வெளியிடப்பட்ட நேரம்: 20:15 (07/04/2017)

கடைசி தொடர்பு:20:15 (07/04/2017)

விக்ரம் போடும் 'ஸ்கெட்ச்' - கலக்கல் ஃபர்ஸ்ட் லுக் போஸ்டர்

விக்ரம் நடிக்கும் 'ஸ்கெட்ச்' படத்தின் ஃபர்ஸ்ட் லுக் போஸ்டர் இன்று வெளியாகியுள்ளது. இது விக்ரமின் 53-வது படமாகும். இந்தப் படத்தை விஜய் சந்தர் இயக்குகிறார். எஸ்.எஸ்.தமன் படத்துக்கு இசையமைக்கிறார். கலைப்புலி எஸ்.தாணு இந்தப் படத்தை தயாரிக்கிறார். 

Sketch poster

தமிழ்த் திரை உலகில் தன்னுடைய இயல்பான நடிப்பாலும், வித்தியாசமான கதாபாத்திரங்களாலும் உச்சத்தை அடைந்தவர் விக்ரம். அவர் கடைசியாக நடித்து வெளிவந்த 'இருமுகன்' படம் மிகப் பெரிய வெற்றியை அடைந்தது. பொதுவாக ஒருபடத்துக்கு இரண்டு ஆண்டுகள் வரை செலவிடும் விக்ரம், இந்த முறை ஒரே நேரத்தில் இரண்டு படங்களில் நடித்து வருகிறார். சில மாதங்களுக்கு முன்னர் கவுதம் வாசுதேவ் மேனன் இயக்கத்தில் விக்ரம் நடித்து வரும் 'துருவ நட்சத்திரம்' படத்தின் டீசர் வெளியானது.

இது ரசிகர்கள் மத்தியில் பலத்த வரவேற்பை பெற்றது. இந்த நிலையில் விக்ரமின் 53-வது படத்தின் பெயர் மற்றும் ஃபர்ஸ்ட் லுக் போஸ்டர் இன்று வெளியாகியுள்ளது. 'ஸ்கெட்ச்' என்று பெயரிடப்பட்டுள்ள இந்தப் படத்தை விஜய் சந்தர் இயக்குகிறார். எஸ்.எஸ்.தமன் இசையமைக்கிறார். கலைப்புலி எஸ்.தாணு தயாரிக்கிறார்.