Published:Updated:

“நிறைய விஷயங்களுக்கு நான் வருத்தப்படுறதில்லை”

“நிறைய விஷயங்களுக்கு நான் வருத்தப்படுறதில்லை”
பிரீமியம் ஸ்டோரி
“நிறைய விஷயங்களுக்கு நான் வருத்தப்படுறதில்லை”

“நிறைய விஷயங்களுக்கு நான் வருத்தப்படுறதில்லை”

“நிறைய விஷயங்களுக்கு நான் வருத்தப்படுறதில்லை”

“நிறைய விஷயங்களுக்கு நான் வருத்தப்படுறதில்லை”

Published:Updated:
“நிறைய விஷயங்களுக்கு நான் வருத்தப்படுறதில்லை”
பிரீமியம் ஸ்டோரி
“நிறைய விஷயங்களுக்கு நான் வருத்தப்படுறதில்லை”

“நம்மைத் தேடித் தரமான கதைகள் வருதுன்னா, ‘நாம நல்ல நடிகர்’தான்னு சந்தோஷப்பட்டேன்.” - புதுமுக இயக்குநர் நெல்சன் இயக்கத்தில் ‘மான்ஸ்டர்’ படத்தில் நடிப்பது குறித்து உற்சாகமாக உரையாடத் தொடங்குகிறார், எஸ்.ஜே.சூர்யா.

“நிறைய விஷயங்களுக்கு நான் வருத்தப்படுறதில்லை”

“இந்தக் கதையில நடிக்கலாம்னு முடிவெடுக்கக் காரணம்?”

ஒட்டுமொத்த விகடனுக்கும் ஒரே ஷார்ட்கட்!

“ ‘ஒரு வீட்டுல ஒரு எலி’ன்னு இயக்குநர் கதை சொல்ல ஆரம்பிச்சப்பவே, ரொம்ப சவாலா இருக்கும்; அதேசமயம் இன்ட்ரஸ்டிங்காவும் இருக்கும்னு தோணுச்சு.  இந்தக் குட்டிக் கதையை எப்படி முழுநீள சினிமாவா எடுக்க முடியும்னு நினைச்சேன், எடுத்துக்காட்டி அசத்தியிருக்கார் நெல்சன்.”

“நிறைய விஷயங்களுக்கு நான் வருத்தப்படுறதில்லை”

“படத்துல உங்களுக்கு என்ன கேரக்டர்?”

“ அஞ்சனம் அழகிய பிள்ளைங்கிற, ஈ, எறும்புக்குக்கூட துரோகம் நினைக்காத வள்ளலாருடைய பக்தராக இந்தப் படத்துல நடிக்க வெச்சுட்டார், இயக்குநர்.  ரொம்ப ஆசீர்வதிக்கப்பட்ட கேரக்டர்னு சொல்லலாம்.”

“சினிமா உங்களுக்கு சந்தோஷத்தைக் கொடுத்திருக்கா?”

“சினிமாவுல நடிக்கணும்னு அடம்பிடிச்சு வந்தேன். அதுக்காக இழந்த பணம், காலம், எமோஷன்ஸ் எல்லாமே அதிகம்.  அதுக்கெல்லாம் விலையே கிடையாது; யாராலும் இப்போ திருப்பிக் கொடுக்கவும் முடியாது. ஆனா, நான் சந்தோஷமாதான் ஏத்துக்கிட்டேன். அனுபவிச்ச வலிகளிலும் சந்தோஷம் இருந்திருக்கு, கிடைச்ச வெற்றியும் சந்தோஷத்தைக் கொடுத்திருக்கு. ஏன்னா, எனக்கு சினிமாதான் எல்லாம். ஆபீஸ் பாய் தொடங்கி தயாரிப்பாளர் வரை இங்கே எல்லா வேலையும் பார்த்துட்டேன்.
 இதையெல்லாம் பண்ணது, எனக்குள்ளே இருக்கிற நடிகன் எஸ்.ஜே.சூர்யாவை வெளிக்கொண்டு வர்றதுக்குத்தான்.”

“நிறைய விஷயங்களுக்கு நான் வருத்தப்படுறதில்லை”

“அஞ்சனம் அழகிய பிள்ளை கேரக்டர், உங்க ஒரிஜினல் கேரக்டருடன் எங்காவது மேட்ச் ஆச்சா?”

“அஞ்சனம் அழகிய பிள்ளைக்கும், எஸ்.ஜே.சூர்யாவுக்கும் சம்பந்தமே கிடையாது. ஆனா, ஒரு சம்பவம் இருக்கு. மற்றவங்களைக் கஷ்டப்படுத்தி, அதுமூலமா சந்தோஷம் அடையும் ஆள் கிடையாது நான். என் வாழ்க்கையில சிலரை நான் கஷ்டப்படுத்தியிருக்கலாம், காயங்கள் கொடுத்திருக்கலாம். ஆனா, அதெல்லாம் தவறுன்னு தெரிஞ்சு பண்ணுனதில்லை. அப்படிப் பண்ண சிலவும், அவர்களுடைய நல்லதுக்காகத்தான் இருந்திருக்குமே தவிர, அவங்களுக்கு வலிக்கணும்னு பண்ணியிருக்க மாட்டேன். இந்தப் படத்துல அஞ்சனம் அழகிய பிள்ளை, கிடைக்கிறதை வெச்சுக்கிட்டு சந்தோஷமா வாழ்ற ஒருத்தன்.
 ஆனா, நான் நிஜ வாழ்க்கையில அப்படிக் கிடையவே கிடையாது. எனக்கு ஆசைகள் அதிகம். நான் இப்படித்தான் வாழ்வேன்; இதுதான் வேணும்னு அடம்பிடிச்சு, அதனால நான் பலமுறை விழுந்து, எழுந்து வந்திருக்கேன். அதனாலேயே, அஞ்சனம் கேரக்டர் எனக்கு ரொம்பப் பிடிச்சுப்போச்சு. ஒரு சிம்பிளான கேரக்டர்ல நடிச்சதே, பெரிய சந்தோஷமா இருக்கு. நானா இல்லாத ஒரு கேரக்டர்ல நடிக்கிறதுதான் கஷ்டம். இந்தப் படத்துல அப்படி அமைஞ்சது.”

“நிறைய விஷயங்களுக்கு நான் வருத்தப்படுறதில்லை”
“நிறைய விஷயங்களுக்கு நான் வருத்தப்படுறதில்லை”
“நிறைய விஷயங்களுக்கு நான் வருத்தப்படுறதில்லை”

 “ஐஸ்டின் பிரபாகரன் இசையில் பாடிய அனுபவம்?”
 
“பாடியிருக்கேன்னு சொல்ல முடியாது. பேசியிருக்கேன்னு சொல்லலாம். ஐஸ்டின் பிரபாகரன் பார்க்க சிம்பிளா இருப்பார்; ஆனா, மேஜிக் பண்ணிடுவார். இன்னும் ஸ்கூல் பையன் மாதிரிதான் சுத்திக்கிட்டு இருக்கார். அவருடைய மெலோடியைக் கேட்டுட்டு, ஆளைப் பார்த்தா, ‘இந்த மனுஷனா இவ்ளோ ரொமான்ஸா ஃபீல் பண்ணியிருக்கார்’னு எனக்கு ஆச்சர்யமா இருக்கும். ஆனா, நான் வந்துட்டா மட்டும் ஐஸ்டின் குஷியாகிடுவார்; குஷியாக வெச்சிடுவேன்.”

“அமிதாப் பச்சனுடன் ‘உயர்ந்த மனிதன்’ படத்துல நடிச்ச அனுபவம்?”

“இந்தப் படத்துல நடிச்சது, வாழ்க்கையில என்னைக்கும் மறக்காது. அமிதாப் பாலிவுட் சூப்பர் ஸ்டார்னு எல்லோருக்கும் தெரியும். ஆனா, ஒரு விஷயத்தைச் சொல்லியே ஆகணும். 60 வருடமா அமிதாப் சினிமாவுல நடிக்கிறார். ‘உயர்ந்த மனிதன்’ படத்துல, அவர் கால்ல விழுந்து எந்திரிக்கிறப்போ, என் நெற்றியில அவர் குங்குமம் வைக்கிற மாதிரி ஒரு காட்சி. எல்லோரும் ரெடியா இருக்காங்க. அமிதாப் சார் குங்குமச் சிமிழை வெச்சுக்கிட்டு ரெடியா இருக்கார். என் சட்டையில குங்குமம் கொஞ்சம் ஒட்டியிருந்ததைக் கவனிச்சவர், ‘ரோலிங்’ முடிஞ்சு ‘ஆக்‌ஷன்’ சொல்ற டைமிங்ல டக்குனு அதைத் தட்டி விட்டுட்டு, அவர் பொசிஷனுக்குப் போய் நின்னுக்கிட்டார். இதை நான் சொல்றதைவிட, நேர்ல கிடைச்ச ஃபீல் வேற. அப்படி ஒரு பவர்ஃபுல் மனுஷன் அவர்.”

“நிறைய விஷயங்களுக்கு நான் வருத்தப்படுறதில்லை”

“இயக்குநர் எஸ்.ஜே.சூர்யாவை எப்போ எதிர்பார்க்கலாம்?

“இயக்குநரா என்கிட்ட கதைகள் இருக்கு. ஆனா, நடிகரா என்னைத் தேடி நல்ல கதைகள் வருது. வர்ற கதைகளை ரசிச்சுப் பண்றேன். எப்போ என்னைத் தேடி நல்ல கதைகள் வர்றது குறையுதோ, அன்னைக்கு இயக்குநர் எஸ்.ஜே.சூர்யா வெளியே வருவான்.”

“நிறைய விஷயங்களுக்கு நான் வருத்தப்படுறதில்லை”

“கருணாகரன், ப்ரியா பவானி சங்கர்கூட நடிச்ச அனுபவம்?”

“கருணாகரன்கூட ‘இறைவி’ படத்துல நடிச்சேன். நல்ல ப்ரதர். அவருடைய சமயோஜித புத்தி எனக்குப் பிடிக்கும். தவிர, அவருடைய பாடி லாங்குவேஜ் செம க்யூட்டா இருக்கும். ப்ரியா பவானி சங்கர் நடிப்பை ஷூட்டிங்ல பார்க்கிறதைவிட, ஆன் ஸ்கிரீன்ல பார்க்கும்போது, அவங்க நடிப்போட மேஜிக்கைத் தெரிஞ்சுக்கலாம். சில நடிகைகள்கிட்டதான் இப்படி ஒரு மேஜிக்கைப் பார்க்க முடியும். உதாரணத்துக்கு, ஷாலினி மேடம்கிட்ட ஹோம்லி லுக் இருக்கும். அதேசமயம், செமையா நடிப்பாங்க. அப்படி ஒரு மேஜிக், ஸ்டார் குவாலிட்டி ப்ரியா பவானி சங்கர்கிட்ட இருக்கு. சிம்ரன் மேடமுக்குப் பிறகு, சினிமாவுல ப்ரியாவுக்கும், எனக்கும் நல்ல ஜோடிப் பொருத்தம். சின்னத்திரையில இருந்தப்போ இவங்களை நான் பார்த்ததில்லை. ‘மேயாத மான்’ல நல்லா நடிச்சிருந்தாங்க.”

“ ‘இறவாக்காலம்’, ‘நெஞ்சம் மறப்பதில்லை’ படங்களின் ரிலீஸ் தள்ளிப்போறது, உங்களுக்கு வருத்தத்தைக் கொடுக்குதா?”

“நிறைய விஷயங்களுக்கு நான் வருத்தப்படுறதில்லை”

“இப்பெல்லாம் நிறைய விஷயங்களுக்கு நான் வருத்தப்படுறதில்லை. நான் வருத்தப்பட்ட சில விஷயங்கள் லேட்டா நடக்கிறதைப் பார்த்தப்போ, ‘இது தள்ளிப்போனது நல்லதுதான்’னு தோணுச்சு. எல்லோருக்கும் இப்படி நடந்திருக்கலாம். சில விஷயங்களுக்காக அழுவோம். சில வருடங்கள் கழிச்சு, ‘இதுக்கா அன்னைக்கு அப்படி அழுதோம்’னு சிரிப்பு வரும். அதனால, நான் கொஞ்சம் பக்குவப்பட்டுட்டேன். எல்லா விஷயமும் ஏதோ ஒரு நல்லதுக்காகத்தான் தாமதமாகுதுன்னு புரிஞ்சுக்கிறேன். எல்லாத்துக்கும் சரியான நேரம் வரும். அதனால, நாம பண்றதைப் பண்ணிட்டுப் போய்க்கிட்டே இருக்கணும். ஜெயிச்சா, தோற்றா; நடக்குதா, நடக்கலையான்னு நினைச்சு கவலைப்படக் கூடாது. ஆனா, சினிமாவுல ஒரு சீன் நடிக்கிறோம்னா, அந்தக் கணம் நமக்குத் திரும்பக் கிடைக்காதுன்னு நினைச்சு அர்ப்பணிப்போடுதான் நடிக்கிறேன்.”