படத்துக்கு டைரக்டர்'னு இப்பவே மிரட்டிட்டு இருக்காங்க!''

''படத் தயாரிப்பு வேலைகளில் தாத்தா, அப்பா எதுவும் தலையிடுவாங்களா?''

'' 'பொலிடிக்கலா எடுத்துடாதீங்க... ரொம்ப வயலென்ஸ் வேண்டாம்'னு மட்டும் அப்பா சொல்வார். பட பூஜை, கேசட் ரிலீஸ் விழாக்களுக்குக்கூட வர மாட்டார். ரவிக்குமார் சார் அப்பாவுக்கே நல்ல க்ளோஸ். 'நீங்க வந்தே ஆகணும்'னு 'ஆதவன்' பூஜைக்கு அப்பாவைக் கூப்பிட்டார். 'நான் வந்தா படத்துக்குத் தேவை இல்லாம பொலிடிக்கல் கலர் வந்துடும். நீங்களே பார்த்துக்கங்க'ன்னு சொல்லிட்டார்.

முதல் படம் எடுத்தப்போ தாத்தா, 'என்னடா டைட்டில்?'னு கேட்டாரு.'குருவி'ன் னேன். 'என்னடா அது குருவி? ஹீரோயின் சப்ஜெக்ட்டா?'ன்னு கேட்டாரு. 'விஜய் ஹீரோ'ன்னேன். 'ஏன்டா, பெரிய ஹீரோவை வெச்சுக்கிட்டு 'குருவி'ன்னு பேர் வெச்சிருக்கியேடா?'ன்னார். இந்தப் படம் ஆரம்பிக்கும்போது, 'டைட்டில் 'ஆதவன்' தாத்தா'ன் னேன். 'நல்லா இருக்குடா'ன்னு சந்தோஷப்பட்டார். எப்பவாவது திடீர்னு 'முரசொலியில் இன்னிக்கு என்ன வந்துச்சு?'ன்னு கேட்ருவாரோன்னு பயந்து தாத்தாவோட கடிதம், கட்டுரைன்னு முரசொலியை முழுக்கப் படிச் சிடுவேன். தலைவர், 'முரசொலி' மாறன், அப்பா, கலாநிதி மாறன், தயாநிதி மாறன்

புது நாயகன் உதயமாகிறான்! - அடுத்த ஃபேமிலி அதிரடி!

உட்கார்ந்திருந்த ஸீட்டுல மூணு வருஷமா முரசொலி நிர்வாகியா உட்கார்ந்து இருக்கேன்னு நினைக்கும்போதே மனசுல தெம்பும் பொறுப்பும் அதிகரிக்குது!''

''நீங்க சினிமாவுக்கு வர்றீங்க... உங்க ஃப்ரெண்ட் விஜய் கட்சி ஆரம்பிச்சுடுவார் போலிருக்கே?''

''ஆமாங்க. அவருக்கு பாலிடிக்ஸ்னா அவ்வளவு இஷ்டம். காங்கிரஸ்ல அவர் சேரப் போறதா பரபரப்புகள் இருந்த சமயம், நான் தென்னாப்பிரிக் காவில் இருந்தேன். அவர் பிறந்த நாள் அன்னிக்குத் தான் திரும்பி வந்தேன். அன்னிக்கு பிரஸ் மீட்ல சார் பிஸி.

போன்ல வாழ்த்து சொல்லிட்டு, 'அண்ணா, பார்ட்டிலாம் இல்லையாங்ணா?'ன்னு கேட்டேன். 'வைப்போம்ண்ணா'ன்னார். 'ஆமாம்... இப்ப நீங்க வேற பார்ட்டியில இன்ட்ரெஸ்ட் ஆயிட்டீங்க போல இருக்கே'ன்னதும், 'கிண்டல் பண்ணாதீங்ணா'ன்னு ஜாலியாப் பேசிட்டு இருந்தார். அவரோட 51-வது படத்தை எனக்கு பண்ணித் தர்றேன்னு சொல்லியிருக்கார். பார்ப்போம்!''

 
புது நாயகன் உதயமாகிறான்! - அடுத்த ஃபேமிலி அதிரடி!
புது நாயகன் உதயமாகிறான்! - அடுத்த ஃபேமிலி அதிரடி!