Published:Updated:

ஆர்வம் காட்டிய செந்தில், ஆச்சர்யப்பட்ட ஹர்பஜன்!

bs value
பிரீமியம் ஸ்டோரி
bs value

இதே சீரிஸில் ஹீரோயினாக நடித்திருக்கும் நந்தினி, “இந்த சீரிஸில் நான் நடிச்சிருந்த செல்வி கேரக்டரும் ‘ஆயிரம் ஜன்னல் வீடு’ சீரிஸில் நடிச்சிருந்த தேனு கேடக்டரும் எல்லாருக்கும் ரொம்பப் பிடிச்சிருந்ததுன்னு சொன்னாங்க.

ஆர்வம் காட்டிய செந்தில், ஆச்சர்யப்பட்ட ஹர்பஜன்!

இதே சீரிஸில் ஹீரோயினாக நடித்திருக்கும் நந்தினி, “இந்த சீரிஸில் நான் நடிச்சிருந்த செல்வி கேரக்டரும் ‘ஆயிரம் ஜன்னல் வீடு’ சீரிஸில் நடிச்சிருந்த தேனு கேடக்டரும் எல்லாருக்கும் ரொம்பப் பிடிச்சிருந்ததுன்னு சொன்னாங்க.

Published:Updated:
bs value
பிரீமியம் ஸ்டோரி
bs value

`விண்ணுக்கும் மண்ணுக்கும்’ என்ற நிகழ்ச்சியில் bs value ஓடிடி ஆப்பை லான்ச் செய்த பிளாக் ஷீப் குழுவினர்கள், அந்த ஆப்பில் அவர்கள் எடுத்திருந்த ஐந்து வெப் சீரிஸையும் ரிலீஸ் செய்திருந்தார்கள். ஹர்பஜன் சிங் முக்கிய கதாபாத்திரத்தில் நடித்திருந்த, ‘திருவள்ளுவர் கன்சல்டன்ஸி சர்வீஸஸ்’, நடிகர் செந்தில் முக்கியமான வேடத்தில் நடித்திருந்த ‘ஆயிரம் ஜன்னல் வீடு’, பிளாக் ஷீப் குழுவினர்கள் நடித்திருந்த ’கல்லூரி சாலை’, ’படிக்காதவன்’, ’யாவரும் நலம்’ என இவர்கள் ரிலீஸ் செய்திருக்கும் இந்த ஐந்து வெப் சீரிஸுக்கும் நல்ல வரவேற்பு கிடைத்திருக்கிறது. இந்த ஐந்து வெப் சீரிஸில் முக்கிய கதாபாத்திரங்களில் நடித்திருந்த ‘சுட்டி’ அரவிந்த், ஆர்.ஜே.விக்னேஷ்காந்த், சித்து, அயாஸ், செரிப், நரேந்திர பிரசாத், நந்தினி, தேஜா, விவேக், அருண், பிரகாஷ், வினோத் ஆகியோரைச் சந்தித்துப் பேசினோம்.

’படிக்காதவன்’ வெப் சீரிஸில் ஹீரோவாக நடித்திருக்கும் ‘ஃபன் பண்றோம்’ சித்து பேசும் போது, “எங்களோட இந்த ஐந்து வெப் சீரிஸும் ஒவ்வொரு ஜானரோட ஆடியன்ஸை டார்கெட் பண்ணி எடுத்ததுதான். ‘ஆயிரம் ஜன்னல் வீடு’ முழுக்கவே பேமிலி ஆடியன்ஸையும், ‘கல்லூரி சாலை’ சீரிஸ் கல்லூரி மாணவர்களையும், ‘திருவள்ளுவர் கன்சல்டன்ஸி சர்வீஸஸ்’ அரசியல் நய்யாண்டியை ரசிக்கிறவங்களையும், அமேசான், நெட்ப்ளிக்ஸ்ல சீரிஸா பார்த்துப் பழகப்பட்ட வங்களுக்காக ‘யாவரும் நலம்’ சீரிஸையும், அரியர் வெச்சவங்களுக்காக ‘படிக்காதவன்’ சீரிஸையும் எடுத்தோம். நாங்க யாரை டார்கெட் பண்ணி எடுத்தோமோ, அவங்களுக்கு அந்த சீரிஸ் ரொம்பப் பிடிச்சிருந்ததுன்னு சொன்னாங்க. அதுதான் அந்தந்த சீரிஸோட முதல் வெற்றி. அதுமட்டு மல்லாமல், இந்த சீரிஸில் ‘டெம்பிள் மங்கி’ சேனலின் மூலம் பேமஸாகி இப்போ சினிமாவில் கலக்கிட்டு இருக்குற ஷா ரா அண்ணணும் நடிச்சிருக்கார். அவர் சீனியராக இருந்தாலும் தயக்கமில்லாம நடிச்சார்” என்றார்.

’யாவரும் நலம்’ சீரிஸில் ஹீரோவாக நடித்திருக்கும் அயாஸ், “ஐந்து சீரிஸில் ‘யாவரும் நலம்’ சீரிஸ் மட்டும்தான் அதிக நேரம் ஓடக்கூடியது. அதனாலேயே ஆடியன்ஸ் கிட்டயிருந்து எந்த மாதிரி ரெஸ்பான்ஸ் வரும்னு முதலில் குழப்பமா இருந்துச்சு. ஆனால், டெக்னிக்கலா ரொம்பவே ஸ்ட்ராங்கா இருந்ததனால, ஆடியன்ஸ் ரொம்பவே ரசிச்சுப் பார்த்ததா சொன்னாங்க” என்றார் உற்சாகமாக. இந்த சீரிஸில் இன்னொரு கதாநாயகனாகவும் ‘கல்லூரி சாலை’ சீரிஸின் ஹீரோவாகவும் நடித்திருந்த நரேந்திர பிரசாத் “ ‘யாவரும் நலம்’ சீரிஸில் எனக்கு அம்மாவாக ‘பண்ணையாரும் பத்மினியும்’ படத்தில் நடிச்சிருந்த துளசி மேடம் நடிச்சிருக்காங்க. சினிமாவில் நடிச்சிட்டு இருக்கிற சீனியர் நடிகைகூட சேர்ந்து நடிக்கும் போது நிறைய விஷயங்களைக் கத்துக்கலாம். அப்படி நானும் துளசி மேடம்கிட்ட இருந்து நிறைய கத்துக்கிட்டேன். ’சில மாதங்களாக காலேஜுக்குப் போக முடியாமல் வருத்தமாக இருந்த எங்களுக்கு, மறுபடியும் காலேஜ் போன ஒரு உணர்வை `கல்லூரி சாலை’ சீரிஸ் கொடுத்திருக்கு’ன்னு நிறைய பேர் எனக்கு மெசேஜ் பண்ணினாங்க” என நரேந்திர பிரசாத் சொல்லும்போதே, ‘நம்ம கெமிஸ்ட்ரி நல்லா இருந்துச்சுன்னு மெசேஜ் வந்துச்சே அதையும் சொல்லுடா’ என இடைமறித்த ‘கல்லூரி சாலை’ சீரிஸின் ஹீரோயின் தேஜா, “எனக்கும் நிறைய பேர், ’எங்க காலேஜ் நாள்களை நினைவுபடுத்துற மாதிரி இந்த சீரிஸ் இருக்கு’ன்னு மெசேஜ் பண்ணினாங்க. இப்படி தினமும் பல மெசேஜ் சோஷியல் மீடியாவில் வந்துட்டே இருக்கு” என்றார்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஹர்பஜன் சிங்குடன் ‘திருவள்ளுவர் கன்சல்டன்ஸி சர்வீஸஸ்’ சீரிஸில் நடித்திருந்த ‘சுட்டி’ அரவிந்த், “நாங்க என்ன எதிர்பார்த்திட்டுப் போனோமோ, அதைவிட ஹர்பஜன் ரொம்ப சூப்பரா நடிச்சுக்கொடுத்தார். திருவள்ளுவரா நடிச்சிருக்கிறதால, முதலில் திருவள்ளுவரைப் பற்றியும் திருக்குறளைப் பற்றியும் கேட்டுத் தெரிஞ்சுக்கிட்டார். நாங்க ஒரு குறளையும் அதோட பொருளையும் சொன்னதும், ‘ஏழு வார்த்தைக்குள்ள இவ்வளவு அர்த்தம் இருக்கா’ன்னு ஆச்சர்யப்பட்டு, ‘வேற ஒரு குறள் சொல்லுங்க’ன்னு கேட்டு, கேட்டு அர்த்தம் தெரிஞ்சுக்கிட்டார்” என்றார்.

ஆர்வம் காட்டிய செந்தில், ஆச்சர்யப்பட்ட ஹர்பஜன்!

இதே சீரிஸில் ஹீரோயினாக நடித்திருக்கும் நந்தினி, “இந்த சீரிஸில் நான் நடிச்சிருந்த செல்வி கேரக்டரும் ‘ஆயிரம் ஜன்னல் வீடு’ சீரிஸில் நடிச்சிருந்த தேனு கேடக்டரும் எல்லாருக்கும் ரொம்பப் பிடிச்சிருந்ததுன்னு சொன்னாங்க. ’செல்வி கேரக்டருக்கு இருக்கிற பிரச்னை எங்களுக்கும் இருக்கு; எங்க வீட்டுப் பொண்ணு மாதிரி இந்த கேரக்டர் இருக்கு’ன்னு சொன்னாங்க” என்றார்.

’ஆயிரம் ஜன்னல் வீடு’ சீரிஸில் முக்கிய கதாபாத்திரத்தில் நடித்திருக்கும் ஆர்ஜே விக்னேஷ்காந்த், “தமிழ் சினிமாவின் காமெடி ஜாம்பவான் செந்தில் சாரோடு நடிச்சது மறக்கமுடியாத அனுபவம். செட்ல ரொம்பவே ஜாலியா இருப்பார். எல்லாரும் சின்னப் பசங்களா இருக்கோம்; அவர்கிட்ட எப்படி சகஜமா பேசுறதுன்னு நாங்க முதலில் தயங்கினாலும், அதை அவர் புரிஞ்சுக்கிட்டு ரொம்ப அழகா ஒத்துழைச்சார். ஒரு விஷயத்தில் கமிட்டாகிட்டால், அதில் நம்ம ஈடுபாடு எந்த அளவுக்கு இருக்கணும்னு செந்தில் சாரைப் பார்த்து நாங்க கத்துக்கிட்டோம்.” என்றவரைத் தொடர்ந்த இந்த சீரிஸின் ஹீரோவான செரிப், “ இந்த சீரிஸில் கமிட்டானதில் இருந்து செந்தில் சார், அவரோட காஸ்ட்யூம், ஹேர் ஸ்டைல்னு தனக்காக ஒவ்வொரு விஷயமும் எப்படி இருக்கணும்னு அவரே பார்த்து பார்த்து இயக்குநர்கிட்ட சொல்லிட்டே இருந்தார். அதெல்லாம் எங்களை மாதிரி வளர்ந்துவர நடிகர்களுக்கு ரொம்பவே உதவியா இருந்துச்சு. நான் இதுக்கு முன்னாடி சில வீடியோக்களில் நடிச்சிருந்தாலும், இந்த சீரிஸுக்குத்தான் முதல்முறையா ‘நல்லா நடிச்சிருக்க’ன்னு கமென்ட் வந்திருக்கு. அது ரொம்பவே சந்தோஷமா இருக்கு” என்றார்.

மொத்த டீமும் ஹேப்பி அண்ணாச்சி!