Published:Updated:

வாழ்க வளமுடன்!

ந.வினோத்குமார்படங்கள் : சொ.பாலசுப்பிரமணியன்

வாழ்க வளமுடன்!

ந.வினோத்குமார்படங்கள் : சொ.பாலசுப்பிரமணியன்

Published:Updated:
##~##

ன் பேரு ஸ்ரீகண்டசாமி. இவங்க கவிதா. ரெண்டு பேருக்கும் ஈரோடு. ரெண்டு பேருக்குமே போலியோ பாதிச்சு கால்ல பிரச்னை. அதுக்காக வாழ்க்கையை வாழாமல் கடந்துட முடியுமா? என்னை மாதிரி இருக்கிற ஒரு பொண்ணோடதான் சேர்ந்து வாழணும்னு நெனைச்சுட்டு இருந்தேன். கவிதா அமைஞ்சாங்க. இதுல ஆச்சர்யப்படவோ, அனுதாபப்படவோ எதுவும் இல்லை'' என்றபடி கக்கத்தில் ஊன்றுகோலைத் தாங்கிப் பிடித்துக்கொண்டு ஜோடியாக அவர்கள் எடுத்துவைக்கும் ஒவ்வோர் அடியிலும் புதுமணப் பூரிப்பு திளைக்கிறது!

 இவர்களைப் போலவே 27 மாற்றுத் திறனாளி ஜோடிகளுக்குத் திருவிழாக் கோலத்தில் திருமணம் செய்துவைத்து இருக்கிறது தமிழ்நாடு மாற்றுத் திறனாளிகள் சங்கம்.

இதில் நல்ல உடல்திறன்கொண்ட 22 நபர்கள் மாற்றுத்திறனாளிகளைத் தங்கள் வாழ்க்கைத் துணையாக ஏற்றுக்கொண்டு இருக்கிறார்கள். 38 வகைப் பொருட்கள் அடங்கிய சீர்வரிசை, மணமக்களுக்குப் பட்டுத் துணி, 21 வகை பதார்த்தங்கள் அடங்கிய விருந்து என ஏக தடபுடலாக அரங்கேறி இருக்கிறது இவ்வைபவம்!

வாழ்க வளமுடன்!

மாப்பிள்ளை ரியாஸ் பாபுவை வீல் சேரில் வைத்துத் தள்ளிக்கொண்டு வந்த மணப்பெண் திவ்யா முகத்தில் வெட்க முலாம்! திவ்யா தயங்க, பாபுவே ஆரம்பித்தார். ''எங்க ரெண்டு பேருக்கும் திருப்பூர். செல்போன் சர்வீஸ் பண்றேன். நம்மளைஎல்லாம் யார் கல்யாணம் பண்ணிக்குவாங்கனு நினைச்சேன். அப்பதான் ஈரோடுல மாற்றுத்திறனாளிகளுக்கான சுயம்வரம் நடந்தது. ஏதோ ஒரு நம்பிக்கையில

வாழ்க வளமுடன்!

கலந்துக்கிட்டேன். அங்கேதான் இவங்களைப் பார்த்தேன். நான் தயங்கி மயங்கி நின்னுட்டு இருந்தப்ப, அவங்களே என்கிட்ட வந்து, 'உங்களைப் பிடிச்சிருக்கு’னு மட்டும் சொன்னாங்க!'' என்று நிறுத்த, இப்போது பாபு முகத்தில் வெட்கம்! கணவரின் 'ஆனந்த அவஸ்தை’யை உணர்ந்து கொண்டவராக மேற்கொண்டு தொடர்ந்தார் திவ்யா. ''நான் அப்படிச் சொன்னதும் அவர் உடனே, 'உன்னை என்னால காப்பாத்த முடியும்’னு மட்டும் சொன்னார். அந்த நம்பிக்கையைவிட எனக்கு வேற என்ன வேணும்? 'நீ ஏன் அவரைக் கட்டிக்கணும்’னு வீட்ல எதிர்த்தாங்க. என்னோட எந்த வார்த்தைக்கும் அவங்க காது கொடுக்கலை. ஆனா, அவங்களுக்குப் புரியவைக்க இப்ப என்கிட்ட இருக்கிறது இவரோட மன தைரியம் மட்டும்தான்!'' என்றவரின் விழி களில் வெட்கம் மறைந்து உறுதியும் உத்வேகமும் தெரிகிறது!

சரவணன் நித்யாவுக்குத் தாலி கட்டிய அந்தத் தருணத்தை விவரிக்க எத்தனை வார்த்தைகளாலும் முடியாது! அந்தப் படம் உங்களுக்கு என்ன உணர்த்துகிறதோ.... அது போதும்!