Published:Updated:

'தானே' துயர் துடைக்க... நீளட்டும் நம் கரங்கள்!

'தானே' துயர் துடைக்க... நீளட்டும் நம் கரங்கள்!

'தானே' துயர் துடைக்க... நீளட்டும் நம் கரங்கள்!

'தானே' துயர் துடைக்க... நீளட்டும் நம் கரங்கள்!

Published:Updated:
'தானே' துயர் துடைக்க... நீளட்டும் நம் கரங்கள்!

ன்பார்ந்த வாசகப் பெருமக்களே!

 'தானே' புயலின் கோர தாண்டவம் ஏற்படுத்திய அழிவுகளில் இருந்து கடலூர், புதுச்சேரி மக்களை மீட்டு எடுப்பதற்கான துயர் துடைப்புத் திட்டத்துக்கு நீங்களும் உதவலாம். Vasan Charitable Trust  என்ற எங்களின் அறக்கட்டளையின் பெயருக்கு செக் அல்லது டி.டி. எடுத்து அனுப்பலாம். நிதியை நெட் பேங்கிங் மூலம் டிரான்ஸ்ஃபர் செய்ய விரும்புவோர், எங்களின் ஐ.சி.ஐ.சி.ஐ. வங்கி சேமிப்பு கணக்கு எண் 000901003381 (ஆர்.டி.ஜி.எஸ்./ஐ.எஃப்.எஸ்.சி. கோட்: ICIC 0000009,  நுங்கம்பாக்கம் கிளை, சென்னை-600034) வழியாக அனுப்பலாம்.

ஒட்டுமொத்த விகடனுக்கும் ஒரே ஷார்ட்கட்!

வெளிநாட்டு வாசகர்கள் எங்களின் இந்தியன் வங்கி கரன்ட் அக்கவுன்ட் எண் 443380918-க்கு (ஆர்.டி.ஜி.எஸ்./ ஐ.எஃப்.எஸ்.சி. கோட்: IDIB 000சி032, எத்திராஜ் சாலை கிளை, சென்னை-600008) அனுப்பலாம். நேரில் வந்து நிதி அளிக்க விரும்புவோர், விகடனின் அண்ணா சாலை அலுவலகத்தில் அளித்து உரிய ரசீதை உடனே பெற்றுக் கொள்ளலாம்.

Vasan Charitable Trust பெயரில் நிதி உதவி அளிப்பவர்களுக்கு, 1961 வருமான வரிச் சட்டம் 80-ஜி பிரிவின்படி (உத்தரவு எண்: DIT(E)No.2(749)/0304 dt. 10-05-2010) வருமான வரி விலக்கு கிடைக்கும்.

நேயமிக்க வாசகர்களே... நீங்கள் அனுப்பும் வழிமுறை எதுவாக இருப்பினும், கீழே நாங்கள் அளித்து உள்ள படிவத்தையும் தயவுசெய்து  பூர்த்திசெய்து, 'தானே துயர் துடைப்புத் திட்டம்’ என்று உறையின் மீது மறவாமல் குறிப்பிட்டு 'ஆனந்த விகடன், 757, அண்ணா சாலை, சென்னை - 600002' என்ற முகவரிக்கு அனுப்பிவைக்க வேண்டுகிறோம்.  www.vikatan.com/thane என்ற இணைய முகவரியில், இது தொடர்பான பூர்வாங்க விவரங்களை இப்போதே நீங்கள் காணலாம்.

வாருங்கள் வாசகர்களே... 'தானே’ துயரை நாமும் துடைப்போம்!

- ஆசிரியர்

'தானே' துயர் துடைக்க... நீளட்டும் நம் கரங்கள்!

துண்டேந்தி நிற்கும் தமிழருவி மணியன்!

'தானே' துயர் துடைக்க... நீளட்டும் நம் கரங்கள்!

'தானே’ புயலால் பாதிக்கப்பட்ட மக்களுக்கு உதவுவதற்காகத் தன்னால் முடிந்த அளவுக்கு பணம் வசூல் செய்து கொடுப் பதைத் தனது கடமையாகக் கொண்டுள்ளார் காந்திய மக்கள் இயக்கத் தலைவர் தமிழருவி மணியன். திருப்பூரில் நடந்த கூட்டத்தில் வசூல் ஆன ரூபாய் 67 ஆயிரத்தை வழங்கினார்.

ஈரோடு மாவட்டம், திண்டல் அருகில் உள்ளது வேளாளர் மகளிர் கல்லூரி. அங்கு பேசச் சென்ற தமிழருவி மணியன் மாணவியரிடம் துண்டு ஏந்தி நேரடியாக வசூல் செய்தார். மாணவியர் அனைவரும் தங்கள் கையில் இருந்த பணத்தை எடுத்து வழங்க... 15 ஆயிரம் ரூபாய் வசூல் ஆனது. இதை அடுத்து, புதுக்கோட்டையில் கவிஞர் முகேஷ் நடத்திய இலக்கிய நிகழ்ச்சியில் பங்கேற்ற மணியன், அங்கும் விகடனின் பணிகளை விவரித்தார். கூட்டத்துக்கு வந்திருந்த அனைவரும் அள்ளிக்கொடுத்தார்கள். 15,345 ரூபாய் அதில் சேர்ந்தது. இந்த இரண்டு நிகழ்ச்சிகளிலும் வசூலான தொகையை தமிழருவி மணியன் விகடன் நிதியில் சேர்த்துவிட்டார்!

வீழ்ந்தாலும் எழுவோம்!

'தானே' துயர் துடைக்க... நீளட்டும் நம் கரங்கள்!

டலூர் பகுதி மாணவர்களின் மனதுள் எந்தச் சோர்வும் வந்துவிடக் கூடாது எனும் நோக்கத் தில், உலக சமுதாய சேவா சங்கத்துடன் சக்தி விகடன் இணைந்து, அவர்களுக்கான தன்னம்பிக்கை முகாமை 29-ம் தேதி நடத்தியது. மஞ்சக்குப்பம் பகுதியில் உள்ள ஸ்ரீமகாலட்சுமி ஐ.டி.ஐ. வளாகத்தில் நடந்த இந்த முகாமில் எழுத்தாளர் 'ஆயிஷா’ நடராஜன் கலந்துகொண்டு, வைட்டமின் வார்த்தைகளால் மாணவர்களை உற்சாகப்படுத்தினார். யோகா பயிற்சியும் அளிக் கப்பட்டது. 'வீழ்வது எழுவதற்கே’ எனும் தன்னம்பிக்கை சுடர்விட்டது!

''என் மனசுக்குத் திருப்தி!''

'தானே' துயர் துடைக்க... நீளட்டும் நம் கரங்கள்!

'தானே’ புயல் நிவாரணம் குறித்து விகடன் அறிவிப்பைப் பார்த்ததும்,  நடிகர் சத்யராஜ், 50 ஆயிரம் ரூபாய்க்கான காசோலையை அனுப்பி வைத்தார்.

''ஒரு காலத்துல சிகரெட் ரொம்ப அதிகமாப் பிடிப்பேன். 'சிகரெட் விளம்பரத்தை வெளியிட மாட்டோம்’னு 'ஆனந்த விகடன்’ல விளம்பரம் வந்துச்சு. சிகரெட் எவ்வளவு மோசமானதுனு அப்பதான் உணர்ந்தேன். அன்னைலேர்ந்து இன்னைக்குவரைக்கும் சிகரெட்டைத் தொடவே இல்லை. அந்த அளவுக்கு சமூக அக்கறை உள்ள பத்திரிகை விகடன். அவங்க மூலமாக 'தானே’ புயலால் பாதிக்கப்பட்ட மக்களுக்கு உதவுறதுல என் மனசுக்குத் திருப்தி!'' என்று மனம் நெகிழ்ந்தார் சத்யராஜ்.

மாணவர்கள் தந்த பணம்!

'தானே' துயர் துடைக்க... நீளட்டும் நம் கரங்கள்!

சென்னை விருகம்பாக்கத்தில் உள்ள பத்மா சாரங்க பாணி மெட்ரிகுலேஷன் மேல்நிலைப் பள்ளியில், சுமார் 1,200 மாணவ, மாணவிகள் படிக்கின்றனர். 'தானே’ துயர் துடைக்க தங்கள் பள்ளியின் பங்களிப்பும்  இருக்க வேண்டும் என்ற ஆர்வத்தில், ஆளுக்கு 5, 10 என வீட்டில் கிடைத்த பாக்கெட் மணியை உண்டியலில் ஒன்று திரட்டினார்கள். பள்ளியின் தலைமை ஆசிரியை மகேஸ்வரியுடன் நம் அலுவலகத்துக்கு வந்தனர். 'எங்களால் இயன்றது’ என அவர்கள் கொடுத்த உண்டியலில் இருந்த தொகை ரூபாய் 10,925. அது அன்பால் நிறைந்து இருந்தது!