மிமிக்ரி கலைஞருடன் பாடகி வைக்கம் விஜயலட்சுமிக்கு நிச்சயதார்த்தம்!

பாடகி வைக்கம் விஜயலட்சுமிக்கு மிமிக்ரி கலைஞருடன் திருமண நிச்சயதார்த்தம் நடைபெற்றுள்ளது. 

வைக்கம் விஜயலட்சுமி

பிரபல பாடகி வைக்கம் விஜயலட்சுமி. கேரளாவைச் சேர்ந்த இவர் பார்வையற்றவர். தமிழ் மற்றும் மலையாளத்தில் இவர் பல்வேறு பாடல்களைப் பாடியுள்ளார். பார்வைத் திறன் குறைவாக உள்ளவர் என்றாலும், தனது குரல்வளம், திறமையின் மூலம் புகழ்பெற்றவர். `சொப்பன சுந்தரி', `என்னமோ ஏதோ' உள்ளிட்ட ஹிட் பாடல்களைப் பாடியுள்ளார். இவரின் வாழ்க்கை திரைப்படமாக தயாராகவுள்ளது.

இதில், சமீபத்தில் மீன் விற்றதன் மூலம் ட்ரெண்டான மாணவி ஹனான் நடிக்கவுள்ளார். இதற்கான வேலைகள் நடந்து வருகிறது. இதற்கிடையே, வைக்கம் விஜயலட்சுமிக்கு திருமண நிச்சயதார்த்தம் நடைபெற்றுள்ளது. விஜயலட்சுமிக்கும், மிமிக்ரி கலைஞருமான அனூப் என்பவருக்கும் நேற்று எளிமையாக அவரது வீட்டில் நிச்சயதார்த்தம் நடைபெற்றது. இதில் நெருங்கிய உறவினர்கள் மட்டுமே கலந்துகொண்டனர்.

வைக்கம் விஜயலட்சுமி

அடுத்த மாதம் 22-ம் தேதி சொந்த ஊரான வைக்கமில் உள்ள மகாதேவ் கோயிலில் திருமணம் நடைபெறவுள்ளது. முன்னதாக விஜயலட்சுமிக்கு சந்தோஷ் என்பவருடன் கடந்த வருடம் நிச்சயதார்த்தம் நடைபெற்றது. ஆனால், கருத்து வேறுபாடு காரணமாக நிச்சயதார்த்தத்துடன் நின்றுவிட்டது. 

Do you like the story?

Please Appreciate the Author by clapping!