Published:Updated:

உணவே உன்னை ஆராதிக்கிறேன்!

உணவே உன்னை ஆராதிக்கிறேன்!
பிரீமியம் ஸ்டோரி
உணவே உன்னை ஆராதிக்கிறேன்!

ஏழுக்கு ஏழு

உணவே உன்னை ஆராதிக்கிறேன்!

ஏழுக்கு ஏழு

Published:Updated:
உணவே உன்னை ஆராதிக்கிறேன்!
பிரீமியம் ஸ்டோரி
உணவே உன்னை ஆராதிக்கிறேன்!

உடலை ஆரோக்கியமாக வைத்துக்கொள்ள என்ன உணவுகளை எடுத்துக்கொள்கிறீர்கள்?

அதுல்யா ரவி, நடிகை

உணவே உன்னை ஆராதிக்கிறேன்!

கோயம்புத்தூரில் இருக்கும் என் வீட்டுக்குப் போனால் சுத்தமான பால், தயிர் கிடைக்கும். அதை நான் விரும்பி அருந்துவேன். எங்கே இருந்தாலும் அடிக்கடி மோர் மற்றும் இளநீர் குடிப்பதை வழக்கமாக வைத்திருக்கிறேன். மாதுளம் பழங்களைத் தினமு‌ம் சாப்பிடுவேன். சில நேரங்களில் அரிசி உணவைத் தவிர்த்து, தினை, கம்பங்கூழ் போன்ற பாரம்பர்ய உணவுகளை எடுத்துக்கொள்கிறேன்.

நான் ஹோட்டலுக்குச் சென்று சாப்பிடுவது மிகவு‌ம் குறைவுதான். வீட்டில் செய்த உணவுகளைத்தான் விரும்பிச் சாப்பிடுவேன். இந்தப் பழக்க வழக்கங்கள்தாம் என்னை ஆரோக்கியமாக வைத்திருப்பதாக நினைக்கிறேன்.

ஒட்டுமொத்த விகடனுக்கும் ஒரே ஷார்ட்கட்!

உணவே உன்னை ஆராதிக்கிறேன்!

பருமனைக் குறைக்க என்ன செய்கிறீர்கள்?

உணவே உன்னை ஆராதிக்கிறேன்!



வித்யூலேகா ராமன், நடிகை


டையைக் குறைக்க யோகா மற்றும் டயட்டை கடைப்பிடிக்கிறேன். கலோரி அளவு 1500-ஐ தாண்டக் கூடாது என்பதில் கவனமாக இருக்கிறேன். அதற்காக தினமு‌ம் ஜிம்முக்குப் போகிறேன். சனி, ஞாயிறுகளில் மட்டும் கொஞ்சம் கட்டுப்பாடுகளைத் தளர்த்திவிட்டு, பிடித்த உணவுகளைச் சாப்பிடுவேன். அதேநேரம், வார இறுதியில் பிரியாணி மாதிரியான உணவுகளை எடுத்துக்கொண்டாலும், கலோரி அளவில் கவனமாகவே இருக்கிறேன். கலோரி அளவை சரியாகத் தக்கவைத்துக்கொண்டாலே போதும். கூடிய சீக்கிரம் பருமனைக் குறைக்கலாம்.

உணவே உன்னை ஆராதிக்கிறேன்!

மனதை அமைதியாக வைத்துக்கொள்ள என்ன செய்கிறீர்கள்?

ஜெயஸ்ரீ, கலை இயக்குநர்


ன்றைக்கு, தேவையில்லாத பல விஷயங்களுக்காக நாம் நிறையவே கவலைப்படுகிறோம். மக்கள், காலையில் பணிக்குச் சென்று, இரவில்தான் வீடு திரும்புகிறார்கள். ரோபோ மாதிரியான ஒரு வாழ்க்கையை வாழ்ந்துகொண்டிருக்கிறார்கள். ‘வாரத்தில் ஒருநாள் எனக்காக நான் இருக்கப்போகிறேன்; வெளியிடங்களுக்குச் செல்வேன்’ என ஒரு சபதம் எடுத்துக்கொள்ளலாம். தினமும் நமக்கு வேலை இருந்துகொண்டேதான் இருக்கும். அதனால், வாரத்தில் ஒருநாள் நமக்காக நேரம் ஒதுக்கி பயணம் மேற்கொண்டால், மன அழுத்தமும் சோர்வும் நீங்கி மனம் அமைதியாகும். இதை வாரா வாரம் தொடர்ந்து மேற்கொள்வதன் மூலம் புத்துணர்வு கிடைக்கும். இதுதான் என் மனதின் மந்திரம்!

உணவே உன்னை ஆராதிக்கிறேன்!

இதயம் காக்க என்ன செய்கிறீர்கள்?

பர்வீன் சுல்தானா, பேச்சாளர்


ன்னுடைய உடலையும் இதயத்தையும் ஆரோக்கியமாக வைத்திருப்பதற் காக சில பயிற்சிகள், உணவுக் கட்டுப்பாடு போன்றவற்றைத் தவறாமல் கடைப்பிடித்துவருகிறேன். இப்படி இருப்பதால்தான் நீரிழிவு, ரத்தக் கொதிப்பு போன்ற பிரச்னைகள் இல்லாமல் நிம்மதியாக இருக்கிறேன்.

காலை மற்றும் மாலை வேளைகளில் உடற்பயிற்சிக்காக 20 நிமிடங்கள் ஒதுக்குகிறேன். நம் பாரம்பர்ய உணவுமுறைகளைப் பின்பற்றினாலே, இதயத்தை மிகச் சிறப்பாகப் பாதுகாக்க முடியும்!

உணவே உன்னை ஆராதிக்கிறேன்!

நீங்கள் மேற்கொள்ளும் உடற்பயிற்சிகள் என்னென்ன?

ஐஸ்வர்யா பிரபாகர், நடன ஆசிரியர்


கொஞ்சமா வியர்க்கிற மாதிரியான உடற்பயிற்சிகள் எனக்குப் பிடிக்காது. உடற் பயிற்சிகளை முடிக்கும்போது, தலைசுத்துற மாதிரி ஒரு உணர்வு வரணும். நான் இப்போ High Intensity cardio என்னும் உடற்பயிற்சியைச் செய்து வருகிறேன். ஒரு நாளைக்கு 30 நிமிடங்கள் இந்தப் பயிற்சி யைச் செய்வேன். இரண்டு நிமிடங்கள் தொடர்ச்சியாகப் பயிற்சிசெய்து, 30 நொடி இடைவெளி விட வேண்டும். நம் இதயம் சீராக இயங்க இந்தப் பயிற்சி ரொம்பப் பயனுள்ளதாக இருக்கும்.

உணவே உன்னை ஆராதிக்கிறேன்!

நீங்கள் பின்பற்றும் டயட் முறை?

சல்மா, கவிஞர்


முன்பு, எடையைக் குறைப்பதற்காக பேலியோ டயட்டை முறையாகப் பின்பற்றி வந்தேன். இந்த டயட் மூலம் என் எடை ஐந்து கிலோ வரை குறைந்தது.

அதை அப்படியே தக்கவைக்க பேலியோ மெயின்டனன்ஸ் டயட் முறையைப் பின்பற்றிவருகிறேன். இந்த முறையைப் பின்பற்றும்போது இனிப்புகள் சாப்பிடக் கூடாது. மாவுச்சத்து உணவுகளைக் குறைத்துக்கொள்ள வேண்டும். நல்ல கொழுப்பு உணவு களைச் சாப்பிட வேண்டும். காய்கறிகளை அதிகம் சேர்த்துக்கொள்ள வேண்டும். அவ்வளவுதான்!

உணவே உன்னை ஆராதிக்கிறேன்!

அளவு கடந்த கோபம் வரும்போது எப்படி கட்டுப்படுத்துவீர்கள்?

பார்வதி, பாடலாசிரியர்


னக்குக் கோபம் வந்தால் சம்பந்தப்பட்டவரிடம் வெளிப்படையாகவே சொல்லிவிடுவேன். நான் அப்படி சொல்லவில்லை என்றாலும்கூட, நான் கோபத்தில்தான் இருக்கிறேன் என்பதை என்னுடைய முகமே காட்டிக் கொடுத்துவிடும்.

கோபமாக இருக்கும்போது நான் எழுத ஆரம்பித்துவிடுவேன். எழுத்து எனக்கு மிகப்பெரிய வடிகால் மாதிரி. அப்படி எழுதுவதன்மூலம் என்னுடைய கோபம் கணிசமாகக் குறைந்துவிடும். இல்லையென்றால், என்னுடைய அலைவரிசையில் இருக்கின்ற நண்பர்களிடம் மனம்விட்டு அந்த நிகழ்ச்சியைப் பகிர்ந்துகொள்வேன். அதன் பிறகு பல கதைகள் பேசி முடிக்கும்போது, கோபமெல்லாம் பறந்தே போயிருக்கும்!

ப.தினேஷ்குமார் 

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism