Published:Updated:

செம ஜாலி சச்சின்... செம சேட்டை டோனி!

சார்லஸ்

பிரீமியம் ஸ்டோரி
##~##

சிக்ஸர்கள், சியர் கேர்ள்ஸ், ஒரு பந்து நான்கு ரன்கள் பதற்றம்... இவை போக... இந்த ஐ.பி.எல். பக்கம் கவனம் ஈர்க்கும் கவர்ச்சி ராக்கெட்... அர்ச்சனா விஜயா!

 அழகுப் பெண்ணின் கிரிக்கெட் கமென்ட்ரிக்கு அவ்வளவு மவுசு. ட்விட்டர், ஃபேஸ்புக் என சோஷியல் மீடியாக்களில் ஹிட்ஸை அள்ளும் அர்ச்சனா விஜயா விடம் பேசினேன்.

''பேர்ல தமிழ் சாயல் இருக்கு. ஆனா, உங்க நடவடிக்கை எல்லாம் ஹாலிவுட் ரேஞ்ச்ல இருக்கே... நீங்க தமிழ்ப் பெண்ணா?''

''ஹாஹா... எங்கே போனாலும் இதேதான் கேக்குறாங்க. ரொம்ப ஸாரி... நான் தமிழ்ப் பொண்ணு இல்லை. ராஜஸ்தான் என் பூர்வீகம். ஆனா, பிறந்தது, வளர்ந்தது,படிச் சது எல்லாமே கொல்கத்தா. இந்தப் பேர் எனக்குத் தென் இந்தியாவில் எக்கச்சக்க ரசிகர்களைக் கொடுத்திருக்கு. அதனால வட இந்தியா, தென் இந்தியானு என்னைக் குறுகிய வட்டத்தில் அடைச்சுடாதீங்க.''

செம ஜாலி சச்சின்... செம சேட்டை டோனி!

''எப்படிக் கிடைச்சது ஐ.பி.எல். காம்பியரிங் வாய்ப்பு?''

''கொல்கத்தாவில் படிச்சிட்டு இருந்தப்ப, சேனல் 'வி’ நடத்துன 'மிஸ் கிளாமரஸ்’ ரியாலிட்டி ஷோவில் ஜெயிச்சேன். தொடர்ந்து மாடலிங், விளம்பர வாய்ப்புகள். இந்தியாவில் நான் கேட் வாக் பண்ணாத ஃபேஷன் ஷோவே கிடையாது. அப்புறம் நியோ ஸ்போர்ட்ஸ் சேனல்ல கிரிக்கெட் வீரர்களைப் பேட்டி எடுக்கும் வாய்ப்பு கிடைச்சது. அப்படி அப்படியே ஐ.பி.எல். கிரவுண்டுக்குள் இறங்கிட்டேன். உலகப் புகழ்பெற்ற 'நினி’ பத்திரிகை 'ஐ.பி.எல்-ன் சிறந்த கண்டுபிடிப்பு அர்ச்சனா விஜயா’னு புகழ்ந்திருக்கு. ரொம்ப சந்தோஷமா இருக்கு.''

செம ஜாலி சச்சின்... செம சேட்டை டோனி!

''கிரிக்கெட் வீரர்களோட நல்ல ஃப்ரெண்ட்ஷிப்ல இருப்பீங்க. ஏதாவது ஸ்கூப் சொல்லுங்க?''

''சச்சின் செம சீரியஸ் பார்ட்டினு நினைப்பீங்கள்ல... ஆனா, சார் செமஜாலி. என்னை முதல் தடவை பார்த்ததும் அவர் என்கிட்ட என்ன கேட்டார் தெரியுமா? 'எப்படி இவ்ளோ ஸ்லிம் அண்ட் ஸ்லீக்கா இருக்கீங்க?’ - அவர்கிட்ட இருந்து இப்படி ஒரு கேள்வியை நான் எதிர்பார்க்கலை. என்ன பதில் சொல்றதுனு தெரியாமத் தடு மாறிட்டேன். எப்பப் பேசினாலும் ஏதாச் சும் கலாய்ச்சுக் காமெடி பண்ணிட்டே இருப்பார் சச்சின். டோனி எப்பவும் அன் லிமிடெட் சேட்டை பார்ட்டி. நான் பேட்டி எடுக்கிற மாதிரியே நடிச்சுக் காட்டிக் கிண்டலடிச்சுட்டே இருப்பார். ஒரு தடவை டெல்லியில் இருந்தப்ப, தீபாவளி கொண்டாட நண்பர்களோட பட்டாசுகள் வாங்கிட்டு நான் தங்கியிருந்த இடத்துக்கே வந்துட்டார். யுவராஜ் சிங் என் பெர்சனல் ஃப்ரெண்ட். அவரோட எல்லா பிறந்த நாளுக்கும் அவர்கூட நான் இருப்பேன்.''  

''ப்ளேயர்ஸ் உங்களுக்கு என்னல்லாம் கிஃப்ட்ஸ் கொடுத்திருக்காங்க?''

''அவங்க டி-ஷர்ட்டுகளைப் பரிசா கொடுத்திருக்காங்க. மத்தபடி நீங்க நினைக் கிற மாதிரி எதுவும் இல்லை.''

''சென்னையில் என்ன பிடிக்கும்?''

செம ஜாலி சச்சின்... செம சேட்டை டோனி!

''முருகன் இட்லிக் கடை, மெரினா பீச். எப்போ சென்னை வந்தாலும் இது ரெண்டையும் மிஸ் பண்ண மாட்டேன்!''  

''கிரிக்கெட் கிரவுண்ட்ல இவ்வளவு கிளாமரா டிரெஸ் பண்றது அவசியமா?''

''அப்படி கிளாமரா டிரெஸ் பண்ணி, அதைப் பலர் ரசிக்கிறதாலதானே இப்போ நீங்க வந்து பேட்டி எடுக்குறீங்க. பொது வாழ்க்கையில் கிளாமர் இல்லாம இருக்க முடியாது பாஸ்!''

''கிரிக்கெட்டர்ல செம ஹாட் யாரு?''

''விராட் கோஹ்லி.''
(அவர் இன்னும் டி-ஷர்ட் கொடுக்கலையா?)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு