Published:Updated:

காலரா... கவனம்!

பா.பிரவீன்குமார், படம் : சி.சுரேஷ்பாபு

காலரா... கவனம்!

பா.பிரவீன்குமார், படம் : சி.சுரேஷ்பாபு

Published:Updated:
##~##

மிழகத்தின் பல்வேறு பகுதிகளிலும் பரவுகிறது காலரா. வேகமாகப் பரவும் காலரா தாக்குதலில் இருந்து தப்பிப்பது எப்படி? வழிகாட்டுகிறார் மருத்துவர் மதுபாஷினி...

 'விப்ரியோ காலரே என்ற பாக்டீரியா கிருமியினால் தொற்றும் நோய் காலரா. இந்தக் கிருமி உடலில் நுழைந்ததும் வயிற்றுப்போக்கையும் வாந்தியையும் ஏற்படுத்தும். காலரா கிருமி உடலுக்குள் நுழைந்து ஒன்று முதல் ஐந்து நாட்களுக்குள் பாதிப்பை ஏற்படுத்தும். காலரா நேரடியாக மனித உயிரைப் பலிவாங்குவது இல்லை. உடலில் இருந்து அதிகப்படியான நீர்ச்சத்தை வெளியேற்றுவதன் மூலமே உயிரிழப்பு ஏற்படுகிறது. அதிக அளவில் தண்ணீர் வெளியேறுவதால் சருமம் நீலநிறமாக மாறும். அதன் பின்விளைவுகள் உண்டாக்கும் மரணத்தை 'ப்ளூ டெத்’ என்பார்கள். காலரா பாதிப்பு கண்டவுடனே சிகிச்சை எடுத்துக்கொண்டால் மட்டுமே உயிரிழப்பைத் தடுக்க முடியும்.

ஒட்டுமொத்த விகடனுக்கும் ஒரே ஷார்ட்கட்!

காலரா... கவனம்!

காலரா பரவ முக்கியமான காரணம், மாசடைந்த நீர். ஒருவரிடம் இருந்து மற்றொருவருக்கு நேரடியாக இது பரவுவது இல்லை. ஒருவருக்கு காலரா தொற்று ஏற்பட்டால், உடனடியாக உப்பு -  சர்க்கரைக் கரைசலைக் கொடுக்க வேண்டும். அடுத்து, உடனடியாக மருத்துவமனைக்குக் கொண்டு செல்ல வேண்டும். பச்சிளம் குழந்தைக்கு காலரா தொற்று ஏற்படும்போது அதிக அளவில் நீர் வெளியேறும். இந்த நேரத்தில் சர்க்கரை - உப்பு கரைசலுக்குப் பதில் தாய்ப் பால் அளிப்பது சிறந்தது.

காலராவைத் தடுக்க வழிகள்...

•  தண்ணீரைச் சூடாக்குங்கள்

நன்கு தளதளவென்று கொதிக்கவைத்து ஆறவைத்த நீரையே குடிக்கப் பயன்படுத்த வேண்டும்.

•  கைகளைக் கழுவுங்கள்

சாப்பிடுவதற்கு, சமையல் செய்வதற்கு, குழந்தைகளுக்கு உணவு ஊட்டுவதற்கு முன்பு, கழிப்பறைக்குச் சென்று வந்த பின்பு கைகளை கிருமிநாசினி போட்டு நன்கு கழுவுங்கள். சூடான உணவுப் பொருட்களையே சாப்பிடுங்கள். கழிப்பறையைக் கிருமிநாசினியைப் பயன்படுத்தி சுத்தமாக வைத்திருங்கள்.  

•  நிவாரணம்

காலராவுக்கு நல்ல மருந்துகள் உண்டு. அவரவர் உடல் நிலையைப் பொறுத்து இரண்டு மூன்று நாட்களில் காலரா பாதிப்பில் இருந்து மீளலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism