வெளியிடப்பட்ட நேரம்: 15:39 (03/12/2018)

கடைசி தொடர்பு:15:39 (03/12/2018)

நான்கு நாள்களில் ரூ.400 கோடி! - வசூலை அள்ளிய ரஜினியின் `2.0'

ரஜினிகாந்த்தின் `2.0' திரைப்படம் 400 கோடி ரூபாய் வசூல் ஈட்டியுள்ளதாகத் தயாரிப்பு நிறுவனமான லைக்கா அதிகாரபூர்வமாக அறிவித்துள்ளது. 

ரஜினி

ஷங்கர் இயக்கத்தில், ரஜினி நடிப்பில் பிரமாண்டமாக உருவான `2.0' திரைப்படம் கடந்த 29-ம் தேதி வெளியானது. உலகம் முழுவதும் 4000 தியேட்டர்களில் ரிலீஸான இந்தத் திரைப்படம் மக்களிடம் வரவேற்பு பெற்று ஓடிக்கொண்டிருக்கிறது.

பாலிவுட் நடிகர் அக்ஷய் குமார் வில்லனாக நடித்துள்ளதால் வட இந்தியாவிலும் படத்துக்கான வரவேற்பு கிடைத்து வருகிறது. விமர்சனங்கள் ஒருபுறம் இருந்தாலும், ஷங்கரின் பிரமாண்டத்தை மக்கள் பார்த்து வருகின்றனர். இதற்கிடையே, படம் வெளியாகி நான்கு நாள்களில் 400 கோடி ரூபாய்க்கும் அதிகமான வருமானம் ஈட்டியுள்ளதாகத் தயாரிப்பு நிறுவனமான லைக்கா அதிகாரபூர்வமாக அறிவித்துள்ளது. 

இதுகுறித்து ட்விட்டரில் பதிவிட்டுள்ள லைக்கா, ``வரலாறு மாற்றி எழுதப்படுகிறது. 2.0 படம் நான்கு நாள்களில் 400 கோடி ரூபாய்க்கும் அதிகமான வருமானம் ஈட்டியுள்ளது. இது சாதாரண பிளாக் பஸ்டர் கிடையாது. மெகா பிளாக் பஸ்டர்" எனக் கூறியுள்ளது.

இதை ரஜினி ரசிகர்கள் கொண்டாடி வருகின்றனர். ஏற்கெனவே ரஜினி - ஷங்கர் காம்போவில் உருவான எந்திரன், சிவாஜி படங்கள் வசூலில் சாதனை நிகழ்த்தியதுபோல் தற்போது 2.0 படமும் சாதனை படைத்து வருகிறது. 

நீங்க எப்படி பீல் பண்றீங்க