ஆன்லைன் டிரேடிங்: நஷ்டத்தை சமாளிக்க கந்து வட்டியில் கடன்; இளைஞரின் விபரீத முடிவு!

ஆனால் வரும் வழியிலேயே அவர் உயிரிழந்துவிட்டதாக மருத்துவர்கள் தெரிவித்ததை அடுத்து உறவினர்கள் கதறி அழுதனர். அதையடுத்து அவரது உடல் உடற்கூராய்வு சோதனைக்காக கதிர்காமம் அரசு மருத்துவக் கல்லூரிக்கு அனுப்பிவைக்கப்பட்டது. தற்கொலை செய்துகொள்வதற்கு முன்பு கடன் கொடுத்தவர்களில் ஒருவரான சுந்தர் என்பவருக்கு அவர் எழுதி வைத்த கடிதத்தில், `அண்ணா, நான் எல்லோருக்கும் 85% வட்டியாக திருப்பிக் கொடுத்திருக்கிறேன். எனக்கு கடன் பிரச்னை. அதுவும் கந்துவட்டி பிரச்னை.

நான் பணம் வாங்கிய அனைவருக்கும் 85% வட்டியாக திருப்பிக் கொடுத்து வருகிறேன். அதனால் என்னால் அசலைக் கொடுக்க முடியவில்லை. கந்து வட்டிப் பிரச்னையால்தான் நான் இந்த முடிவை எடுத்திருக்கிறேன். எனக்கு வேறு வழி தெரியவில்லை’ என்று எழுதியிருக்கிறார்.

கடன் வாங்கி பங்குச் சந்தையில் பணம் போடக்கூடாது என்பது அடிப்படை விதி. இந்த விதிமுறையில் பங்குச் சந்தையில் பணம் போடும் முதலீட்டாளர்கள் அனைவரும் தெரிந்துகொண்டு நடப்பது அவசியம்!

தற்கொலை எண்ணம் எழுந்தால் தமிழக அரசின் 104 என்ற 24 மணி நேர சேவை எண்ணுக்கு அழைக்கலாம். இந்த இலவச தொலைபேசி சேவையில் உங்களின் மனநலக் குழப்பங்களுக்கு மனநல ஆலோசனைகள் வழங்கப்படும்.