பாரிஸ் ஜெயராஜ் - சினிமா விமர்சனம்

ர களையான ரூட்டு தல பையனும் அப்பிராணி பொண்ணும் காதலில் விழுந்தால் நிகழும் களேபரங்களே ‘பாரிஸ் ஜெயராஜ்.’ . ஏரியாவின் கானா கிங் ஜெயராஜ். நண்பர்களோடு பகலில் கானா, இரவு குடி என வாழ்வாங்கு வாழ்பவர். காதலர்களைப் பிரித்துவிட்டு அதில் கமிஷன் பார்க்கும் வக்கீல் அப்பாவால் ஜெயராஜின் காதலும் கண்டமாகிறது. இதனால் தந்தையும் மகனும் முறைத்தபடி திரிய, காதல் திரும்பவும் ஜெயராஜ் வீட்டுக் கதவைத் தட்டுகிறது. இம்முறை ஜெயராஜ் என்கிற சந்தானம் பயங்கர உஷாராய் லவ் மேட்டரை டீல் செய்ய, டிவிஸ்ட் வேறு வடிவத்தில் வருகிறது. அதென்ன டிவிஸ்ட், அதை இரண்டு குடும்பங்களும் எப்படி டீல் செய்கின்றன என்கிற காமெடி கலாட்டா தான் மீதிப்படம்.

. பாரிஸ் ஜெயராஜ் படத்தைத் தூக்கிச் சுமக்கும் ஹெர்குலிஸ் சந்தானம்தான். நடனம், ஆக்ஷன் ப்ளஸ் தன் டிரேடு மார்க் டைமிங் காமெடி எனப் படம் முழுக்க நிறைக்கிறார். ஹீரோயின் அனைகா சோதிக்கு தமிழ் சினிமா நூறாண்டுகளாய்க் கொடுத்துவரும் அதே அப்பாவி ஹீரோயின் வேடம். அப்பா கேரக்டரில் வரும் பிருத்வி ராஜ் ரியாக்ஷன்களிலும் உடல் மொழியிலும் ஸ்கோர் செய்கிறார். மொட்டை ராஜேந்திரனும் லொள்ளு சபா கூட்டணியும் தங்கள் பங்குக்கு கிச்சுகிச்சு மூட்டுகிறார்கள்.

. சந்தோஷ் நாராயணனின் இசையில் பாடல்கள் கேட்கும்போது நன்றாக இருந்தாலும் ரிப்பீட் மோடு ஆப்ஷனைத் தட்ட வைக்க மறுக்கின்றன. ஒளிப்பதிவு ஆர்தர் வில்சன். கலர்ஃபுல் காட்சியமைப்புகள் கூடுதல் பலம்.

முதல் பாதி முழுக்க எங்கெங்கோ சுற்றித் திரியும் கதை, இடைவெளிக்குப் பின் தான் இலக்கை நோக்கிச் செல்கிறது. அதிலும் எந்திரி - முந்திரி, ஓடு - மூடு ரக ரைமிங் வசனங்கள் ஒரு கட்டத்திற்கு மேல் அயர்ச்சி தருகின்றன. டிவிஸ்ட் இதுதான் எனத் தெரிந்த பின்னர் நடக்கும் கண்ணா மூச்சி நீளமான ஆட்டமாய்த் தெரிவது பெரிய குறை.

. கலகல இறுதி அரை மணிநேரம், அதில் கொஞ்சமாய் இழை யோடும் அரசியல் நையாண்டி - இது ஜான்சனின் ஹிட் டெம்ப்ளேட் ஆகிவிடும் போல. இந்தப் படத்திலும் அது அவருக்கு நன்றாகவே கைகொடுத்திருக்கிறது. முழுக்க முழுக்க வசனங்களால் ஓடும் முதல் பாதியில் கொஞ்சம் கவனம் செலுத்தி காமெடி செய்திருந்தால் பாரிஸ் இன்னும் அதிக மாவே கவர்ந்தி ருப்பார்.

பாரிஸ் ஜெயராஜ் - சினிமா விமர்சனம்

விகடன் விமர்சனக்குழு