எங்கேயும் எப்போதும் எஸ் சார்!

##~## . ''கு றும்புன்னு யோசிச்சாலே என்னையும் ஆட்டத்துல சேர்த்துக்குறீங்களே... பரவாயில்லை. விகடன் குறும்பு எல்லாரையும் சிரிக்கத்தானேவைக்கும்!'' என்றார் தங்கபாலு.

. ''ஆஹா! வாரா வாரம் நான் முதல்ல படிச்சு சிரிக்கிற பகுதி இதுதான். இப்போ என்னைப் பார்த்து எல்லாரும் சிரிக்கப் போறாங்களா? சூப்பர்!'' - இது சுதா ரகுநாதன்!

. 'நான் கேட்ட கேள்விகளுக்குப் பதில் சொல்ல முடியாம என் பாட்டி இந்த உலகத்தை விட்டே எஸ்கேப் ஆயிட்டாங்க. என்னை யாராலும் அசைச்சுக்க முடியாது பங்காளி!'' என்று ஏக பில்ட்-அப் கொடுத்தார் 'நண்டு’ ஜெகன்.

. ''சீரியஸான கேள்விக்கு சீரியஸா யோசிச்சுப் பதில் சொல்வேன். ஆனா, ஜாலி கேள்வின்னா, நானும் பதிலுக்குக் கலாய்ப்பேன்... பரவாயில்லையா?'' - இது சங்கீதாவின் டிமாண்ட்!

. ''ஃப்ரெண்டுக்கு போன் பண்ணி பதில் கேட்டுக்கலாமா... கூடாதா? அச்சோ... சரி பாஸ் மார்க்காவது வாங்குறேனா பார்க்கலாம்!'' என்று எக்ஸாம் ஃபீவர் மகாலட்சுமிக்கு!

. அழகிரியின் நண்பர் 'எஸ்ஸார்’ கோபிக்கு ஏன் அந்தப் பெயர்?

. சரியான பதில்: தான் யாரிடம் என்ன சொன்னாலும், 'எஸ் ஸார்’ என்றுதான் அவர்கள் பதில் சொல்ல வேண்டும் என்று எதிர்பார்ப்பாராம் 'எஸ்ஸார்’ கோபி. அவருடைய இயற்பெயர் முனுசாமி!

. தங்கபாலு: ''அது அவருக்குத்தான் தெரியும். என்னைக் கேட்டா, எனக்கு எப்படித் தெரியும்?''

. சுதா ரகுநாதன்: (ரொம்பப் பரிதாபமான குரலில்...) ''சத்தியமா எஸ்ஸார் கோபிங்கிற பேரையே இப்பத்தான் கேள்விப்படுறேன் சார். எஸ்ஸார் கம்பெனியில் அவர் நிறைய ஷேர் வெச்சிருக்காரா?''

. 'நண்டு’ ஜெகன்: ''பொழுது போகாமல் லேட் நைட் தமிழ் சேனலில் நியூமராலஜி ஷோ பார்த்து, வாஸ்து சரி இல்லாமல் பேரை மாத்தி, சொந்தச் செலவில் சூனியம் வெச்சுக்கிட்ட பேரா இருக்கும்!''

. சங்கீதா: '' 'நோ சார்’னு அவருக்கு சொல்லத் தெரியாது!''

. மகாலட்சுமி: ''ஆரம்பமே அலறவைக்குதே. நான் விலகிக்கவா?''

. தமிழக துணை சபாநாயகர் யார்?

. சரியான பதில்: தனபால்.

. தங்கபாலு: ''தனபால். நமக்கு நல்ல நண்பர்!''

. சுதா ரகுநாதன்: ''அய்யய்யோ... நேத்துகூடப் படிச்சேனே... தொண்டைக்குள்ள நிக்குது. ப்ச்... ம் ஊஹூம்... நீங்களே சொல்லிடுங்களேன்!''

. 'நண்டு’ ஜெகன்: ''சபாநாயகரோ சுபாநாயகரோ யாரா இருந்தாலும் கடைசி வரைக்கும் துணையா இருக்குறது அவர் பொண்டாட்டிதான்!''

. சங்கீதா: ''எங்க கொள்ளு கொள்ளு கொள்ளு தாத்தா பேரு என்ன? நீங்க சொல்லுங்க? தெரியலைல்ல... எனக்கும் தெரியலை!''

. மகாலட்சுமி: ''அரசியல்ல எனக்கு 'அ’னா. 'ஆ’வன்னாகூடத் தெரியாது. நீங்க 'ஃ’ வரைக்கும் கேட்குறீங்களே!''

. பா.ம.க-வுக்கு இப்போது சட்டசபையில் எத்தனை எம்.எல்.ஏ-க்கள் உள்ளனர்?

. சரியான பதில்: 4.

. தங்கபாலு: ''ம்... 3?''

. சுதா ரகுநாதன்: ''பா.ம.க-வா அப்டின்னா என்னங்கிற அளவுலதான் என் அரசியல் ஆர்வம். ஒரு ஆறு பேர் இருப்பாங்களா?''

. 'நண்டு’ ஜெகன்: ''150 நாட்களைக் கடந்து ஓடிக்கொண்டு இருக்கும் 'லத்திகா’வைப் பார்க்க தியேட்டரில் எத்தனை பேர் இருப் பாங்களோ... அத்தனை பேர்! ('தெரியலை’னு சொல்ல மாட் டோம்ல!)''

. சங்கீதா: ''பா.ம.க-வா? பா.ம.க... த.ம.க... கா.ம.க-வா? ஸாரி... நீங்க என்ன கேட்குறீங்கன்னு புரியலை!''

. மகாலட்சுமி: ''அரசியல்வாதிங்க சொல்ற மாதிரி... 'நோ கமென்ட்ஸ்’னு போட்டுக்கலாமா?''

. சமீபத்தில் உள்துறை அமைச்சர் ப.சிதம்பரம் வீட்டில் திருடியவர்கள் எந்த வகைத் திருடர்கள்?

. சரியான பதில்: உலக்கைத் திருடர்கள்.

. தங்கபாலு: ''ம்... திருடினவன் திருடிட்டான். ம்... எந்த வகைத் திருடனா இருந்தாலும் சரி, பலே திருடன்னு போட்டுக்குங்க. உள்துறை அமைச்சர் வீட்டுலயே திருடி இருக்கானே?''

. சுதா ரகுநாதன்: ''ரொம்ப சீரியஸான ஒரு விஷயமா கிளம்பிட்டு இருக்கேன். இப்போ போய் திருட்டு, போலீஸ்னு பதற்றம் ஆக்குறீங்களே... தெரியலை சார்... ப்ளீஸ்!''

. 'நண்டு’ ஜெகன்: ''பூட்டுன பழைய பங்களாவைத் தொறந்து பாத்திரம் திருடிய அட்டு பீசுங்க, பித்தளைச் சொம்பு வகைத் திருடர்களாத்தான் இருப்பாங்க!''

. சங்கீதா: ''நீங்க எனக்குத் தெரியாத நியூஸாவே கேட்குறீங்க? சினிமா சம்பந்தமா ஏதாவது கேளுங்க!''

. மகாலட்சுமி: ''ப்ப்ப்பாஸ் சார்!''

. பவர் ஸ்டாரின் நிஜப் பெயர் என்ன?

. சரியான பதில்: சீனிவாசன்.

. தங்கபாலு: ''பவர் ஸ்டாரா? அப்படி ஒருத்தரு இருக்காரா என்ன? ம்... குறும்பு பண்றீங்களா?''

. சுதா ரகுநாதன்: ''ஹா... ஹ்... ஹா... யார் சார் அவரு? சூப்பர் ஸ்டாருக்குப் போட்டியா?''

. 'நண்டு ஜெகன்’: ''டாக்டர் சில்மிஷா பால்பஜே. தொப்பை போட்ட டம்மி பீஸு!''

. சங்கீதா: ''ஹி...ஹி...ஹி... டாக்டர் ஜி.சீனிவாஸ். 23 வாரமா அவர் படம் ஒண்ணு ஓடிக்கிட்டு இருக்கு!''

. மகாலட்சுமி: ''ஹேய்... அவரைத் தெரியும். ஆனா, அவர் பேர் தெரியலையே! அவருக் குக்கூடத் தலையில முடி இருக்காதுதானே?''

. ATM விரிவாக்கம் என்ன?

. சரியான பதில்: Automated Teller Machine.

. தங்கபாலு: ''ஆட்டோமேட்டட் டெல்லர் மெஷின். கேள்வி அவ்வளவுதானா... இன்னும் இருக்கா?''

. சுதா ரகுநாதன்: ''அப்பாடி... ஒரு கேள்வியாவது தெரிஞ்ச மாதிரி கேட்டீங்களே... இதுக்குத் தெரியும் - ஆட்டமேட்டிக் டெல்லர் மெஷின். சரியா?''

. 'நண்டு’ ஜெகன்: ''அண்ணா ஹஜாரேவைத் தடுக்க முடியுமா?''

. சங்கீதா: ''என்னைக் கேட்டா, 'அழகிய தமிழ்மகன்’னு சொல்வேன்!''

. மகாலட்சுமி: ''என் ஹஸ்பெண்ட் அழகிய தமிழ்மகன்.'' எப்பூடி? உங்களோட பேசிப் பேசி எனக்கே இப்ப குறும்பு வந்துடுச்சுல்ல?''

எங்கேயும் எப்போதும் எஸ் சார்!

Vikatan Correspondent

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News

Vikatan's Choice

எங்கேயும் எப்போதும் எஸ் சார்!

Vikatan Correspondent

Tamil News

Cinema News

Spiritual News

Vikatan TV

Business News

Sports News

Photo Story

Agriculture News

Automobile News

Health News

Lifestyle News