Published:Updated:

“திரைப்படத்தில் நான் புகைப்படம்!”

போட்டோஷூட் மூலம் கிடைச்ச வாய்ப்பில் போட் டோவிலேயே நடிச்சிருக்கீங்களே ஆனந்தி!

பிரீமியம் ஸ்டோரி

“ `வரும் ஆனா வராது’ங்கிற டயலாக் மாதிரிதான்... அந்தப் படத்துக்காக ஒரு நாள் முழுக்க நான் ஷூட் போனேன். கதையும் என்னை மையப்படுத்தியதுதான். ஆனா படத்துல‌ எனக்கு டயலாக்கே இருக்காது.’’

நவாஸுதீன் சித்திக், நம்மூர் நாசர் ஆகியோரின் நடிப்பில் ஓ.டி.டி-யில் ரிலீசாகி சமீபத்தில் ‘ஹிட் லிஸ்ட் ஓ.டி.டி’ விருதையும் வென்ற ‘சீரியஸ் மென்’ இந்திப் படத்தில் நடித்தது குறித்துத்தான் இப்படிச் சொல்கிறார் சென்னை, சேத்துப்பட்டைச் சேர்ந்த ஆனந்தி.

“திரைப்படத்தில் நான் புகைப்படம்!”

‘சீரியஸ் மென்’, பிரிட்டிஷ் இந்தியாவில் நடக்கும் கதை. வறுமையில் இருக்கும் இந்தியப் பெண் ஒருவரின் புகைப்படம் தேடி இந்தியா வரும் வெளிநாட்டுப் புகைப்படக்காரரிடம், நவாஸுதின் சித்திக்கின் அப்பா பணத்தாசையில் தன் மனைவியைப் புகைப்படம் எடுக்கச் சொல்கிறார். அந்தப் புகைப்படக்காரரோ, ‘உன் மனைவியின் முகத்தில் வறுமை தெரியவில்லை’ எனச் சொல்ல, பட்டினி போட்டே மனைவியை வறுமைக்கோலத்துக்குத் தள்ளுகிறார், நவாஸின் அப்பா. படத்தில் நவாஸின் பிரிட்டிஷ் இந்தியா காலத்து அம்மாதான் (அதாவது புகைப்படத்தில் மட்டும்) ஆனந்தி.

ஆனந்தி
ஆனந்தி

`‘கல்லூரிப் படிப்பை முடிச்ச சமயத்துல பழ வியாபாரம் செய்துட்டிருந்த அப்பாவுக்கு உடல்நிலை சரியில்லாமப் போய் தொடர்ந்து அவரால வேலைக்குப் போக முடியலை. ஏதாவதொரு வேலைக்குப் போய் ஆகணும்கிற கட்டாயம். சினிமா தொடர்புடைய ஒரு ஆன்லைன் பப்ளிகேஷன்ல வேலைக்குச் சேர்ந்தேன். அந்தத் தொடர்புல கிடைச்ச நண்பர்களுடன் சேர்ந்து குறும்படங்கள், மாடலிங்னு பண்ணத் தொடங்கினேன். அப்ப என்னுடைய போட்டோகிராபர் நண்பி ஒருத்தி ‘டஸ்கி ஸ்கின்ல ஒரு கேர்ள் வேணும், பேசாம நீயே வாயேன்’னு என்னை போட்டோ ஷூட் பண்ணினா. அந்தப் போட்டோஷூட் மூலம் கிடைச்ச வாய்ப்புதான் ‘சீரியஸ் மென்’ சான்ஸ்’’ எனகிறார்.

போட்டோஷூட் மூலம் கிடைச்ச வாய்ப்பில் போட் டோவிலேயே நடிச்சிருக்கீங்களே ஆனந்தி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு