Published:Updated:

ஆலையை நிரந்தரமாக மூடுவதே தீர்வு... சூடு தணியாத தூத்துக்குடி!

ஆலையை நிரந்தரமாக மூடுவதே தீர்வு... சூடு தணியாத தூத்துக்குடி!
பிரீமியம் ஸ்டோரி
News
ஆலையை நிரந்தரமாக மூடுவதே தீர்வு... சூடு தணியாத தூத்துக்குடி!

போராட்டம்இ.கார்த்திகேயன் - படங்கள்: ஏ.சிதம்பரம், ஆர்.எம்.முத்துராஜ்

தூத்துக்குடியில் கடந்த மே 22-ம் தேதி, ஸ்டெர்லைட் ஆலையை எதிர்த்து நூறாவது நாளாக நடந்த மாவட்ட ஆட்சியர் அலுவலகத்தை முற்றுகையிடும் போராட்டத்தில், பல்லாயிரக்கணக்கான மக்கள் எழுச்சியுடன் கலந்துகொண்டனர். மாவட்ட ஆட்சியர் அலுவலக வாயிலில் பொது மக்களுக்கும் காவல்துறையினருக்கும் ஏற்பட்ட தள்ளுமுள்ளு கலவரமாக மாறி... தடியடி, கல்வீச்சு, துப்பாக்கிச்சூடு என்று திசைமாறிவிட்டது. அதில், 13 பேர் அநியாயமாகக் கொல்லப் பட்டிருக்கின்றனர். நூற்றுக் கணக்கானோர் பலத்த காயங்களுடன் மருத்துவமனையில் சிகிச்சை பெற்று வருகிறார்கள். இன்னமும் துயரத்திலிருந்து மீளவில்லை தூத்துக்குடி மக்கள். 

ஆலையை நிரந்தரமாக மூடுவதே தீர்வு... சூடு தணியாத தூத்துக்குடி!

துணை முதல்வர் பன்னீர்செல்வம் தூத்துக்குடிக்கு வந்து காயம் பட்டவர்களைச் சந்தித்தார். அன்று மாலையே ஸ்டெர்லைட் ஆலையை மூடிட தமிழக அரசு அரசாணை வெளியிட்டது. அதோடு, ஆலையையும் மூடி முத்திரை வைத்தனர், வருவாய்த்துறை அதிகாரிகள்.  

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz
ஆலையை நிரந்தரமாக மூடுவதே தீர்வு... சூடு தணியாத தூத்துக்குடி!

தற்போதைய நிலைக் குறித்து, தூத்துக்குடி மாவட்ட ஸ்டெர்லைட் எதிர்ப்புக் கூட்டமைப்பைச் சேர்ந்த பொன் பாண்டியிடம் பேசினோம். “பதினாலு முறை பேச்சுவார்த்தை நடத்தப்பட்டதாகச் சொல்றாங்க. ஆனா, உண்மையில் ஒருமுறைகூட எங்களைக் கூப்பிட்டுப் பேச்சுவார்த்தை நடத்தவில்லை. முறையான பேச்சுவார்த்தை நடந்திருந்தா இவ்வளவு பெரிய போராட்டமும் நடந்திருக்காது. அப்பாவி மக்கள் 13 பேர் செத்திருக்கவும் மாட்டாங்க. இத்தனை நாள் சும்மா வேடிக்கை பார்த்துட்டு, கலவரம் வெடிச்சு 13 உயிர்கள் போனதுக்கப்புறம் ஆலையை மூட அரசாணை வெளியிடுறாங்க. ஸ்டெர்லைட் நிர்வாகம் திரும்ப ஆலையைத் திறக்கறதுக்கான முயற்சிகள் செஞ்சா, அதுக்கு அரசு உடன்பட்டுடக் கூடாதுங்கிறதுதான் எங்க கோரிக்கை. திரும்பவும் ஆலையைத் திறக்க முயற்சிகள் நடந்தால் மக்கள் போராட்டம் திரும்பவும் வெடிக்கும்” என்றார்.

ஸ்டெர்லைட் எதிர்ப்பாளர்களில் ஒருவரான பிரபு, “மக்களின் உணர்வுகளை மதிக்கும் அரசு என்றால் ஆலையை நிரந்தரமாக மூடிடும் வகையில் அமைச்சரவையைக் கூட்டி தீர்மானம் நிறைவேற்ற வேண்டும். ஆலையின் கழிவுகளும் அப்புறப்படுத்தப்பட வேண்டும்” என்றார்.