வெளியிடப்பட்ட நேரம்: 03:00 (16/08/2018)

கடைசி தொடர்பு:08:46 (16/08/2018)

 `ஆடை’ படத்தில் நடிக்கும் அமலா பால்... பின்னணி என்ன? 

கோலிவுட்டின் `மேயாத மான்’ படத்தின்மூலம் அனைவரின் கவனத்தை ஈர்த்தவர் இயக்குநர் ரத்னகுமார். அவரது இயக்கத்தில் உருவாகும் `ஆடை’ படத்தில் நடிக்கிறார் அமலா பால். `திருட்டுப்பயலே 2’, `பாஸ்கர் ஒரு ராஸ்கல்’ படங்களுக்குப் பிறகு, அமலா பால் நடித்துவரும் படம், `அதோ அந்தப் பறவை’. இந்தப் படத்தின் படப்பிடிப்பின்போது ஏற்பட்ட சிறு விபத்தின் காரணமாக, கேரளாவில் தங்கி சிகிச்சை எடுத்து வருகிறார். இந்நிலையில், அவர் நடிக்க உள்ள அடுத்த படத்தின் அறிவிப்பு வெளியாகியுள்ளது. 

அமலாபால்

உணர்ச்சிகரமான கதைக்களத்தைக் கொண்ட `ஆடை’ படத்தில் நடிக்கக் கிடைத்த வாய்ப்பை நழுவவிடக் கூடாது என்பதால், பிற படங்களைத் தவிர்த்துவிட்டாராம் அமலா பால். தமிழ் சினிமாவில், `கதாநாயகிகளுக்கு முக்கியத்துவம் உள்ள படங்கள் அபூர்வமாகவே அமையும். அந்த வரிசையில் இந்தப் படம் இருக்கும்’ என்கிறது கோலிவுட் வட்டாரம்.

பெண்களை மையமாகவைத்து எடுக்கப்படும் பெரும்பாலான படங்கள் சூப்பர் நேச்சுரல், ஹாரர் வகையில்தான் இருக்கும். ஆனால், இது எந்த வகையிலும் சேராத படமாம் `ஆடை’. ரசிகர்களின் கணிப்பை முறியடிக்கும் வகையில், எளிதில் யாரும் ஊகிக்க முடியாத வகையில் திரைக்கதை அமைக்கப்பட்டிருக்கிறதாம். இந்தப் படத்தின் பிற பாத்திரங்களுக்கான தேர்வு நடைபெற்றுவருகிறது. விரைவில் படம் குறித்த முழுமையான தகவல்கள் வெளியாகும் என எதிர்பார்க்கப்படுகிறது.